كم طفلة لحسين انسبت .. وطف كربلا يتمها
سكنة اللي كانت تنتظر .. بالماي يرجع عمها
وابتدي بقصة فاطمة .. ونار السرت بخيمها
بالليل للحومة اعتنت .. تخبر ابوها بهمها
من شاطت وما تدري .. نار ببدنها تسري
وين تناشد .. طاح الوالد ؟ .. وتيتمت من صغري
شحال العقيلة ام الخدر .. هالطفلة من فقدتها
للحومة زينب من مشت .. سمعت صدى لونتها
ولمن دنت من فاطمة .. تعاتب ابوها لقتها
نامت بطوله وحضنته .. وش نادت بحرقتها
ياريت قطعوا نحري .. والخيل داست صدري
ومن السهم .. قلبي اقسم .. وتيتمت من صغري
شافت رقية بالحلم ....والدها ذيج الليلة
وبالجرى عليها تخبره .. وتعاتبه وتشكي له
نشف دموعي التجري .. يابوية واجبر كسري
كلش صعب... كسر القلب .. وتيتمت من صغري
فزت من النوم ولكن .. غايب لقت والدها
مرعوبة وتهل الدمع .. ولزينب تناشدها
بعمتها تتوسل غدت .. تريد الابو من عندها
وزينب الحرة تمحنت .. هالطفلة شيهودها
صاحت يا كافل خدري .. تمحنت خوية بامري
شفت المحن .. من الزمن .. وتيتمت من صغري
ويزيد بالحالة سمع .. وش رايده هالطفلة ؟
والدها يحضر رادته .. هالطلبة ابد مو سهلة
ودا لها الراس .. وغدت بلهفة وحنان تقبلة
ياراس سلوة فاطمة .. قطعوك ليش تسأله
يالكنت خيمة خدري .. مهضومة لاني بيسري
نحت وصحت .. عني رحت .. وتيتمت من صغري
والراس لمن حضنته .. وتشكي عن حالتها
لحظات هالطفلة بعد .. ما تنسمع ونتها
يا حسين ماتت طفلتك .. وتمحنت عمتها
وشلون عند زينب صبر .. بالشام من دفنتها
السلام عليك يارقية بنت الحسين ع
بالطبع ليست من قلمي
رد مع اقتباس
المفضلات