بيت بو نايف

وبالتحديد في غرفة نجود
" كانت نجود جالسه بغرفتها ومعها بسمه "
نجود : بسمه انتي اليوم مو طبيعيه ؟؟ فيك شي
بسمه مرتبكه : هاااه ,, لا ابددد مافي شي
نجود تغمز: عليناااااا علينا تراني اعرفك ومو من عادتك تسرحين وتفكرين
بسمه : هههههههههههه خلصتي من نايف وبتبدين الدور معي
نجود : ههههههههههه ياحوبي له نايف
بسمه بفرح : عقبال مانفرح فيه يارب
نجود : آآآآآمين
بسمه تقوم : نجود بروح تحت تجين معي
نجود : روحي وبلحقك
بسمه : اوكي
" وراحت عنها ونجود استغلت الفرصه وشافت الجوال وضحكت وراحت واخذته وطلعت الورقه اللي في شنطتها وكان مكتوب فيها الرقم الي اخذته من جوال غزل ودورت في جوالها على مسج حلو

وارسلته وكانت تنتظر الرد على المسج ومرت الدقايق ولا جاها رد وقالت بتنزل مع بسمه وبعدين بتشوف وش السالفه وكانت بتطلع ويدق جوالها ورجعت تركض للجوال وشافته وابتسمت وترددت ترد والا تسوي ثقل لكنها قررت ترد وتسوي نفسها غلطانه وردت
نجود تغير صوتها : هلاااااااا ريمووووه
..:: يا اختي غلطانه
نجود بتمثيل : اسفه يا اخوي بس انا متاكده ان هذا رقم ريم
..:: والله هذا رقمي
نجود : اوكي يلا اجل مع السلامه وانا راح اتاكد من الرقم
"وسكرت عنه وهي تضحك وشوي وارسلت له مسج "
" مساء الخير اسفه يا اخوي طلعت غلطانه برقمين
وسوري عالازعاج "
ويرد عليها :
" مساء النور .. حصل خير يا اختي والكل يغلط بالرقم"
وردت عليه وهي مبسوطه
" هههههههه عارفه ان الكل يغلط .. بس حسيت بالفشيله "
" لا فشيله ولا شي وسعي صدرك "
" ااااه بس كيف اوسع صدري وكل الهموم على راسي"
" افاااااا سلاااامات يا اختي الدنيا ماتسوى "
" مدري وش اقووولك وماني عارفه ايش اسوي
لكن الله يسهل "
" مقدر اجبرك انك تقولين وخصوصا ان حنا مانعرف بعض "
" تبي الصراحه .. احس اني منحرجه منك لكن ماحسيت بنفسي وانا اراسلك .. الحين ايش راح تقول عني "
" لاتخافين ماراح اقول شي .. تطمني يابنت الناس "
" مشكور لانك عطيتني مجال اني اتكلم "
" شدعوه وترا ماقلتي شي "
" كل هذا وماقلت شي.. ويلا اخوي ما اطول عليك تامر على شي"
" سلامتك والله .. مع السلامه "
" الله يسلمك باي"
.
"من جهة نجود تشققت على الاخر انها قدرت تاخذ شوي معه .."
"لكن من جهة تركي استغرب بنت ومغلطه ولا بعد معطيته وجهه .. استغرب من هذي ال طلعت على الدنيا وتفكر تكلمه او تسمع صوته او تعطيه وجهه .. استغرب بقوه منها وبعدها طنش لانها مغلطه بس "
.
.
.
الساعه 8:44
في بيت بو فيصل

"كانوا اديم وجنى ووصايف وفيصل قاعدين بالصاله ويسولفون وفيصل كان قاعد بعيد عنهم "

