فواز: هههههههه كذاب المعلون عمي وابوي ساريين من بدري حاولي فيه ودي اتصل عليه بس خلاص ابي انااام واذا ما وافق دقي علي اوكي باي
غزل: باي " حشا ماعطاني فرصه اتكلم يبي الفكه ..اففف شهالوهقه مالي خلق اقعد بمكان هو فيه وغير كذا مابي اذل نفسي له الحيوان "
منصور طبعا سمع المكالمه وينتظرها تتكلم
غزل وبصوت شوي ويختفي: احم منصور
منصور مارد يبيها تعلي صوتها
غزل عرفت ماسمعها وعلت: منصور
منصور ووطى على المسجل وهو مبتسم : سمي
غزل ياشيييينك وبرقه : سم الله عدوك ... منصور لو سمحت وصلني بيتنا تراه قريب فواز بينام"ماحبت تقوله انه كذاب بعدين يتناذل اكثر"
منصور عذبه صوتها كان يبي يقول لا بس ماطاوعه قلبه : خلاص ولايهمك
غزل تنهدت وابتسمت : مرررررره شكرا
سهر: واخيررا
منصور: غزل سكتيها لا اهوون
غزل: هههههه حشا... سهوره ماما اسكتي " وترص على اسنانها"
سهر ضحكت وقلدت حركت سنونها : ان شاء الله ماما
"منصور ضحك عليهم.. وكملوا طريقهم بسوالف عاديه وغزل بس تسمتع ومنصور يغيظها"
.
.
.
سهر اول مارجعت البيت على طول طلعت غرفتها وفتحت لابتوبها قبل لاتفسخ عبايتها وخلته يفتح وراحت تلبس بيجامتها كان قلبها يدق ماتدري ليش
كانت تتأمل انها تشوف بدر اون لاين اوراسل ايميل ..
سجلت دخول في ال
msn
كانت تناظر الشاشه بكل حواسها وفتح ايميلها وجلست تنتظر ان الكمبيوتر يطلع الموجودين عندها اون لاين .. لوت شفايفها بقهر يوم ماشافته اون لاين "من جده هذا يزعل بعد ماقدرت اشوفه شسووي حتى لو اني ما ستحي اروح له واخليه يشوفني يالله شسووي الحين .. خله احسن يستاهل ماني براسله له ايميل ويفكر اني ميته عليــه .. انا اوريه يتغلى حتى انا بتغلى away حطت
وانسدحت على المخده الي وراها وبس سجل دخول انقزت قدام " في الاساس هو كان حاط عليها awayبلوك وبس دخلت سجل دخول بس
قعدت شوي تفكر تكلمه ولالا ... ماعرفت شتسوي "وهو كان بس يبين انه موجود وصفطها "
انتظرت يكملها بس هو مارد ..
فتحت صفحه المحادثه كانت تبي تكلمه ... كشرت يوم شافت صورته الشخصيه وسكرتها بقووه خلهم ينفعوونه وسكرتها وسكرت النت بكبره .. وحطت راسها وناااامت
"من ناحيه بدر عصب بقوووه انها طلعت وماكلمته .. لوتقعد بس ماتكلمه .. وطلع هو الثاني "
.
.
.

الساعه 12
هذا الصباح طل على اهل الشرقيه ... كانت فغرفتها نايمه .. وهالشمس تسلل الى غرفتها .. كانت اصوات المساجد تعلو في انحاء الخبر .. انزعجت عبير من اشعه الشمس ودها تنام اكثر واكثر ولا ودها تصحى ..
اضطرت تقوم لازم تصلي صلاه الجمعه لاتروح عليها .. قامت بكسل الدنيا فيها مانامت امس الامتأخر ..
قامت من فراشها وراحت تغسلت وغيرت بيجامتها ووصلت ونزلت ..
