كسرة خبز .......إجتماعية..

[واحد فاضي]

خيتي أم محمد مراحب

اللهم صلي وسلم وزد وبارك على محمد وال محمد

صلى الله عليك وآلك يا رسول الله

الله يعطيك الف عافية خيو

روووعه الجزء

الروعه تواجدكم خيتي

الله يطول بعمرك ويوفقك يا رب

الله يسلمك ويعافيك خيتي

خالص التحيات
فمان الباري

[دمعة طفله يتيمه]

هااا اخوي ابو زين
عسى ماشر...؟
وينك ياولد الحلال...

ان شاءالله المانع خيير يارب

[واحد فاضي]

هااا اخوي ابو زين
عسى ماشر...؟
وينك ياولد الحلال...

ان شاءالله المانع خيير يارب

خيتي دمعة طفله يتيمة مرحبتين


موجودين بس شوية ظروف


خالص التحيات للتواجد والسؤال الكريم

فمان الله

[واحد فاضي]

في الجانب الآخر يظل عبدالله يخطط لخطواته القادمة وماذا سيفعل بعد أن حصل على

على تسجيل الفيديو والذي بإستطاعته أن يعمل له مونتاج ويستفيد منه في تهديد

حياة حسين وزهراء ....

من جانب ثانٍ حسين وبعد أن أعطى زوجته هديتها ذهب الى الغرفة وبدل ثيابه

وجلس على السرير يفكر في عدة أمور وعلى رأسها أخته مريم

أخته مريم التي تؤرق مضجعه ويفكر فيها بشكل مباشر وفي أوضاعها مع زوجها وفي أوضاعها مع نفسها

أيضاً ، فهي تعيش على هامش الحياة وعلى هامش الإهتمام من الكل ، فكل شخص لاهٍ في دنياه ولا

يفكر الا في نفسه وعياله ، لكن حسين غيرهم جميعاً هو يحمل هماً يؤرقه ويريد ان يغيره .


أما في شقة مريم فالوضع الآن يختلف .............

وصلت مريم الشقة مع بناتها ودخلت ...

أبو عمران :- هاه تو الناس يا بت أبوحسين

مريم :- السلام عليكم

أبو عمران :- عليكم ليش ما عليكم ، ويش جبتي لينا من بيت العز

مريم :- ما جبت شي ، اللي يمبى ياكل يتعب على روحه

وخلت بناتها يروحوا للغرفه

أبو عمران :- يعني كده ..إه ....إنتين تعرفي ويش با أقول وما فيه داعي نعيد ونكرر الشي هذا

مريم :- لا فيه ، واله داعي بعد ، ترى اللي تسويه انت ما يرضي الله ولا رسوله

أبو عمران :- عدال عدال يا ملاية الفريق ، الحين انا اللي أسويه ولا انتين ، اعود من الشغل ولا أشوف رقعة

وجهش ، وينه انتين في هالسوق ولا في بيت واحد من أخوتش

مريم :- أحسن من القعده هنه في هالمزبله ، تسمي هذي شقه أجل

أبو عمران :- حمدي ربش حمديه ، لو غيري ما رضى يعرس عليش

مريم :- كملها بعد ، كملها ....انطقها وقول مفل كل مررره

أبو عمران :- ما فيه فايده منش انتين ابداً

مريم :- انته اللي ما فيه فايده منك ، لوخيرك لبيتك شان زين لكن خيرك لروحك وبس ولا

إحنا ما نشوف شي

أبو عمران :- اقول بلا هدره مقدره عاد ، يالله خلينا نروق لا الحين .....

مريم :- ويش بتروح القهوه...أُه ....روح

أبو عمران :- اللهم صبرش يا روح ، الحين انتين ويش تمبي مني

مريم :- ايه هذاهيه ، تمباها من الله تنحاش هاه

أبو عمران :- انحاش كم الهم والغم

مريم :- المهم الحين ...بتك هدى يمبى ليها عباة وبتك سلمى يمبى ليها فستان وعباة

أبو عمران :- هذا اللي ناقص بعد ، هدووه كم مره قلت ليها لا تخرب فيابها وتالي تقول تمبى عباة

وذيك سلموه لا ويش تلبسيها عباة من الحين اذا كبرت تلبس يعني الحين لازم تلبس عباه هيه

مريم :- شوف شوف ، اقول له بناته يمبوا يقول مو لازم ويمبانا نقعد وياه

أبو عمران :- خلاص ان شاء الله ويا الراتب

مريم:- اللي يشوفه صار له الراتب عشرة أيام ، ترى الراتب اول أمس

أبو عمران :- ما بقى منه شي يا بت الناس

مريم:- وووه اللي ما بقى منه شي ، لا فاكهه شفنا ولا فياب شفنا ولا اغراض شفنا ولا ودمه شفنا

ولا شي في البيت شفنا

أبو عمران :- مو لازم تشوفوا شي ، انا اعرف باللي صرفته فيه

مريم:- ترى والله العلي العظيم با اخلي أخوتي يتصرفوا وياك

أبو عمران :- عدال الحين اخوتش عدال ، منهو اللي فاضي لش

مريم:- بتشوف لكن ، وداني حلفت واذا قلت ليهم وجوك مو تقول ما قلت .

