بعد ساعه
في السن ست
ياسر : ها وليد ممكن اعرف وش فيك ؟
وليد بضيق : اليوم المدرسه يجهزون لحفل التخرج
ياسر : عالبركه واخيرا بنفرح فيك
وليد بضحة استهزاء : تفرح فيني
ياسر : ايه وليه مانفرح فيك انت اخوي وبتتخرج ولازم نفرح مو بس انا اللي بفرح الكل بيفرح
وليد : مشكورين وماتقصرون
ياسر مستغرب : وليد وش فيك
وليد بضيق: وابوي ودي يفرح معي
ياسر وهو حاس باخوه سكت بعدين قال : ابوي الله يرحمه بيفرح بتخرجك وهذا الشي كان يتمناه كان يتمنى يشوفنا متخرجين ورجال نعتمد على انفسنا وانا ماراح اخليك راح احاول اعوضك لو جزء بسيط عن ابوي
وليد وخانقته العبره : آآآآآآآآآآآآآآآآآآآآآآآآآآآآآآآآآآآآآآه يا ياسر آآآآآآآآآآآآآآآآآآآآآآآآآآآآآآه خلاص مابي اعيش ابي ابوووي تفهم شلون ابي ابوي .. يبا وينك .. ملل هالدنيا من دونك الحياه مالها طعم بليا طلعة عيونك " ما قدر يكمل وجلس يصيح بقهر وشوق لا ابوه وياسر ماتحمل يشوف اخوه بالهالحاله حاول انه يهديه لكن مقدر ولو ناظر في عيونه يمكن يصيح معه لكن حس انه يبي يخفف عليه ولا يبي يزيده يبي يبين انه قوي قدامه "
ياسر : ياوليد هونها وتهون مالنا غير نترحم عليه
وليد : يا ياسر حس فيني ابيه ابييييييييييييه يبااااااااااا وينك انا تعبت من الدنيا يبا صرنا كبار ومحتاجينك اكثر من قبل ليه رحت وخليتنا ليه لييييييييييه تدري ياسر بكل مكان اتخيله تحسبوني مبسوط واضحك لا اضحك عشان انسى لكن مقدر انسى احيان اقول صابني جنون من كثر ما اتخيله قدامي في البيت في المجلس بكل مكان اشوفه حتى بالمسجد احس انه جنبي واقف يصلي .
ياسر : وليد حتى انا مثلك وانا ما اقولك انساه لكن خلاص ابوي مات والموت حق يا وليد خلك مؤمن بالله وانت كبرت وصرت رجال وانا افخر فيك يا اخوي واعتبرني مثل ابوك اي شي ناقصك قولي .. اذا ناقصك شي انا موجود ..
وليد : الله يخليك لي يا ياسر .. ابوي يا ياسر راح ومالي في الدنيا غيره اغص بدموعي لكن وينه اللي يمسحها قلبي ينزف ينزف مثل الدم على فرقاه دم حسره وشوق لشوفته ولوعاة الفراق وحسره على رحيله من هالدنيا.. يبا ليه خليتني لحالي وينك انت بترجع لي صح وينك يا يبا ليه ماترد انا ولدك ولدك اللي يحبك وينك ليه ماترد
" وجلس يشهق من البكا وياسر يمسح دموعه وحاضنه ومخليه يفضض يمكن يرتاح "
وليد غاص بدموعه : ياياسر اليوم تذكرته في المدرسه .. اصلا انا نسيته عشان اذكره .. اليوم اطلبو ان كل طالب يكتب كلام عشان يقوله لابوه في التخرج وش اكتب لهم وش اقول يبوني اكتبه عنه هم يعرفونه اصلا ابوي هو علم على راسه نار في قلبي محد غيره في قلبي ابوي لو اكتب مليون كلمه ما اوفيه حقه كل الاقلام والاوراق ماتكفي عشان اكتب واقول عنه شي .. ابوي شمسي اللي غربت وغابت وراحت ماشتفتها من زمان .. كل الناس تمر عليهم أيام يشعرون معها بغروب الشمس لكنها تشرق من جديد ويشرق معها الأمل عندهم.. إلا أنا!! شمسي غابت وماشرقت من بعد وفاة ابوي.. من بعد ابوي صرت احس اني عايش بظلام لان نور دنيتي رااااااااااااااااااح رااااااااااااااح ياياسرررر
" وحضن اخووووووه بكل قوته وجلس يصيح مثل الطفل الصغير وياسر يحاول يهدي فيه لكنه ماقدر يتماسك نفسه وهو يشوف اللي بقلبه ااه يوليد كل هذا بقلبك وساكت وجلس يصيح معه يصيحون ابوهم اللي راح وخلاهم وياسر مثل اللي كان ينتظر اشاره بس عشان يصيح كان اللي يحس فيه اكثر من اللي في اخوه لكن بما انه رجال البيت والكل يعتمد على وانه كبيرهم كان مايصيح قدام احد كان حابس كل شي بقلبه عشان اخوانه ولاول مره يمكن يصيح قدام وليد ماقدر حاول انه يبين ضعفه لكن دموع وليد وكلامه خلاه يصيح ويصيح اااااااااااااااااه يا ابوي الله يرحمك يا يبه "
.
