ياسر وهو يركض : محمد خل الكووره عندك
محمد : don’t worry
ياسر بتفاؤل : المرمى قدامك
والبنات صراخ وتشجيع حتى نجوى انهبلت معهم
نجوى : يلاااااااااااااااا حموووووووووووووود يلاااااااااااااااااا
سهر : هي هي انتي عقلي ويارب مايجيب هدف
نجوى : ترااااااااااااااه اخوك شجعيه
سهر : انا مع منصور
نجوى : يا قو قلبك بس
وشوي وتسمع صرااااااااخهم وتصرخ : قووووووووووووووووووول حمود طلع قوي والله
غزل : ترا الصرخه مو للقول لان فواز قطعها
نجوى :ياكرهي لفواز
سهر وفيها الضحكه : ههههههههههه تراه اخوك
نجوى : اسكتي بس
سهر: ياقو قلبك
نجوى ناظرتها
سهر تطلع لسانها :هههههههههه وحده بووحده
نجوى : شوفيهم والله ان حمود يهبل
سهر : ويجنن بعد وحنا امقلنا شي
نجوى : انا وش مجلسني معكم يالمزعجين بروح عند بسمه اعقل بنت شفتها يالمهابيل
..: قووووووووووووووووووووووووووووووووووووووووووول
..:: يهووووووووووووووو عاااااااااااااااااااااااااش يسووووووووووووووور
وقام طلال يرقص مبسووووووووط :: الله يا يا سر يا فن وطرب على خصومك وش معنى اللعب
ويلف على البنات ويرقص " العب العب ماعليك ..والله ياطلووو ياطلووو يافن وطرب "
مشاري : هههههههههههههه غيروا حارسكم النايم
وليد : ما نايم الا انتوا بس كنت احك راسي وجبتوه يعني بالصدفه مو مهاره هع هع
غزل بصوت عالي : فدييــــــــت اخوووووووووي ارقص ارقص
وسمعها منصور " اخ بس اوريها تبي تقهرني "
وكملوا لعبهم هجوم ودفاع

جنى بصوت واطي: اقول وصايف منهو هذا اللي يلعب اللي لابس شورت هاواي
وصايف : هممممممممم على ما اتوقع انه خال غزل تركي
جنى : تصدقين مررررررررره مزيون
وصايف : مدري عااادي
جنى : شوفيه والله حلو
وصايف : حلووو ماعليه بس عيال عمي عبدالله ازين
..:: منهوووووو اللي حلووو وماعليه
وصايف: هههههههههههه نجووود
نجود : يلا اعترفوا
جنى : هذا خال غزل ايش رايك فيه
نجود : اهاااااااااااا حلوووووووو على قولتكم
نجود بينها وبين نفسها " كلمه حلو شوي عليه انا لازم الفت انتباهه لاززززززززم "

*
*
*
الساعه 4:15
في البلكونه حقت الشاليه

..:: اوووووووووووووه وش هالزين اللي وصل
..:: لا داعي لا داعي لاحد يقوم
.. هههههههههههههههه نويف صاير مثل البنات جالس تدلع
نايف : ههههههههه هلا فواز
ويقوم فواز يسلم عليه : هلااا وغلا تو مانور الشاليه
نايف بخجل: تسلم والله منور بوجودكم
فواز : يلا قوم نروح داخل
نايف : خلنا هنا شوووي الجو يكفي
فواز : والله واخيرا شفناك وبنجلس معك
نايف : هههههههههههههههه لاتفرح على الفجر برجع
فواز : افاااااااااااا بس ليه عاد
نايف : عندي شغل
فواز : وش شغله عااااااااااااد حرام عليك يعني مانشوفك
نايف : هههههههههههه امزح معك بجلس معكم الويكند احد يشوف هالبحر ويخليه
فواز : وانت الصادق راحه نفسيه مو طبيعيه
نايف : اجل كيف امور الخطبه
فواز : والله مدري عن شي لا تسألني
نايف : هههههههههه كل هذا حيا ماتوقعتك تستحي وترتبك بعد
فواز : هههههههههه هذي خطبه مو شي عادي..
نايف : باااااااين انها خطبه اشوفك جالس لحالك..
فواز : نوووويف اسكت عني هههههههههه
ولف نايف الناحيه الثانيه وشاف الشباب يلعبون
نايف : بروح اسلم على امي وخالاتي وبرجع تقوم معي
فواز : لا لا روح لحالك
نايف يغمز : قوم يمكن تلمح زوجة المستقبل
فواز يضربه : قووووووم عني لا اذبحك قوووووووووووم
نايف وهو قايم وبغمزه : اذا رجعت بتفااااااااااااااهم معك
فواز: لاتتأخر الشباب بيركبون جيتسكي يلا
نايف: اوكي
"نايف طبعا ماطول عند الحريم لانه يستحي سلم على الي حلال عليه والباقي رمى السلام عليهم وراح لفواز وراحوا ثنينهم لعند الشباب كانوا بيركيون جيتسكي "

