الجزء الخامس
الفصل الأول

قلت له :
متى اللقاء يابحر أخبرني... فالصبر أصبح من بعدك يقتلني
فقال لي :
اقترب اللقاء ياهذا فأبشر ..فالروح في الجسد والقلب فيهما فاصبر

كانت قاعده فغرفتها منسدحه وعلى وجها ابتسامه ماغابت عن ذهنها من جاها خبر انها بتروح الشرقيه وبتروح البحر الي انحرمت منها من جات الرياض .. كانت مبسووطه حدها ..خبر البحر نساها لسعه شوق وكل شي حولها .. انتقلت بنظرها ناحيه القمر وهو يطل من الشباك ... وكانت تعيد بشريط ذكرياتها ايام زمان ويوم كانوا صغار كيف كانوا كل ويك اند تقريبا يروحون البحر ومن كبروا ندرت روحاتهم كانت تتذكر كيف كانت علاقتها مع نايف وكيف انه تغير من تخرج وماعاد يجلس معهم ولايسمعون عن اخباره الا اذا سولفت امه عنه وبالغلط...بس اكيد الحين تغير وهي تغيرت من سافرت وانقطعت اخباره عنها ..كانت تتذكر يوم كنا عمرهم 15 كيف كان يموت على عيونها وهي تحركهم وهي ترمش لاسوت انها مستحيه ..انقهرت على الزمن الي فرق بينهـــــم ..قطع حبل افكارها دخل لميس بكل اندفاع وهي تنط على سريرها وتخبي نفسها على اللحاف مبسوطه تبي تنام بسرعه عشان تصحى بسرعه ويروحون البحر ..

