كسرة خبز .......إجتماعية..

[ليلاس]

يسلموووووووووووو

أخوي في انتظار جديدك

[أحبك ياغلا عمري]

مشكوووووووور اخوي على الجزء
اتمنى لك التوفيق

تحيااااااااتي
أحبكـ ياغلا عمري

[مجنونة وحلوة]

يسلمووووو اخوي ((واحد فاضي))
على القصة وننتظرالتكملة
***تحياتي***
##مجنونة&حلوة##

[Habit Roman]

هلا والله اخوي ابو زين
جزء روعة وااجد تسلم ايدك
اتوقع كريم هو الي يتابع حسين خخخ

ننتظر الجزء الروعة
تحياتي

[صمته جرحني]

يعطيك العافية عالبارت


الحمد لله شكل الاوضاع بدت للتصلح والله يتمم عليهم فرحتهم


برجعة ابو حسين وابو عمران


تحياتي

[ام فراس]

متااابعين وننتظر البارت الجديد
يعطيك العافية اخوي

[eman.7]

ننتظر الباقي

يعطيك العافية وااااااااااااااااحد مليان اقصد فاضي هع مو تتأخر عاد !!!


تحياتي...

[واحد فاضي]

وفي هالوقت ما شافوا الا حسين قايم بسرعه ورايح جهة الباب والى المواقف على طول

وصدق حدسه واللي كان يتوقعه ........

كريم طالع من المستشفى .........

رجع حسين الى محمود و د.أحمد

د أحمد :- خير خير يا خوك ويش فيك

حسين:- ابد كنت شاك في شي وتأكدت منه الحين

محمود:- خير ان شاء الله

د أحمد :- ويشو هالشي ؟؟؟

حسين:- أخويي كريم ، اكيد جاي يسأل عن الوالد ، ويتأكد ...أستغفر الله العظيم ...من وضعه الصحي

محمود:- ويش فيها يعني ولد وجاي يسأل عن ابوه

حسين:- وانت ناسي انه مسوي قضية حجر على الوالد

محمود:- بل بل يمبى يورثه يعني وهوه حي

د أحمد :- ناس قلوبها حجر ولا تحن على نفسها بعد مو أقرب الناس ليها

حسين:- اي والله صدقت يا خوك ، قلوب حجر ما تلين ، ناس تتمنى بس يكون عندها ابو يوم واحد لو ساعه

وحده وناس تمبى متاه متاه ابوها يموت

محمود:- الله يلعن لفلوس اللي تخلي الناس بهالقلوب

د أحمد :- زين خلينا نشوف القسم ونتأكد عن ويش يسأل اخوك

حسين:- اي والله جبتها يا ابو اسراء ، يالله قمنا

محمود:- قمنا قمنا ويش ورانا

وقاموا للقسم وراحوا للاستقبال وسأل د أحمد عن أي أحد جاي يسأل عن حالة أبو حسين وقالوا له ان

فيه شخص جاء ويسأل عن حالة أبو حسين وعن وضعه وهل فيه أمل انه يتحسن لو لا وكلام كثير

وتأكد حسين بأنه هوه كريم اللي جاي ، ورد سأل د أحمد الاستقبال اذا طلب ورقه ولا شي

فقالوا له انه حاول ياخذ تقرير عن حالته وانه عرض عليهم فلوس علشان يعطوه تقرير بالحاله اللي هوه فيها

ويضيفوا انه ما في امل في علاجه ، لكن يوم لقى ان ما فيه فايده مشى وهو يهدد بأن راح يجيب التقرير

بالطيب بالغصب راح يحصل عليه .

حسين:- والحين ويش نسوي

د أحمد:- والله ما ادري يا خوك بس ننتظر ونشوف

محمود :- الله يعين ويساعد ، المهم انا الحين با امشي واذا احتجت اي شي يا خوك قول لي

حسين :- رحم الله والديك بس لا تنسى بكره بنروح الشرطه هاه

محمود :- ولا يهمك يا خوك ، معقوله انسى هالشي

د أحمد:- وأنا بعد رايح علشان العملية وراجع من أخلص

حسين :- على خير ان شاء الله

وتفرقوا على أمل اللقاء ، أما كريم فهو بعد ما طلع من المستشفى راح البيت وجلس هناك يفكر

ويخطط للخطوه اللي بعد هذي ، ابوه شكله ما فيه امل في علاجه ، والورفه جايه جايه ما با افك منها

وقام يوزعها من الحين ويخطط ليها ويش بيسوي فيها وين بيوديها وين بيروح بها ، بس

حسابه .................. طلع مو مزبوط

حسين في المستشفى مع الاهل ، ينتظروا اي خبر عن الاثنين ابو حسين وابو عمران ، لكن ما احد يخبرهم

بشي وكل اللي سمعوه ان الحالة مستقره للآن

فجأة صارت حركة وروحه وجيه ، دكاتره داشين ودكاتره طالعين ، ممرضات تراكض وممرضات تحمل

أغراض ، وحسين وأهله محتارين ، وكل ما سأل أحد ما يلاقي عنده جواب ، بس الحركه زايده

اتصل بالكتور أحمد مغلق جواله ، ويش يسوي وين يروح .........

