ندخل في القصه ...
البارت رقم (1)
في مثل هذا اليوم وقبل تسع سنوات عمت السعاده والفرح قلب عائلة
حسين حبيب آل...بزف خبر ولادة اول مولوده لهم
واتفق على تسميتها دعـــــــــــاء
وهاهم اليوم يحتفلون بعيد ميلادها التاسع بوجود العائله والصديقات
وهالمره عيد ميلاد دعـــــــاء يختلف لاختلاف عمرها كانت
منذقبل طفله وهاهيه اليوم تصبح بهذا العمر في سن التكليف
وفرحتها كبيره ومختلفه وحتى والديها كانت سرورلقلبهم
وهم ينظرون الى ابنتهم تكبرامام اعينهم
{طبعا حسين لايتكلم ،فيه بعض الكلمات ينطقها }
حسين ...ينادي على دعاء { دُااء }
شوق..دعاء ابوش ينادي عليك
دعاء..طيييب ماما انا اكلم صديقتي الحين
شوق ..اطلعي بتلفون واعطي ابوش اشاره عيب يابنت
دعاء...اقووول فوز ابوي وامي ينادون علي المهم لازم تحضرين الليله
والابزعل منش اذا ماتجين ويللا بااااي
شوق ..اشرت الى حسين ان دعاء تكلم تلفون صديقتها
الاشاره..بفتح الكف اليسرى وضم اربع اصابع الكف اليمنى وضمهم مع بعض ..كلمة صديق ،،
دعاء ..جت الى ابوها وتكلمه بحركة الشفاه اسفه بابا
وتضع اصبعها الابهام قرب اذنها اليمنى والسبابه والوسطى والبنصر
مضمومين الى داخل راحة الكف والخنصر عندمنطقة الفم
حسين ..بالغة الاشاره ..اصبع السبابه اليد اليمنى قرب
الفم ويحركه بميل خفيق الى اعلى وانزالها مره آخرى..{هذه الحركه يعني ماما}المعنى امش اعطتني خبر
سئلها اذا هيه تمبى شي او ناقصنها شي قبل العصر
دعاء ..اييييه بابا باقي هدايا الى الموجودين
حسين ...حددي بالضبط من وين لانك تتعبيني
دعاء...بابا تزعلني بهاليوم خلاص مابروح مكان
شوق..بلادلع زايد دعاء ابوش تعبان رايح جاي وانتي بصراحه تتعبيه اكثر هذا المحل الهندي الافيه وسخ وشكله مقرف
وهذا رخيص يلعبون علي صديقاتي ووووومن الحجايج الاماتنتهي
دعاء...خلاص بروح اخلاد كل شي عنده متوفر
وخبرت ابوها وراحت تلبس عباتها ونزلت لابسه العبايه
بس شعرها طالع من تحت الفه {البوشيه}
حسين ...يأشر اليها انها تقرب جنبه
دعاء..بابا بنتأخر يللا
حسين ..يأشر اليها انها الحين كبرت ولازم شعرها مايطلع لبرى
حراااام الله مايرضى والنبي واهل بيته سلام الله عليهم
وانتي الحين في سن التكليف يعني لازم تفهمي هالامور
دعاء...بعصبيه زييييييييييييييييين هااا اوووف بتاخذووونها
علي انتي في سن التكليف كل شي لاتجلسين مع اولاد عمك اوخالك الامتحجه انتي في سن التكليف لاتطلعي وشعرك طالع من الغشوايه
انتي في سن التكليف اووووف زهقتوووني
شوق...ليش هالصراااااخ عندك والعصبيه ويش صاير بعد
موخلاص بتطلعي وبعدين بتطلعي ولابسه برمودا بدون شراب
حرام ماما ارجعي والبسي لك شراب استر حتى مظهرك يطلع جميل
عفيه على بنتي الشاطره
دعاء...بابتسامه وقهر وضاغطه باسنانها وهي تتكلم ان شاء الله ماما فيه اوامر ثانيه
شوق ...في داخلها تمبى تضحك بس لازم توضح لابنتها الصح من الغلط وبعدين مايكلمون امهم بهالطريقه زين غناتي
حسين...دعاء واجد مضايقه وشرح الى شوق الاصار
شوق...ماعليه اشوي اشوي وبتفهم واكيد هالمرحله صعبه عليها اشوي وتعرف الحين هي في بداااية سن المراهقه يمبى اليها صبر وحكمه
حتى تتخطى هالمرحله بسلام وبدون تعب
دعاء...طلعت مع ابوها وعندمحل اخلاد..