منار بأنزعاج : وجعووووه خوفتيني
لميس بضحكه : لاتلومييييييني لاتلومييييييني مو مصدقه بنروح البحر صراحه ذا الانسان الي فكر بأن نروح كلنا انسان رائع
منار: هههههههههههه يلعن ابو الوصف بس "وتقلدها" انسان رائع "وترجع" قوووومي بسس
لميس: هههههههه خليكي مني وقولي لي"وتغمز " شسر الابتسامه على شفاهك
منار وتتذكر: هاه ولابس "وبدفاشه" مثلك حبيبتي مبسووطه
لميس: هههههههه اي دام كذا اوكي
منار: يلا نامي خلينا نصحى بدري
لميس: يلا يلا
"وكل وحده عطت قفاها الثانيه وماخذوا دقايق الا ونااااااااموا وكل وحده تعد وتمحي لهاساعات "
.
.
.
اليوم الثاني .
الاهالي صحت عيالهم على الساعه 10 عشان يجهزون وكل العوايل متحمسه تروح وتبي تروح من بدري عشان لايفوتهم البحر في النهار
وفي بيت بو ياسر
طق طق
طـــــــــــــــق طـــــــــــــــق
" مافي رد "
فتحت الباب وشافته نايم للحين
عبير: يؤيؤيؤيؤيؤيؤيؤ وليدووووووووه ماقمت للحين
" لف الجهه الثانيه بدون مايرد "
عبير بعصبيه : وليدووووووووووووه وليدووووووووووووه
وليد وهو فيه النوم : همممممممم
عبير : يلاااا وليد عادددددددد قوووم
وليد وده يذبحها : وش عندك مزعجتني على الصبح تو الناس ترا
عبير : شكلك ناسي ان ورانا بحر
وليد : واذا بحر وش صار بالدنيا
عبير : يااااااااربي منك بس مانبي نتأخر
وليد : روووحي صحي ياسر اول
عبير بضحكه سخريه : وانت تحسب ياسر مثلك مغرم بالنوم
وليد رمى عليها علبة المنديل اللي جنبه : اطلعي عبيروووووووه لا اذبحك
عبير بشقاوه: واذا ماطلعت
وليد يصارخ: عبيروووووووووووووه
" قلبت وجهها عبير وتأأفت منه وطلعت... عبير كان كلها نشااط وحيويه مشتاقه تروح البحر ومشتاقه لجمعاتهم اول ...... واخيرااا راح تشووفه وتعرف اطباعه وكيف يتصرف مزوحي والا هادي بشوش والا حزين " يااااااااااااه بس ياحبني له يؤ عبير حاسبي على كلامك لا تحبينه يمكن هو يحب غيرك وشو يحب غيري مو على كيفه انا اللي احبه وهو اللي سحرني واحتل كل فكري وسهرت الليل كله وانا افكر فيه سكن روحي وعقلي وسكن طيفه خيالي وهو يحب غيري يحلم بس... يوووووووه انا ليه قلت ان يحب غيري .. اصلا شكله مافي باله احد " يووووه خلني اقوم ارتب اغراضي وبعدين يصير خير "
.
.
.
في الرياض
"عاد هنا غير صاحين من 8 عشان مشوار الطريق "
"منــار "
هذا انا.. وهذا هو حالي.. ابي اهدا مو قااادره..كل هذا فرحه في البحر.. يووووووووووه وبشوف اهلي بعد وناااااااااسه ..زيادة الخير خيرين .. بروح اشوف لموووسه اذا خلصت .. والا قبل بروح اسوي لنا كوفي وارجع لها .
وطلعت من الغرفه وراحت المطبخ وشافته كاااشخ شوورت كحلي وفيه خطين اصفر وبلوزه كت اصفر ..وش صار لي.؟ .. قلبي الصغير بدقاته يتسارع النبض.. ورجعت تركض بدون مايحس عليها وتسمع صوت رجووولي يناديها ..
..:: منار
ارتبكت وماعرفت ايش تسوي تحاول تهدي من دقات قلبها مو قادره
وردت عليه وهي متلعثمه : نــ نــعـــــم
..:: وش فيك طايره كأن احد يحلقك
منار يوم عرفت مصدر الصوت ارتاحت نفسيا " الحمدلله مو هو ": لااا بس تذكرت شي بروح احطه للبحر
مساعد : اوكي ترا تركي وصل
منار بفرحه : احللللللللللللللللللللللللف
مساعد بحاجب مرفوع : اصغر عيالك انا احلف بعد
منار بخجل : اسفه مو قصدي ..
" ورفعت عيونها وتلمحه وشافها وهي فقعت ضحك "
..:: وش فيك اخت منار تضحكين
منار وهي تأشر عليه : ههههههههههههههههههههههه
..:: وش فيك نكته قدامك
منار : هههههههههههههههههههه اضحك على حماسك
...:: من قال اني متحمس
منار بضحكه : شوف لبسك وتعرف .. كاشخ للبحر من الحين واحنا ماطلعنا من الرياض
مازن وهو متفشل : كنت اجرب وش البس
منار : شوف لك غيررررها
مساعد وهو معصب : منااااار تركي يقول لو تتأخرين بيمشي
منار :يووه تو بدري
مساعد : يعني شلووون .. اخليه يروح
منار وتعلي صوتها : لالالالااااااااااااااااا الحين جاااااااااااين مساعد توصي على شي من الشرقيه
مساعد : لو بغيت شي انا بجيبه
منار : لا اقصد من الشرقيه
مساعد : ادري بس انا بروح معكم ليه تجيبين لي
منار وتفتح عيونه عالاخر : مساااااعد بتروح بحر "وبصوت واطي " غريبه
مساعد : وش قلتي
منار : لاااااااا سلاااااااامتك بروح اشوف خالي
مازن : وينه تراه ماجاء
منار وهي معصبه : مساااااااااعد قال لي انه جا
مساعد : علشان ماتتأخرين عليه قالي اقولك انه وصل لانه عارفك ساعه على ماتطلعين
منار : ههههههههههههههه فديته خالي يلا عن اذنكم بروح استعجل لمووسه
" وراحت عنهم "
.
.
.

" جيت أبنسا من بعد الفراق
نازعتني في الأشواق ،،
حاولت النسيان ولقيت نفسي
أشتاق و أشتاق ..
حاولت واشتقت
حاولت ونسيت !!
أنا فعلاً نسيت
نسيت أهلي ،، نسيت ربعي
لـــــــكـــــــــن
نـــــســـ( أنـسـا )ـــيــت .. "

