.
.
.
.
بعــــــــــد الغدا
بدت الاهالي تجميع اغراضها وكانت الدنيا قايمه حوسه وبعض البنات مالهم خلق يشيلون شي شي والامهات متحمسات
"سهر فيه شي كانت تبي تسويه ونسته وعلى طول تركت الي بيدها وراحت له "
غزل: سهررررر وين رايحه
سهر: بروح اجيب الشوز حقي نسيته قدام البحر "وراحت تركض "
"رجعت غزل تكمل الاغراض الي ملزومه تشيلها "
من ناحيه ثانيه
نجود : يوووووه ماكنا في خدامات ملزومه بهذا كله
ام نايف: عادي يانجود عشان نخلص بسرعه تبين اصحاب الشاليه ينقدون علينا
نجود تتأفف وتشيل عبايتها وطرحتها : بس انا ماما تعبااانه وراسي مصدع
ام رغد: خلاص يانجود استريحي
"نجود ماصدقت خبر وشالت شنطتها ولبست عبايتها وراحت وركبت السياره وحطت الايبود ورجعت السيت وغمضت عيونها "
بعد خمس دقايق
"بعد مارجعت سهر من مشوراها "
سهر: عبيييييييييير
عبير رفعت راسها: هلا
سهر: عبير عطيني موبايلك بدق على جوالي بشوف وينه
عبير: اوكي خذيه شنطتي بالغرفه
"راحت سهر تدور شنطة عبير ومسكت الجوال وسوت الي هي كانت تبيـه "
من الجهة الثانيه عند العيال
طلال: وين السليبرررررر حقي
"وماحد كان يرد عليه كان يشيلون شناطهم ويحطون ملابسهم "
طلال: افففففففففف
ياسر: بدر افتح سيارتك
بدر وهو كاره العافيه : ليييه
ياسر: بحط شنطتي انا ودنو فيه لان في اغراض عند الحريم مايوسع لها مكان وبحطها بسيارتي
بدر: اوكي السيـ ........
"نغمــــــه مسج "
قطعت عليه كلمته بدون مايرد على بدر فتح المسج واستغرب انه من عبير استغرب عبير شتبي منه
وعلى طول طلع له نص المسج
" هاي بدر .. انا سهر .. همممم كل الي ابيه منك تروح تجيب جزمتي قدام البحر اذا تعزني "وجه مطلع لسانه" "
فتح عيونه على الاخر "من جدها ذي تبي تذلني ولا وشو سواق ابوها انا "وقعد كم دقيقه باله مشغول وطلال كان منتبه عليه
طلال: هاااه بدر وش جمال المسج الي يخليك تسرح
بدر طنشه وفي خاطره " همممممم وليش ماروح يمكن بس تستهبل علي بس لو كان جد جزمتها باخذها وبرميها في البحر " وبنفس الوقت يبي يلحقها لو كانت من جد حاطه جزمتها عشان يجيبها
بدر قام بأقوى ماعنده مما خلا الشباب ينتبهون
ياسر: بدر على وين
بدر: بروح اجيب نعولي هناك حطيتها قدام البحر
"وبس التهو عنه "
"قام بدر يمشي ويمشي واول ماصارت عيونه تطل على الي قدام البحر فتح عيونه من جده شاف صندل بس لفت انتباه شي جنبه وراح يركض كان يبي يعرف وش اخر سواياه
اول ماصار قبال البحر وعيونه على الي كان بالرمل شاف جزمه وجنبها ورده بنفسجيه وكان يقرا شي مو واضح اكتشف انه كلام بالمقلوب قام وعطى البحر ظهره وصار يقرا وعلى وجه ابتسامه وشاف الي مكتوب كان مكتوب " Iam sorry ….. Miss u  " وحاطه الورده جنبها والصندل من الجنب الثاني وعلى عيون الهابي فيس حاطه حرفها S وحرفه B اول ماشاف الي مسويته تشقق ولاكان عارف وش يسوي صحيح طريقة اعتذارها حلوه وكلاسك بس ماكان يبيها كذا يبيها تكلمه ويسمعها باذنه ... فكر وقال يمكن ماتبي نتناقش بكل الي صار ... وبينه وبين نفسه الي قاعد يشوفه احلى من انه يتناقش معه صور الي مكتوب بكاميره موبايله واخذ الورد وشاف الجزمه وخطرت في باله انه كمان ياخذ الجزمه .. اخذها ومشى وكل شوي يتلفت ويتفداها .. وبعدها مشى بخطوات ثقيله من الباب الي ورى مادخل داخل الشاليه وبمجرد عدى شاليهم مشى بخطوات سريعه ناحيه سيارته ودخل الورده والشوز ورى في السياره وبعدها راح متوجه ناحيه الشباب الي كانوا يشيكون على شاليه الحريم وكان وده يشوفها ويشوف شبتسوي اذا مالقت جزمتها"
.