أبو عمران :- نشوف ، ومنه لامن يجوا يصير خير

مريم:- يعني ما بتسوي شي بالطيب يعني

أبو عمران :- تهدديني بأخوتش ، لا تنسي تخلي ابوش بعد وياهم هههههههه

مريم:- زين أجل بنشوف بكره يصير خير حارس أجل

أبو عمران :- الحين أجل يوم طيرتي النوم من راسي با أعود القهوه شان نكسب لينا دور ولا دورين ويصير

حجرنا ببلاش

مريم:- روح وخلهم ينفعوك روح

أبو عمران :- فتكم بعافيه .........وطلع من البت بعد ما سحب من عندها برتقاله من الكيس

مريم:- انا لله وانا اليه راجعون ، ويش أسوي أني لهالرجال واني أخوتي مفل ما قال ما أحد جايب خبري

بس عندي اللي بيجيب خبري عندي ابو أزهر ما يقصر أقول اله وان شاء الله ما يقصر

وراحت للتلفون .......وتراجعت يوم شافت الساعه .......2 نص الليل

........بكره أكلم أخويي


وقامت تنبش في شنطتها ...وطاحت في إيدها الورقه الي فيها الرقم ....

محمد .........056

قامت تفكر ...لاويش ما اتصل له ...ويش بيضرني ....رنه وبا اسكر ...والصرفيه عليه .....يالله سويها يا

مريموه ...... ما بيضرش شي .......غير مكالمه واذا ما عجبني سكرت في وجهه .....واذا مره مره خليته

يشحن جوالي .........ودقت دقه وسكرت

انتظرت .........خمس دقايق .........رنه فانيه ........انتظرت خمس دقايق

مريم :- الوه ....

- هلا ...هلا بهالصوت

مريم :- هلا بيك ، انت اللي في السوق هاه

- ايه انا اللي في السوق ، ليكون ازعجتك يا قمر

مريم :- لا بس قلت خلني اتأكد

- ليه القمر محجوز وحنا تعدينا

مريم :-حتى لو محجوزين نهون علشانك يا قمر

- ما اقدر انا على الكلام الحلو هذا

مريم :- الحلو للحلوين بس وغيرهم خس

- ايوا ايوا ، انتين من وين

مريم :- اني من الدمام ، وانت

- انا من الرياض وجاي مع الاهل

مريم :- اها علشان كده صاير غير

- كيف يعني غير

مريم :- غير وبس ، مهوب زي هل الدمام

- يعني ؟؟

مريم :-لالا ولا شي يا قمر

- ليكون انتي دوليه ههههههه

مريم :- وشو دوليه بعد

- يعني تعرفي اكثر من واحد وبس كده اخذتي رقمي

مريم :-لا اني اول مره اخذ رقم من السوق في حياتي

- اها ، يعني ما تعرفي احد اكيد

مريم :- اكيد ونص بعد

- طيب ممكن سؤال

مريم :- تفضل

- انتين كم عمرك وش اسمك ؟؟

مريم :- اني اسمي الجوهره وعمري 24 سنه

- عمري الاسامي ...الجوهره وانتين جوهره

مريم :- وانت كم عمرك وشو اسمك ؟؟

- انا خالد وعمري 25 سنة

مريم :- العمر كله يا خلودي

- اذوب انا كده اذوب ما اقدر على الدلع انا

مريم :- ............( ساكته )

- هاه استحيتي يا قمر

مريم :-...........(ساكته)

- اوف وش فيه القمر ساكت

مريم :-خلاص خلاص بكره اتصل فيك

- هاه تعبانه يا قمر

مريم :- اي والله قبل شوي جايه من السوق وتعباه مررررررره

- خلاص متى تتصلي

مريم :- أشوف با اعطيك رنه

- اوكي باي .............بوسه خفيفه

مريم سكرت الجوال وطفته كعادتها لأن زوجها لو عرف عنه كسره على راسها ، ما يؤمن ان المره يصير

عندها جوال أبداً ، وراحت لغرفتها ونامت وهي تفكر في الف فكره .............