"ارسلت المسج وهي تحس انها اشتاقت له واشتاقت لوجوده معهم.. احبه والله احبه لو كنت اعرف ان حبه نوع من الادمان ما ادمنته .. طلبتك لاتخليني ..انا بدونك ولاشي.. ااااخ بس وينك ..انا بدونك جسد بلياه روح..تكفى تكفى..يامن ملك هالروح ..لاتتركني وحيده ..اسامرالليل وظلامه..((احبـك))..كلمةٍ حبرها دم قلبي..معاني لقاموس حياتي..احساسيس عبرتها مشاعري..((اهـواك))..كلمةٍ حددتها عروقي في شرايني..انا مو بس احبك واهواك..انا اعشقك بطيبك وبقسوتك.... بحزنك بغضبك بضحكتك..ليتك معناا بس .. طلبتك يادنيا اتركي حبيبي..فحال سبيله..خليه لمن ملكه روحه..اه ياقلبي.. متى يرجع بس .. كل يوم اعاااااني .. مليت وطفشت ..ماحد يقدرياخذ مكانه في هالقلب.."
.
.
.
اما عن بيت ابو محمد كانوا جاهزين ومنصور اخذ سهر وطلع
في سيارة منصور
سهر : منصوور نبي ناخذ لنا كوفي بليز
منصور : همممممممم اوكي
سهر : طيب حط اغاني
منصور : سهر تدرين تونا راكبين السياره حتى ماطلعنا من الحي بعد وانتي بديتي بطلباتك
سهر : ههههههههههههه منصور وربي تقهر اختك واتدلع فيها شي
منصور : اذكرك انا مو سلطان
سهر : فدييييييييييييييته وحشني
منصور : اسكتي هذا وانا معك وتتفدين سلطااانوووه
سهر طنشته : دق عليه ابي اسمع صوووته
منصور : كفايه صاير لك سواق بعد تبيني سكرتير ادق لك على اللي تبين
سهر : هههههههههههه وينه بس مايمن علي مثلك
منصور : ههههههههههه بدق بعدين حتى امي تبيه
سهر : وقف وقف هذا ستار بكس
منصورلاوي بوزه : عشتوو بعد ستار بكس ماتبين اي كوفي
سهر بغرور : انا سهوره مو حي الله
منصور بنظره جانبيه: ماخذه بنفسك مقلب
سهر كمان بنظره جانبيه : يحق لي افخر
منصور وهو يغني : بك يأ اغلى الاوطان نورك عم الدنيا من قديم الزمان
سهر : تستخف دمك حضرتك
منصور : طيب اخلصي ايش تبين اطلب لك
سهر : هممممممممم
منصور: اخلصي .. تبين على ذوقي
سهر : لالا لالا شكرا ابي لاتيه
منصور : حاضرين للحلوين
سهر : يلا لا تتأخر
" ونزل يطلب لهم وفتحت شنطتها علشان تلبس نظاراتها الشمسيه .. و وبعد انتظار في السياره قطع هدوئها نغمة جوال مو جوالها .. وشافت جوال منصور يشحن قالت بتشوف من المتصل اذا امها او اخوانا بترد وغيرهم لا وشافت المتصل وليتها ماشافته تضايقت يوم عرفت منهو وندمت انها شافت الاسم .. وحطت الجوال مكانه بكل ضيق .. وفتح الباب عليها واخترعت ..
سهر بصررخه : يمممممممممممممه
منصور : بسم الله عليك وش فيك اخترعتي .
سهر: هاه لا بس كنت .. امممممممم مدري مدري خفت وبس
منصور : اوكي خذي الاتيه
سهر بذهن شارد خذت الاتيه وسرحت بأفكارها وقطع عليها صوت منصور وهو ياخذ جواله بعد ماسمع انه يرن ورد عليه
منصور : هلاااااااااااااااا بدررر
بدر : هلاااا وغلااااا .. وينك ادق عليك ماترد
منصور : كنت نازل اطلب للأميره سهر من ستار بكس
بدر : _________
منصور : انتوا وينكم الحين
بدر : وصلنا يلا لا تتأخر
منصور : اووووكي تامر على شي
بدر : سلاامتك بس قلت اشوف وينك تأخرت
منصور : شووي ونوصل يلا فمان الله
بدر : فمان الكريم .
" وسكر عنه وكملوا طريقهم وسهر طول الطريق ساااكته وماتعلق واذا ردت تكون ردودها بسيطه او تكتفي بالابتسامه الى ماوصلوا للبحر وجماله وسحره "
.
.
.