.
في الرياض بنفس الوقت
بيت بو مساعد
كانت العايله كلها مجتمعين في الصاله بعد صلاه الجمعه
بو مساعد: اقول منار شخبار الوالده والوالد
منار: بخير ياخالي يسلموون عليك
بو مساعد : الله يسلمهم..
منار بأبتسامه:خالي خطبوا لاخوي فواز
بو مساعد : لااااه ع البركه يستاهل
ام مساعد : الله يبشرك بالخير من بياخذ
منار بضحكه : ماغيرها اديم
الكل: الله يوفقهم
ام مساعد: الله يوفقهم عقبالكم
استحوا البنات
لميس: اخيرا بيصير عندنا عرس ونااسه
مساعد : هذا الي هامك
منار: هههههه من جد طيب فرضا ماسوينا عرس شبتسووين
لميس: اكيد بتسوون عشا "وتغمز"
منار: طيب واذا سوينا وماعزمناك
"ضحكوا عليهم "
لميس: هههههههه لهنا وبس
منار: ههههههههههههههه لا لا امزح انتي اول المعازيم
لميس: احمم
ابو مساعد: خلونا من العرس ... كيف الجامعه معكم
لميس ومنار: الحمدالله ماشييه
ام مساعد وابو مساعد : الله يوفقكم شدوا حيلكم
مازن: وين يشدون حيلهم وهم ملكعين ع الافلام اربع وعشرين ساعه
منار بقهر: انت مايخصك
ضحك مازن: كيفي ابي اعلم ابوي عليكم الاختبارات بدت وانتوا مافتحتوا شي
لميس بصوت واطي: ياشينك
ابو مساعد: يلا شدوا حيلكم ارفعوا راسنا وعن اللعب الزايد
منار لاويه بوزها: مانلعب كثير والله ندرس "وتناظر مازن" وبعدين ذا وش دراه هذا هو شاطر في المطارده في شوارع الرياض
مازن مفتح عيوونه شتبي ذي وبغرور: احم يارب اني متخرج من الجامعه وشتغل مو مثل بعض الناس الورعان" ويأشر عليهم بغرور"
لميس: منار في حد يتكلم
منار بأستهبال: لالا انتي سمعتي شي
لميس: لا حتى انا
" وضحكوا عليهم "
مازن: هيهيهيهي مايضحك ياثقااااااله دمكم بسس
لميس: منار ماودك نقوم ندرس
مازن: هاهاهاههاهاهاهاها قال ايش قال ندرس روحوا بسرعه لان prison break بيبدا
"منار ولميس يناظرونه وعيونهم مفتوحه"
لميس: ياشينك
منار : هههههههه من جد يلاقوومي ندرس" وتناظره بغروور"
لميس ومنار: عن اذنكم
" وطلعوا فووق "
ام مساعد : خل ندق عليهم نبارك لهم
ابو مساعد: ماصار شي رسمي بس تكلموا خلي البنت توافق بعدين نبارك
ام مساعد: الله يقدم الي فيه الخير
بو مساعد : مساعد وش اخبار مشروعكم من منصور ولد سلمان
مساعد: والله للحين محتارين بكذا شي ياراح نسويه مشروع نسائي او تجاري
بو مساعد: نسائي مثل ايش؟
مساعد: مشغل او محل فساتين يعني نتعامل مع احد المصممين الكبار ويصير كنه فرع لهم لسا مابعد
ام مساعد : والله كشخه لو تفتحون محل فساتين .. السعوديات عشقهم الفساتين ويشترون على طول السنه
مساعد : وانا قلت بعد... بتفق مع منصوور وربي يعين
ام مساعد : الله يوفقك يايبا
مساعد ابتسم
.
.
.
في الشرقيه
وقف بسيارته الكادلك قدام قصر بو محمد ... وسوى بوري عشان يستعجلهم .. ينتظرون سهر
مامرت خمس دقايق الا وسهر وسلمان طالعين وسلمان ينطط مبسوووط
اول ماطلعت سهر من بيتهم ناظرها ياسر ولاشعووري اعتدل بقعدته يبي يشوف من هالملاك الي بيروح معهم الملاهي بهالشكل .. ماكان مبين على ملامحه ولاشي .. بس كان يفكر كيف بيمشي جنب هذي الانسانه الي جت معهم .. عمره ماتخيل يمشي مع وحده بهالشكل ... ماكان يقصد بشكلها غلط ولا شي .. بس هي ماتغطي وماشاء الله عليها حلووه .. وعمره مامشى جنب انسانه حلوه مثلها .. كان مو متخيل الموقف..
