دعاء..اماه ابوي قال انه بجيب من برى لاسوين شي
وبيت عمي غداهم ويانا بعد
زهره...رجاااوي فيه شي باقوله وربي يسامحني
خالة المعرس ماعجبتني ومانزلت لي من زور شكلها
مرتجى..هااا بدينا بحنة النسوان فلانه ماعجبتني وعلانه مادخلة مزاجي
زهره..لاموجديه تعرف انها صيحت شوق البارحه
مرتجى...ولللل لهدرجه صيحت ام علي ويش سوت الوالده
زهره..وعلمته بالاصار
مرتجى...لاحوله ولاقوة الابالله ،،ناس يدورن المشاكل ادواره
ولايهمهم الاتخريب بيوت خلق الله
يمكن ليها نيه تخرب العرس ،،الله العالم بخفايا الصدور
ام حسين...شوق يابتي البارحه حسيت عليش كنش تصيحي
في شي لواحد بشع {جرح }خاطرش بكلام
شوق..مافيني شي عمه ايلاويه عاد اصيح
ام حسين...ماادري حسيت الش يابتي عشرة اسنين
وانتينا وحده من بناتي وعزيزه وغاليه وبعد مريتنش على ايدي
شوق...حضنت عمتها وحبت راسها ربي يحفظش ان شاء الله ولايحرمنا من طيبة قلبش
ابوياسر...يسرى يبى تعالي شيلي وياي هالاغراض
يسرى...اييه ان شاء الله وحملت مع ابوها قواك الله يبى
ابوياسر..يقويش هااابتي جت مرت اخوش
يسرى..اييه
ابوياسر...وينهم فيه
يسرى..في غرفته
ابو ياسر...يابتي ماامبى الشغاله تداني الاكل وعمتش بجي تعرفيها ماتحب الشغالات يجيسون الاكل
يسرى...ان شاء الله يبى
ابوياسر...الاولد عمتش مابجي مااشوف اله لوده في البيت
يسرى..لايبى معزوم مع اصحابه وبجي على المغرب وبطلع وياه
ابوياسر..على خير رجلش واينجاز وياش بس هاا موطولون
يسرى..ان شاء الله على هالعين هذه قبل الثاني ههه
ياسر...جنى الى متى بتستحين ماباقي الاثلاثة ايام ومابشوفيني
جالس وياش ،والانسان موضامن عمره
جنى..اسم الله عليك سالم من الشر
ياسر..جلس عدل واخيرا طلع الصوت تحبيني جناااني
جنى...تطالعه انت ويش تشوف
ياسر..اشوف العيون الحلوه تطالعني والاحلى من عين المها ،
اشوف احلى قمر بالكون واجمل البنات وياي
جنى...حمر الوجه ونكست راسها
ياسر..حبي كيف بتحمل اني مااشوفش
على فكره اكيد عندش ايميل
جنى..ايه عندي
ياسر...اعطيني وياه لابتوبش فيه كاميرا لولا
جنى...عندي بس مرتجى مايرضى اني استخدمها
ياسر..خلاص اذا على مرتجى انا بكلمه
ابوياسر...يسووره غناتي نادي على اخوش ومرته ماشفت العروسه امبى اسلم عليها
يسرى..ان شاء الله تآمر دقت الباب يسووور ابوك ايمبااااك
ياسر...دخلي
يسرى...مانمبى نصير عزولين بس الوالد يمباك حتى بيسلم على جنى
جنى...تطالع في ياسر
ياسر..ايييه صحيح ابوي ماشافش حبيبتي يللا قومي وياااي
ومسكها من يدها وتقريباً حاضننها
جنى..ياسر موجديه استحي قدام ابوك
ياسر..ياعيني امووت في خجل الحلوين
ابوياسر..بالصاله قاعدوعنده كتاب يقرأفيه وسمع ياسر وهويتكلم
مع جنى
ياسر..السلام عليكم يبى وحب راسه
جنى..كيف حالك عمي
ابوياسر..قام اليها وسلم عليها
ياسر..جنى يأشر اليها انها تحب راس ابوه
جنى...حبت راس عمها
ابوياسر...على البركه وان شاء الله عشره طويله
والله وكبرتوووا ياولاد من يصدق الاواقفين الحين هم العفاريت لاول
الامايخلو شي الاكاسرينه وقالبين البيت فوقاني تحتاني
يسرى...تذكر ابوي لحين
ابوياسر...اييه يابتي تمر لسنين كنها امس اول امس
ياسر...ابوي يعني جنى كانت شيطانه بعد
ابوياسر...ايييه كانت ماترضى احد ياخذ العابها وبالذات انت
كنت تتعيلف بها وتاخذ العابها وهي تلحقك لين ماامك الله يرحمها تضربك رحمة الله عليها ماترضى احد يزعلها
لااله الاالله وذاهيه استوت من نصيبك يعني اعنادك ماراح مكان
ياسر...يللا ويش رايش جنى نرجع مثل اول هههههه
جنى...تطالعه ومستحيه
يسرى...اقوول ويش رايكم تصلون احسن هههههه
حسين...يخبر مرتضى انه عنده موضوع مهم ....
ولنا لقاء ان شاء الله
توقعاااتكم احباااابي ..
واسمحووو لي ع التقصييييير
اسئلكم الدعــــاااااء