.
.
في الرياض
وبالتحديد في مطعم وترليمون water lemon
المطعم ستايله حلوو مائي ورايق ..جلسوا وكشفوا على المنيو
منار: ايواا يعني انت على بالك اكشخنا
مازن يناظرها بمعنى شتبين
لميس: هههههههههه بالضبط هذا الي كنت بقوله
مازن: شتبوون انتوا ..الناس تجي هنا تطلب اكلات وعصيرات مو يطلبون بيبسي وهالخرابيط
لميس: هههههههه طيب طيب اخلص اطلب الويتر ينتظر
"مازن يناظر منار بنظره ومنار ضحكت "
"وبعد ماخلص طلب "
مازن يلف عليهم : ايوا ماعندكم بعد تعليق
منار ولميس: لالالا
لميس: وناااسه بغيب السبت
منار:أي والله كشششخه
لميس: مااازن ماقلت لك
مازن لف عليها
لميس تناظر منار: منوور تبي ترجع الشرقيه ماتبي تكمل دراستها
مازن فتح عيونها : من جد"ويناظر منار " صحيح منار
منار تبتسم ببراءه : لابس قلت اقتراح وهي سوتها سالفه
"مازن سكت وتخيل انه منار ترجع الشرقيه وهو تعود عليها .. انتزع قلبه من مكانه ماتخيل انه منار تروح عنهم وهو تعود عليها وتعلق فيها وغير كذا مأمن على قعدتها فتره اطول "
.
.
.
ياسر: هديت
وليد : ايه
"شوي ويدق جوال وليد وكانت نغمته "فقدتك يا اعز الناس فقدت الحب والطيبه وانا من لي بهالدنيا سواك ان طالت الغيبه "
وليد شاف الرقم وحط سايلنت
ياسر : مين
وليد: هذا طلال
ياسر: طيب كان رديت عليه
وليد : مالي خلق
ياسر: طيب وش سر هالنغمه .. من متى انت تحزن
وليد: يعني انا ماحس
ياسر: اذا كل هذا وماتحس الا تحس بس يعني ماخبري لك شغل بالحزن
وليد سكت
ياسر: طيب ممكن تغير النغمه الحين
وليد ناظره
ياسر: عشان خاطري
وليد: بس انا احب هذي الاغنيه
ياسر: وعشان خاطري غيرها
وليد: طيب "وقعد يغيرها "
وليد: انت بتروح معنا المسيره
ياسر: تبيني اروح
وليد: أي أي والله بتنبسط
ياسر: وانا اقدر اقول لا
"وليد ابتسم وباس راس اخوه"
ياسر: طيب على بوسه الراس توعدني انك اذا تضايقت من شي او بغيت شي تقولي على طول بدون ماتترد
وليد ابتسم من قلبه لاخوه وقال يبي يغير جو عليه : اوعدك ..ودامك تبيني اطلب منك كل شي انا ابي سياره
ياسر يضحك : هههههههه اخ منك ومن استغلاليتك .. لاانت تعرف رايي بهالموضوع
وليد : طيب متى ؟
ياسر: ليه ماتدخل مدرسه تعليم القياده
وليد: لامابي اعرف اسوق والله
ياسر: من وين متعلم ؟
وليد: اعرف والله اعرف انا اسوق في البر
ياسر: اجل السياره مافي الا ثالث
وليد كشر: طيب
"ياسر ابتسم..قعدوا شوي وتعشوا في السن ست ورجعوا"
.
.
.