>>>>>يتبع قريباً

[المميزة]

البااارت روووعة
هذي مريم مو صاحية ناوية تضيع حالها في هالتفاهات
حتى لو زوجها لاهي هذا ما يبرر ليها اللي تسويه
الله يعينا ع هالزمن اختربو الاوادم >>> تفاعلت
يسلموو ابو زين
في انتظار التتمة ع احر من الجمر

[واحد فاضي]

خيتي المميزة مراحب

البااارت روووعة
بتواجدكم خيتي
هذي مريم مو صاحية ناوية تضيع حالها في هالتفاهات
حتى لو زوجها لاهي هذا ما يبرر ليها اللي تسويه
الله يعينا ع هالزمن اختربو الاوادم >>> تفاعلت
لابد من التفاعل هههههه
يسلموو ابو زين
في انتظار التتمة ع احر من الجمر

لكم خالص التحيات
فمان الله

[فاطمة المعصومة]

يسلموووووووووووووووو ع القصة الروعة
يلا ننتظر الجزء الجديد

[واحد فاضي]

يسلموووووووووووووووو ع القصة الروعة


يلا ننتظر الجزء الجديد

خيتي فاطمة مرحبتين

ربي يسلمك ويعافيك

خالص تحياتي
فمان الله

[اول دمعة]

اللهم صل على محمد و آل محمد
يسلموا أخي على هذا الجزء
واما مريموه دي صحيح ما تستحي فوق شينها بعد قوات عينها
بنتظار الجزء الجديد
ويعطيك الله العافيه
وموفق دائماً لكل خير
مع تحياتي
دمت بحفظ الباري

[واحد فاضي]

خيتي اول دمعه مرحبتين

اللهم صل على محمد و آل محمد
اللهم صل وسلم على محمد وآله الطيبين الطاهرين

يسلموا أخي على هذا الجزء
الله يسلمك خيتي
واما مريموه دي صحيح ما تستحي فوق شينها بعد قوات عينها
بنتظار الجزء الجديد
ويعطيك الله العافيه
وموفق دائماً لكل خير
مع تحياتي
دمت بحفظ الباري

لك خالص تحياتي لتواجدك الكريم

فمان الله

[دمعة على السطور]

اللهم صل وسلم على محمد وآل محمد وعجل فرجهم وفرجنا بهم ياكريم ...

استغفر الله ربيييي...

مريم مرة زودتها صراحة .......

فعلاً الناس أجناس.... ياما وياما نساء متأذيين من أزواجهم بس مايسووا كذا عااد

الله يلعن الشيطان ...


يعطيك العافية أخوي على هالبارت الحماسي...

ننتظر كل جديد..

موفق لكل خير إن شاء الله تعالى

دمت بعين المولى الجليل

[واحد فاضي]

خيتي دمعه على السطور مراحب

اللهم صل وسلم على محمد وآل محمد وعجل فرجهم وفرجنا بهم ياكريم ...

وفرج اللهم لنا بهم يا كريم
استغفر الله ربيييي...
مريم مرة زودتها صراحة .......
فعلاً الناس أجناس.... ياما وياما نساء متأذيين من أزواجهم بس مايسووا كذا عااد
الله يلعن الشيطان ...

لعنة الله على الشيطان الرجيم اللي يزين كل رذيله ويلبسها لباس الشهوه

يعطيك العافية أخوي على هالبارت الحماسي...
ننتظر كل جديد..
موفق لكل خير إن شاء الله تعالى
دمت بعين المولى الجليل

لك أجمل التحايا لتواجدك الرائع

فمان الله

[نور الهدى]

اللهم صلي وسلم وزد وبارك على محمد وال محمد


تأخرت علينا هالمرة ابو زين


ان شاء الله بس تكون التأخيره سببها خير



الله يعطيك العافية على الجزء


ومريموه شكلها بدت تلعب بنار


الله يستر بس

[واحد فاضي]

خيتي ام محمد مراحب

اللهم صلي وسلم وزد وبارك على محمد وال محمد

وعجل فرجهم وفرج اللهم لنا بهم يا كريم

تأخرت علينا هالمرة ابو زين

ان شاء الله بس تكون التأخيره سببها خير
التأخير خارج عن الإرادة
ان شاء الله ما نتأخر وننزل أكثر من بارت
تستاهلون أكثر خيتي


الله يعطيك العافية على الجزء


ومريموه شكلها بدت تلعب بنار


الله يستر بس

الستار رب العالمين

لك خالص التحيات واعطرها

فمان الله

[دمعة الاحزان]

اللهم صلي على محمد وال محمد
ماشاء الله عليك خيوة بو زين عندك ابداع بالقصة والكتابه كمان<<مصليه ع النبي عشان ماتجيك عين مني
خساره مانت من البدايه هنا عشان اعلق ع الاحداث حدث حدث
بس ان شاءالله بكون معسكرة هنا وبدا اعلق
بس بغلق شويات
مسكينه ريوم كاسرة خاطري شويات على نحاستها وثقالتها الا انها مكسورة الجتنب
بس الهبلى بتخرب على حالها باللي تسويه الحين
ومسكينه زهور من وين طلع لها هالعبود عشان يخرب عليها
بس ان شاء الله مايوصل لمراده مع ان ماتوقع لان شكلها حاسبها صح اذا المراقبه يراقب
الله يعينهم
وبالانتظار خيوة
وموفق دنيا واخرة
ويحفظك رب السماء