جنى: انا برووووح والله مالي شغل
وصايف: مافي بطايق من وين اجيب لك
جنى: وصايف حبيبتي انتي بروح
وصايف: في بنات كثير بيروحون مافي بطاقات
اديم: ورا ماتدخلين بدون بطاقه انتي بنت بالمدرسه
جنى: تهقين اسويها
وصايف: أي أي انا اقولك روحوا قروب وجمعوا البطاقات وعطوها الحارس وماراح يعدهم
جنى تنط: هيووووو ايوا ايوا
اديم: ياخطييير
وصايف تضحك: وش على بالك
اديم: أي وماراح يسوون شي انتي بنت عندهم
جنى تصفق: خلا ص خلاص
اديم: ياحليلك ياوصايف بتتخرجين وبتصيرين بنت جامعه
وصايف: أي والله فكككككككه مابغينا
جنى: حظك والله
وصايف: هالصيف بسوي كل شي في خاطري
جنى: أي والله
اديم: صحيح انا بروح مع سهر نشتري ملابس حجاب
وصايف: انتي بتتحجبين هالسنه؟
اديم: ايه وش رايك عيال عمي بيروحون
وصايف: انا لا مالي دخل توني صغيره
جنى: أي والله مابي اصير لحالي
وصايف:وسهر بتتحجب بعد والله ادبووكم
جنى: هههههههه أي والله
اديم: لاوالله عادي اريح بيني وبينكم
"وصايف وجنى يناظرون بعض"
فيصل يقطعهم: وشو الي اريح
جنى بصوت واطي : ياشين اللقافه
"وصايف سمعتها وضحكت"
اديم: لا نتكلم على الحجاب في الصيف
فيصل:أي بعد هالسنه حجاب عيال عمي بيروحون
وصايف: وش علينا منهم
فيصل فتح عيونه: ان شاء الله مانتي متحجبه
اديم تهدي الوضع : لا بس انا ووصايف وجنى توهم صغار عادي
وصايف: والله انا مايدخلني في عيال عمكم
فيصل يناظر جنى
جنى: قول بعد بتحجبني
"فيصل ضحك عليها"
فيصل: لاجنى اوكي بس وصايف ليش يابابا
وصايف استحت : فيصل حرام عليك توني متخرجه ابي اوسع صدري
فيصل: وتوسعينها بأنك ماتلبسين
وصايف: فيصل عاد لاتصير مرره "وبرطمت "
فيصل: مشاري وش قال
وصايف: ماسألته ولا افكر دام ابوي وامي موافقين ماعلي من الباقي
فيصل: حتى من اخوك الكبير
وصايف نزلت راسها: لابس ..فيصل لاتعقدهاااااا
فيصل ابتسم وعرف دام امه وابوه موافقين مايقدر يقول شي : براحتك
"وصايف طقت البسمه"
جنى: فيصل يوم الاربعا الي راح في سياره لحقتنا من المدرسه وامس شفتها عند باب بيتنا
"وصايف نشف ريقها وفيصل فتح عيونه"
"وصايف حسبي الله عليك ياجنى"
فيصل ووصلت معه : ايشش
جنى خافت من نظرات اخوها : يووه لاتناظرني كذا .. انا ماقلت لك الا لاني شفتها مره ثانيه
فيصل: وليش ماقلتوا لي من البدايه
جنى: مادري فكرنا انو بس لحقنا وخلاص
فيصل: وشو لحقكم وخلاص هاه .. وانتي وصايف ليه ماتكلمتي
وصايف نشف ريقها صح ماعرفت وش ترد
فيصل: ماتتكلمون .. وش شكلها
جنى: سياره سودا اتوقع لكزس ومظلله كتم وبس
فيصل: وش رقمها
جنى:مدري وصايف تعرفينها
وصايف تهز راسها بخوف: لالاماعرفه
فيصل: الحقيير انا اوريكم فيه واذا شفتوه على طول قولوا لي
اديم: فيصل ترى مالهم ذنب هم قالوا لامي اول ماوصلوا
فيصل هد اعصابه شوي: ادري... بس شغله عندي
جنى: ولو حنا غلطانين ولا مسوين شي كان ماقلنا لك
فيصل خزها"”
"جنى ضحكت"
وصايف دزتها: ماتخافين انتي
جنى: الا هو فيصل
"فيصل حس ببراءة اخته وحس باالثقه فيها "
فيصل: طيب عن اذنكم
وصايف: فيصل اسفين مو قصدنا نكدر خاطرك
فيصل ابتسم بعيون تلمع على خواته الي وده ياكلهم : لاحبيبي دونت ووري انا وراي دوام وبروح انام
وصايف: يعني مو زعلان منا
فيصل ابتسم : ابدا
"وصايف ارتاحت وابتسمت ..اول ماراح فيصل"
جنى: ماقلت لك احسن نقول لهم
وصايف: فيصل قلنا يمكن بس مشاري وش يفهمه
جنى: لا ذاك ولا افكر اكلمه
اديم: هههههههههههه يلا انا بعد بروح غرفتي بقعد ع النت "وقامت"
جنى: وشتبين نطلب لك
اديم: من وين
جنى: مدري
اديم ضحكت : سو اذا قررتوا قولوا لي"ومشت"
جنى : اوكي
وصايف: شفيهم ذولا صفطونا
جنى: لاتقولين بتقومين بعد اقعدي
وصايف:لا ماني بقايمه ماعندي شي
جنى: يالمعلونه حظك بتخلصين اخر سنه
وصايف تبتسم بغرور: شكلي من حنتك ماني متخرجه اهجدي بس
جنى: هههههههههههههه طيب ليه ماتدرسين
وصايف: مالك دخل خلصت
جنى: ماشاء الله ماخليتي شي لختك جنى كله مخلصه
وصايف: ههههههههههههه
وصايف: اقول جنو
جنى: هاه
وصايف: متحمسه للسفره
جنى: اي حدي مرررره من زمااان زمااااااان ماسافرنا جمعه
وصايف: اي والله حتى انا
جنى: تدرين وصايف توني اكتشف ان عيال عمي ممماليح
وصايف: ياحليلك
جنى تغمز:معقوله مانتي حاطه بخاطرك واحد
وصايف فتحت عيونها: انا ياحليلك ولا افكر.. بنات عمتي هالسكتات تلقين كل وحده طايحه على واحد
جنى: هههه اي والله
وصايف: وشو اي والله الا اكيييد حتى اديموه معهم
جنى: ههههههههه تهقين اما اديم تحب وبعدين تعالي يالغبيه شلون تحب وهي محجوزه
وصايف: شلون تجي مدري بس وع طبع هالتحجز الي في اهلنا
جنى: اي والله
وصايف: عشان كذا انا مريحه مزاجي
جنى: هههههههههه وانا بعد بسوي مثلك
وصايف: اي خلينا بعاد بكرا تحبين واحد وياخذك غيره
جنى: ههههههههههههه اما ماتخيل
"وبس كملوا سوالفهم عن عايلتهم وعن الي يصير فيها "
.
.
.