اركبت سهر ورا عبير وسلمت وبعد ماردوا عليها نطت دانه من حظن عبير للمرتبه الثانيه عشان سلمان
سهر بدفاشه: هي هي انت وياها طلعناكم مو معناها تطلعون قرون صيروا عاقلين ولا ارجعكم البيت
عبير قامت تضحك
"ياسر انصدم معقوله بنت بهاالانوثه لسانها يكون كذا قام يضحك بداخله عليها وبخاطره حلاتها بنت بهالانوثه تبين انها دلع مو دفشه مثل كذا .. عجيبه الدنيا "
دنو : ياثر شوفها
عبير: هههههههههه حللللوه
ياسر مسايرها : سهر اعقلي عن دنو
سهر بقوه: احلف
" ضحكوا عليها "
"وهو مات ضحك عليها كيف البنت مايهمها شي صدق يوم قالوا مدلعه "
سهر بخجل: سوري
عبير:هههههههه لاعااادي
ياسر لسلمان ودنو : دنوو سوومه وين بتروحوون
سلمان عصب: ان مو ثوومه
سهر: ههههههه ياسر يعصب اذا حد قاله
ياسر ويضحك: شسوي الكل يناديه كذا.. من مطلعها عليه
عبير: ههههههههه في غيرها سهر معاملته كنه بنت
سهر: كيفي" وتناظر سلمان" صح سلوومي
سلمان : اي صح
سهر: هههههههه والله انك ماتدري وين ربي قاطك
عبير: ههههههههه من جد
" ياسر كان مبسووط ومتعجب .. مبسووط من الجو الي سوته سهر من دخلت السياره ومتعجب كيف انها غيرت مزاجه من مصدع الى راايق "
" وبخاطره .. والله غيرت مزاج كل الي بالسياره "
" وصلوا ملاهي سباركيز نزلوا كلهم .. كان المجمع رااايق وهاااادي ومافيه الا الهنوود وقليل من الناس والملاهي شبه ما فاضي مافيها الا اصوات الالعاب الالكترونيه طاغيه على المكان ..سهر كانت ماسكه سلمان من جهة ووعبير من الجهة الثانيه ودنو متعلقه بياسر "
" ياسر كان متقدمهم .. وعبير وسهر ماشين وراه ويسولفون ودهم لو يتركون سلمان ودنو عنده ويروحون يتسوقون "
عبير: هههههههه ودك هااه
سهر وتناظر السوق بنظره انكسار: ههههههه اي والله ودي.. خل نحاول فيه
عبير : نو واي هو جايبنا عشان نمسكهم نقوم نتركهم عليه ناويه يذبحنا
سهر: هههههههه خلينا نجننه
عبير: يلالا
" وقاموا يسرعون شوي حتى صاروا قريبين منه"
عبير: ياسر خلاص سوينا الي علينا خذ سلمان ودنو لعبهم وحنا بنروح نتسوق
ياسر لف بقوه عليهم ويناظرهم
سهر:اي .. عاد ماوصيك انتبه على سلمان تراه يفلت بسرعه
ياسر: تستهبلون
عبير ماسكه ضحكتها: لاطبعاً
ياسر بصرامه: اقول لايكثر وامشوا قدامي
سهر وتشيل نظارتها: ياسر شددعوى ماتوقعتك نذل
ياسر يناظرها حس انه خق عليها بس كان ماسك نفسه من الي قاعدين يقولونه ماقدر يعلق ومشى وهو ساكت كان يحس بشي يحرق خدوده بس ماهو عارف شسالفته .. كان وده انهم يتلثمون على القليل لانهم ثنتينهم حلوات وملفتات.. كان غيران عليهم.. بس مايقدر يقول شي
عبير: يلا ياسر
ياسر: عبير لاتستفزوني مافي روحه لكم
سهر: ولييه طيب
ياسر: لاني جايبكم تقعدون مع البزران مو تتسوقون
سهر: وانت
ناظرها ياسر وماقدر غير انه يضحك على ملامح وجهها: احلفي
سهر لفت وجهها عنه : لالا استهبل
عبير: ههههههههههههه نمزح
ياسر يبتسم : على بالي بعد امشوا قدامي لابارك الله فيكم
سهر وعبير يتقدمونه: سعودي بحت
عبير: ههههههههه من جد
"ودخلوا قسم الالعاب "
ياسر: وقفوا انتوا هنا وانا بروح اشتري بطاقات
سهر: كلنا بعد نروح
ياسر يناطرها: وليه؟
