الـقـصـيـدة الـتـي أغـضـبـت الـخـلـيـجـيـات‎

**علي pt** · 04-28-2009, 07:32 PM

الزين عقب المغربيات ينعاف

هذه قصيده كتبها أحد الخليجيين بعد قدومه من المغرب

ياللي تنشد عن علوم الذي طاف .....كل البحور وكل دوله وديره

خذ من علومي علم اوصافه اوصاف ..... جزل سمين يشتعل له سعيده

الزين عقب المغربيات ينعاف ...... غيد لهن بالزين ذكره و سيره

فيهن حلا طاغي ولين و تعطاف .....وفيهن حنان يشعل القلب غيره

حلوات وصف وفاهمات بالاعراف ...... زيننات منطق صافيات السريره

بنات قوم طيبهم غصب ينشاف ..... اولاد مغرب بالليال العسيره

ياللي تنشد عن علومي بالانصاف ..... هرجي يكفي صامله عن كثيره

الزين في لميا وتغريد و الطاف .....ماهوب في حصه وكشره ومنيره

الزين عقب المغربيات ينعاف

فجأه الرد القوي!!

الصراحة الرد ما ادري من قاله بس سمعت أنها شاعرة خليجية

قال الذي في بدع الامثال صراف ...... جزل يفرق بين درهم وليره

ياللي مدحت المغربيات بجحاف ..... الله يجيرك من عماه البصيره

لو تعجبك لميا وتغريد والطاف ..... مايصلحن لهل الوجيه السفيره

مفصخات ولبسهم حول الارداف ..... وبليس اغواهم بكشف الستيره

متعودات كلهم زيف وخفاف ..... على التغنج والتعطف وغيره

كل يوم مع صاحب ولا فيهم اعفاف .....خويهم اللي فلوسه كثيره

ترى البضايع عده اشكال واصناف ..... وكل ينوخ وسط سوقه بعيره

عز الله ان الطيب في بنت الاشراف ..... اللي على الحشمه تربت صغيره

ولا تبين منها كود الاطراف ..... مثل القماشه في البحور الغزيره

ياللي تدور بالجواهر والاصداف ...... الزين كله في بنات الجزيره

**مجد0** · 04-28-2009, 08:45 PM

تشكر أخي على الموضوع الرائع
بس شنو المغزى من وراء كتابتها لهذى الشعر
يمكن تبقى تنفتح بس متدري من أي باب خخخ

**علي pt** · 04-30-2009, 03:45 AM

مشكورين على المرور ..

ودمتم بحفظ المولى ورعايته

**ورده محمديه** · 05-12-2009, 02:21 AM

ايي والله يستاهل العمى .. الله يعميه

خخخ >>مره تبغاها حجه

ترى البضايع عده اشكال واصناف ..... وكل ينوخ وسط سوقه بعيره

عجبتني القصيده ككل بس هذا البيت غير شكل عدل

جابته في الصميم

صح الله السانش

يعطيك العافيه
موفق,, وعساك على القوووه

الموضوع: الـقـصـيـدة الـتـي أغـضـبـت الـخـلـيـجـيـات‎