نايف يعلي صوته : heeeeeeeeeeeeeeeeeeeeyo guys
الشباب انبسطوا بشوفته : هلاوالله
منصور: المهلي مايولي ياحييييييييهم
نايف: الله يحيك ويبقيك
"وسلم على باقي الشباب "
نايف: اجل ناوين تركبون بدوني
طلال: عاد انا حلفت عليهم قلت لهم ماتركبون قبل لايجي نايف ولاطاعوني
"الشباب ضحكوا عليه وعلى نصبه ونايف كان داري"
نايف: هههههههههه فيك الخير والله
طلال: طيب يلا لاتغرب الشمس
"وهذي بعذ الصور"

.
.
الساعه 6:00
"مافي احلى من هالوقت اطلع اتمشى.. فيه البنات داخل.. بعض الشباب كانوا رايحين لعند الاوتيل لانه فيه كوفي وقعدات وراحوا هناك حتى وقت العشا ..وشافت انه الوقت الي تاخذ راحتها فيه"

..:: نجود وين رايحه
نجود : يووووووووه بسمه .. بروح اتمشى شوي برا
بسمه : بلبسك هذا
نجود : وش فيه لبسي
بسمه : ماينفع .. لو شافك احد من الشباب
نجود : بسمه ترا ماراح اروح بعيد عند الباب بس وعلي عباتي بعد
بسمه : ما كأنها عليك .. سيقانك طالعه
نجوود : اووف يسمه وش تبين
بسمه : ابييك تنتبهين على نفسك
نجود : وش شايفتني مسوووويه .. بسمه لا تخربين مزاجي خليني كذا مبسوطه وبطلع اشوم هوا بس وهذي عبايتي نزلتها
" وراحت عنها "
*
*
*
علمتني وشلون احب
علمني كيف انســــــــــى
يابحر ضايع فيـــــــه
الشط والمرســـــــــــــى
علمتني وشلون احن
علمني كيف اقســـــــــى
" كان فواز جالس لحاله لانه ماراح معهم.. واستغل الفرصه يقعد لحاله و يتذكر محبوبته اللي عطاها قلبه لكنها خانت هالقلب مو قادر ينساها صدق انه خطب لكن قلبه متعلق بالانانيه اللي ماتهتم الا لنفسها على قد ماجرحته لكنه يحبها مو متخيل الوضع بزواجه من وحده ثانيه اهله اختاروها له لكنه راح يحاول يتقبل الوضع ومايدري ايش الايام مخبيه له .. حب قديم مو قادر ينساه .. وزواج من اختيار الاهل .. حاول انه يرفض الزواج لكن ماباليد حيله .. والله يعينه على الجاي .. جلس يتخيل كيف طبع اللي راح ياخذها عمره ماسأل اهله عنها ولا خطر في باله اصلا انه يجيب طاريها قدامهم بس نجوى تمدحها وتقول انها طيبه .. مافي حل اخر غير اني اتقبلها هي مالها ذنب علشان احقد عليها لكن .... يارب انك تسهل .. وتكتب اللي فيه الخير .. اهم شي عندي فرحة امي واخواني .. وانا مابي غير كذا بعد.."
*
*
*