حسين ..يتكلم مع دعاء وانتبه الى صديقه محمدوسلم عليه وكان معاه اخوه عماد{يتكلم }سلمووعلى بعض
محمد..يأشر اليه ان دعاء كبرت ماشاء الله عليها
حسين ..خبره ان الليله عيدميلادها ونادى على دعاء حتى تجي تسلم
دعاء..بخجل رفعت يدها عندجبينها مثل التحيه
محمد..نفس الشي رفع يده وكتب اليها
كل عام وانتي بخير
دعاء...بالغة الشفاه وانت بخير
عماد..هلا عمووكيفك وكل عام وانتي بخير والعمر كله ان شاء الله
ومديده بالسلام
دعاء..هلاعموووانت بخير ،،بس اسفه عمووو انا كبيره الحين مااسلم على ارجال
عماد... هااااايييييه اسف ماخذيت بالي
في أي فصل الحين
دعاء..رابع
عماد..هااا شطوووره والا
دعاء..طبعا شطووره ،،اسمح لي عموواريد اختار
لااتأخر
عماد..تفضلي ،، في خاطره ماشاء الله ذكيه ربي يحفظك
شوق ...تكلم اختها ابتسام {ام معاد}
خيوووه موتتأخري معتمده عليش تعرفيني في هالمواقف مااعرف اتصرف زين
ام معاد..ولايهمش بعدصلاة المغرب انا عندش بس سمر
بتجي قبلي {سمر نفس سن دعاء وصديقتها }
شوق ...يللا خيووه حسين جاااي وجاايب اغراض يللا مع السلامه
دعاء...سلاموووو مامي يللا مامتي شوووفي الاخذيتهم
حسين...تريدون شي بعد
شوق..تسلم عساك سالم ،،يللا فرجيني كنت متوقعه انك
بتأخذين هالدباديب عاااد يابنتي هذا واجد كبير
دعاء...هذا هديه من عموو محمد صديق البابا
شفناه في اخلاد ومعاه اخوووه ماعجبني يسأل واجد
بس ماعطيته فرصه يتكلم معاي بزياده مثل ماتوصيني مامتي
شوق..من هووواخوووه
دعاء...مااعرفه اول مره اشوفه اسألي البابا عنه
ام حسين ..جنى الى متى بتخلصي اخوش قال بجي على الساعه خمس وتعرفي اخوش مايتأخر
جنى ...اخت حسين الوحيده وتدرس في ثالث ثانوي
تحب دعاء مووووت ودعاء تحبها ودووووم تاخذهامعاها لعند صديقاتها
جنى ..زين ييييمه بس بحط لي عطر وبلبس لي اكسسوارات
ام حسين....والله لو مافيه مولد السيده فاطمة الزهراء عليها السلام كان مااروح اني وين وهالخرابيط وين اني كبيره اروح في اعياد
وبعد تستاهل ام علاوووي
جنى...هااا اماه لو تسمعش دعااااؤه الحين تزعل عليش بتقول ليش واني مالي خاطر يعني مااهمش
ام حسين..ايوهوووه بعد لازعليها جاهله بعد قلبي هالقمر
ربي يحفظها ويش بقول موتنسي هدية بنت اخوش
جنى.. ان شاء الله يمه
حسين ..اعطى رنه على جنى مره ثانيه ثالثه وانتظر مافيه فايده
ونزل من السياره
جنى ..نست جوالها في غرفتها وجالسه تشاهد في الصاله
حسين..فتح الباب ولقاهم جاهزين ويأشر الى جنى ليش
وين جوالك
جنى...تفتح شنطتها وضربت على راسها نسيته في الغرفه
حسين ..مسك اذوووون جنى
جنى..يييييييييييمه لحقي علي اذوووني بصمخ اكيييييد من ولدش كل مره جدييييه ناوووويها علي ازوج وانا علي سماعه
ام حسين.. والله اذا بتلبسي سماعه على قولتش من هدرتش بالجوال يللاياااولدي اتركها وانتي جيبي جوالش وخلصينا
حسين ..سلم على امه وحب راسها
جنى..من بعيد تعاند حسين خلاص بجلس مابروح معاكم
وهي تأشر اليه
حسين...عااااادي ومشى ومشت معاه امه
جنى..ولللللللل ولايعبروني على الاقل قولي بنتي جنااااني
وركضه وراهم وبسرعه بسّكر باب السياره الى امها سكرته على
ايدامها
ام حسين..آآآآآآآآآآه يااااااعــــلي....
ولنا لقاء ان شاء الله ..
ملاحظه اعزااائي..
توجد صفحه خااااصه لارآآآكم وردووودكم 
رد مع اقتباس
هندي 
الضحك ربي 
لايبلانا 
هههههههه
المفضلات