سهر: حتى انا ابي اخذ بطاقه لسلمان
ياسر ماحب كلمتها هذي
ياسر ورافع حاجبه : وانا؟ مو عاجبك" ومشى عنهم "
عبير: زين كذا
سهر: يعني وشو امه موصتني عليه..وبعدين هو مو متكلف فيه
عبير: بيزعل الحين من جد
سهر: يوووه شفيه اخوك ذا معقد
عبير: لامو معقد بس عيب
سهر: لاعيب ولاشي بس عليه طلعات فظيعه
عبير: هههههههه ياربيه مالنا خلق عصبيته
سهر: هههههه لالا بتأسف منه
" بعد ماخلص ياسر من صرف البطايق راح لعندهم وقالهم يلا "
سهر توقفه: ياسر
ياسر وقف ولف عليها ورفع حاجب: نعم
سهر في خاطرها شاطر لي برفعه الحواجب وبأبتسامه : انا اسفه
ياسر : حصل خير .. بس لاتنعاد
سهر بأبتسامه اوسع : ان اشاااء الله
ياسر: طيب يلا كل وحده تاخذ كرت ولعبووهم
سهر بنظره: ياسلام وانت
عبير: ههههههههههه
ياسر وهو مستغرب من هالبنت شلون فظيعه بس ابتسم وقال: انا بقعد هناك" واشر على المقاعد "
سهر بعد استحت ولاعلقت ومشت مع عبير يلعبون سلمان ودنو
" اما ياسر راح عند مكان يقعد فيه بس يشوفهم من بعيد .. وكان يفكر بخاطره..شلون بنت عمه فظيعه ماكان يتوقع ان بنات عمه كذا .. وبالذات هذي مبين ابد ابد مايهمهـــــــــا شي "
.
.
.
الساعه : 5:30
كانت الشمس اقتربت للغروب لتختفي خلف الافق ساحبة اخر انوارها عن الشرقيه لتنشرها في جهة اخرى مبينة للكل انها تسير بخطها اليومي موزعة حنانها على كل انحاء الارض الارض بعدل ومساواة لاتفرق بينهم الا اذا منعتها الظروف..
"في بيت ام ياسر"
ام ياسر: يلا يابدر وليد تجهزوا بيأذن الحين
بدر: ان شاء الله يمه
وليد: يمه توه بدري باقي نص ساعه
ام ياسر: يايبه روحوا المسجد توضوا واقروا قران حتى يأذن
بدر: يجي ياسر ونروح سوا
وليد: ياحظهم ابي اطلللللللع
بدر: يلا عاد بسك طلعات امسك نفسك هالسنه وبعدها روح وين ماتبي
وليد ويتنهد: ااااااااااه متى بتنتهى واخذ السيااااره واااااو يلعن ابو الفللللللله
ام ياسر: مافي لك سياره حتى تهجد
وليد خاف امه تتكلم جد: يمه شدعوى هذاني عااقل
ام ياسر : لااااااه
وليد: يمه من جدك
بدر: اجل تستهبل
وليد: وربي اني عاقل
بدر : لاتحلف
"قاطعهم ازعاج الي داخلين "
وليد: لاكاااااااان جيتوا بدري
ياسر: ههههههههه خلاص مره ثانيه بناخذك معنا
بدر بنظره: هو فيه مره ثانيه
ياسر يضحك: ليش لأ
بدر فضل انه يسكت لانه واصله معها مع تصرفات الطايشه الي عنده
عبير: اااااااه طاح حيلي
ام ياسر: عسى انبسطتوا؟
عبير: اي مرررررررره
ام ياسر وتحيي بنتها : دنووو انبسطتي مااماا
دنو : اييييييي ملاهي يدننننننننن
ام ياسر: انتي الي تجنينييين"وتشيلها وتبوسها"
وليد: دنوو مافي بوسه ولييد
دنو تقوم من عند امها وتروح لوليد
وليد ويشيلها: اوووووووب " ويبووسها " ليه مااخذتيني معك؟
دنو: كنت نايم
وليد: لو تبيني كان خذتيني مثل ما اخذتي سلمان
دنو وتضحك : خلاث خلاث بكرا نلوح ونوريك
ياسر: هيهيييييييييي يجيب الله مطر
"ضحكوا عليه"
عبير: حرام عليك ماجننتك.. انا وسهر ماسكينهم طول الوقت
ياسر : ههههههه بس مو كل يوم العيد
عبير: ههههههههه اي والله
بدر فجأه قام : يلا أذن ياشباب " وراح لانه كان متنرررررررررفز"
.
.
.