راح للمدير الطبي وسأله عن حالة ابوه وهل التحركات هذي علشان ابوه ولا علشان زوج اخته

فقال له المدير الطبي ..ابوك شويه تعب وهم يحاولوا ينعشوه وان شاء الله تعدي الامور على خير

حسين من سمع هالشي دار راسه وقعد على الكرسي بدون شعور ........

............

محمود رجع البيت وهوه يفكر في اللي راح يقوله في الشرطه ........ويش هالبلشه هذي .....ويش نقول

ليهم ........كتب ؟؟أغراض خاصة ؟؟ هدايا؟؟ويش نقول ..........يالله يفرجها ربي .......

ووصل للشقة وهو بعدهوه يفكر في ويش اللي بيقوله وويش اللي بيتفق عليه ويا حسين .........ما حس

بروحه الا هوه داخل الشقة وجالس على الكنبة .................

فاطمة:- ويش فيك غناتي محمود ؟؟ محمود ....محمود

محمود:- هاه ...ايه ....ويش قلتي !!!

فاطمه:-لا لا ...ويش فيك انته مو على بعضك ابداً ابداً

محمود:- لا ما فيه شي ...ما فيه شي

فاطمه:- الا فيه تعلمني عنك اني ....ويش فيك ؟؟

محمود:- قلت لش ما فيني شي الا غصب فيني شي يعني

فاطمه:- قلت الك ويش فيك وتعرفني اذا قلتها ، أعرفك اني ...الا اذا عادني غريبه عنك وما تمبى تتكلم ليي

محمود:- لا بس ..........يالله

فاطمه:- اذا تحسها غصب عليك لا تقول خلاص

محمود:-لا ...الموضوع عن عبدالله .

فاطمه:- ...؟؟؟؟؟؟؟

محمود:- راعي الرسايل

فاطمه:- اها ، اللي ارسل اليي الصورة .

محمود:- ايه ، هذا يقول لش الشرطة مسكوه ولقوا عنده التسجيلات وخبرش لازم نروح ليهم

فاطمه:- ويشو ، الحمد لله أجل افتكينا .

محمود:- افتكينا وابتلشنا

فاطمه:- لاويش عاد ، الا افتكينا وابتلش هوه

محمود:- ايه بس ويش نقول ليهم باللي في الكراتين اللي خبرش ..مكتبة زهراء

فاطمه:- عادي ....ناسي اني راعية محل كوشات

محمود:- ما فهمت عليش

فاطمه:- يعني تقول ليهم ان حسين عنده مناسبة وكان حاب يسوي لمرته مفاجأة وخلانا نروح وياه طول ما

هيه في بيت ابوها وإحنا جهزنا الشقه وتالي مشينا .

محمود:- والله وجبتيها ، الحين اتصل على حسين واسأله عن ابوه بعد مره وحده


وقام واتصل على حسين مره ومرتين وفلاف و.........عشر ..ولا فيه جواب ، وقلق عليه .......

..واتصل على د أحمد ...ولا فيه جواب بعد .............

محمود:- ما أدري ويش فيهم ، الله يستر ، الله يستر

فاطمة:- الله يستر بستايره ، قوم روح ليهم واتصل عليي اول ما تعرف شي ..زين

محمود:- خير ما عليه ....الحين اروح

فاطمه :- وأني ممكن أشاهد ...........العار

محمود :- حصلتيه ؟؟؟

فاطمه :- اكيد غناتي اني فاطمه مو لعبه

محمود:- خلاص شاهديه براحتش بس عاد هوه فيه كلام شوي .........

فاطمه:- ما عليك ، با انزل الصوت اذا سمعت كلام مش ولا بد

محمود:- خير ان شاء الله

وطلع محمود واتجه للمستشفى ...............وهناك سمع الخبر ...

>>>>يتبع ان شاء الله تعالى

[واحد فاضي]

الف شكر وتقدير لكل من مر من هنا

للجميع بدون استثناء

خاااااااالص تحياتي
فمان الكريم

[eman.7]

يعطيك العافيه خيوووووووو


في الانتظار التكملة



تحياتي...

[أمينه]

الله يعطيك ألف عافيه أخي

[Habit Roman]

ننتظر البقية اخوي ابو زين

لاتتأخر علينا عاد

تحياتي

[أحبك ياغلا عمري]

يعطيك العافيه أخوي ننتظر التكمله

[المميزة]

الله يعطيك العافية ابو زين
ياعلي ليكون مات ابوحسين
انشا الله ماصار ليه شي
في الانتظار

[مجنونة وحلوة]

هاااااي ننتظر التكملة
****تحياتي****
_-_ مجنونة& وحلوة _-_