.
.
في نفس الوقت الي كان بدر راح يشوف سهر شمسويه كانت سهر تراقبه من الشاليه ومن البلكونه الي تطل من بعيد ويوم شافت جزمتها معه اختبصت شتسوي وشلون تطلع بدون جزمتها الي تموت فيها وغير كذا شبتسوي اذا حد شافها عنده ...طاح قلبها "وش الي سويتيه ياسهر ياويلي يااااويلي "
قطع عليها صوت منار وهي تودعها : سهرررررررر
سهر التفت عليها وقامت ضمتها بقوووه
منار وهي تدمع : بتوووووحشيني يالملعوونه والله بتوحششيني
سهر: وانتي كمان يالدبااا بفقدك والله
لميس تضرب منار: يلا حتى انا بسلم عليهااا
"زاحت منار عن طريق لميس وعلى طول راحه لامها تبوسها "
سهر للميس: بتوحشوونا يادببا
لميس: حتى انا والله انها رحله ولا صاارت
سهر والدمعه واقفه في بلعومها : يلا ان شاء الله تنعاد
لميس: ههههههه ان شاء الله يلا بااي بروح اسلم على بسووم
سهر: اووكي "ورجعت تضحك .. يعني شتسوي وجزمتها عند الاخ اخخ ليتني ماوسيت رومنسيه وكان ماصار الي صار "
ام محمد: يلا سهرر وش تنتظرين "وشهقت " لسا مالقيتي جزمتك
سهر تبتسم: مابعد يمه
ام محمد : ضيعتيها يالشاطره يلا اطلعي من وين نجيبها لك وحنا منظفين الشاليه تنظف
سهر تبتسم: طيب يمه خلاص بس خلي منصور يقرب السياره اخاف شي يوخز رجولي
وصايف دخلة رعض: ياااااي ياربي ماتحمل
سهر تضحك: مالك دخل
وصايف: ههههههه يلا بس مع السلامه
سهر : يلا مع السلامه "ومشت " وانا وش يقعدني
"وطلعت وهي تمشي على اطراف اصابيعها ووصايف قدامها تضحك ومنصور بالسياره يضحك ورفعت راسها وشافت منصور وعطته نظره بانه مايضحك وبدر كان واقف على السياره ويضحك وهي لفت على ضحكته وعلى طول استحت ومشت وركبت سيارة منصور الي تقدمت شوي "
دخلت سهر السياره وهي مطنقره ومتفشله من نفسها ومنصور ميت ضحك عليها
سهر: نعم خيررر فيه شي يضحك
منصور وهو يصلح السياره ويضحك: ليت طلال شايفك عشان يحفل فيك صدق
سهر انقرفت من سمعت طاريه : هذا من زينه عاد .. يمشي ويتطنز من عدالته الحين
منصور: هههههههههههههه طيب شوي شوي شمسوي لك الولد
سهر: ماحب العيال الي بس يضحكون
منصور: بس ترى ياحليله والله
سهر: وع مايهمني
منصور: شرهتي انا الي حاكيلك على الولد من قفاه
سهر: شغل المسجل والي يرحم والديك.. ولاتدري انا الي بشغله "وحطة سيدي "
منصور يضحك على اخته وحماسها
"وبس هذا كان الحال عند سياره منصور "
"وبالنسبه للباقي منار كانت ساكته طول الوقت والباقي كانت الاجواء عاديه لاتستحق الذكر "
.
.
.