"في الصاله تحت "
بعد مارجعوا الشباب من بيت عمهم الكبير الي تعودوا يتجمعون فيه كل جمعه بعد الصلاه .. كانوا الشباب قاعدين مع امهم يسولفون وكان البيت هاااادي وراايق نزلت عبير وسلمت على امها وياسر
بدر بمزاج رايق: كني مو مالي عينك
عبير ماكن فيها حيل تجادله راحت سلمت عليه وجلست مكانها
شوي وجات دنوو
ياسر وفاتح يده لها: امي انتي حيييييييييك
جات له دنو ركض ونطت عليه وقعد يبوسها
ياسر: فديتها يانااس ماجابوا مثلها والله
عبير بأبتسامه : دنو تعالي لعبوووره
دنوو: مابي ابي ياثر
ياسر ويبوسها : فديييت ياثر انا والله
دنو: ياثر بنروح الملاهي اليوم
ياسر توهق: حبيبي اليوم الجمعه الملاهي يسكر
دنو بعناد: لامايثكر الملاهي الملاهي كله مفتووح بنلووووووووووح
ياسر: خلاص حبيبي بخلي بدر يوديك لاني انا بابا تعبان
دنو وبدت دموعها تتجمع وتقوم منه: خلاث مابي الووح
ياسر ويقوم لها: خلاص خلاص تعالي بوديك "ويشيلها وياخذها لعنده ويرجع" بدر بيوديك
بدر: لاواللي يخليك مالي خلق وهي ماتبيك الا انت
دنوو:بنودي ثللمان بعد
عبير: هههههههه تفكر الناس كلهم فاضين لها
دنو بعناد: بنودي ثلوومي بعد ثح ياثر
ياسر يسايرها: اي اكييييد
ياسر يلف على امه وهو يتأفف: يمه خوذيها نوميها مافيني راسي مصدع ولافيني خلق ملاهي وازعااج وبعدين مافي ملاهي تفتح هالوقت
ام ياسر: دنوو ماما خلي سيتي تنظفك وتلبسك عشان تروحين الملاهي يلا حبيبي
Voic call ام ياسر سوت
تامر الخدامه تاخذ دنو وتلعبها وتغير ملابسهــا
"وصلت سيتي عند دنو وجات بتشيلها "
سيتي: يلا دنوو هبيبي قومي نغير ملابس
دنو وتتعلق في ياسر وبعصبيه: مااااااااابي بدلس عن ياثر انتي لوووحي هناك
ياسر ويمسك خدودها بيدينه: دنو حبيبي غيري ملابسك عشان نروح الملاهي
دنو: لا مابي
ياسر: اجل مانروووح
دنو: الااااااااااااااا
ياسر وعصبيته بتنفذ بس ماسك نفسه : اوكي اجل غيري ملابسك وتعالي
دنو : فثتاني حلو
ياسر: اي مره يجنن بس في وسخ خليها تنظفه لك
دنو تفكر: تيب بس لاتلووح
ياسر: لاحبيبي ماني برايح بس روحي
" راحت دنو وتناظر ياسر وياسر يبوسها من بعيد ويسوي لها باباي "
ياسر: بدر خذها الملاهي من زمان ماوديناها
بدر: ياخي ماتبيني .. ولاتبي تاخذ سلمان.. انا مافيني طولت بال على البزران
ياسر بيأس : يعني شلوون
عبير: حاولوا تنسوونها الهيها بأي شي
ياسر: مراح تنسى لانها زمان ماراحت
عبير: ههههههه الله يعينك
ياسر: لاحبيبتي تروحين معي مالي خلق احادد بزاريين
عبير: انشاء الله ولايهمك بس
ياسر: من جدي
عبير: يصير خير
" خمس دقاايق ونزلت دنو تركض "
ياسر شافها ولوى بوزه وضحكوا عليه
دنو: يلا يلا ياثر نلوووووووووووح
ياسر: حبيبي مافي ملاهي تفتح الحين .. الحين صلاه الله اكبر
دنوو وتلوي بوزها : ماحبك انت كذاااب
ياسر: حبيبي بس يخلص الاذان وبنروح طيب
دنو وتسوي نفسها تسمع الصوت الي بره : ماااااااافي ثلاه خلاث بح
ام ياسر: ههههه لاتحاول بتروح يعني بتروح
دنوو: ماما كلمي ثلمان عثان بيروح معنا
ام ياسر : انشااء الله"وتلف على ياسر" بتوديهم
ياسر: يايمه وين اوديهم من الحييين
ام ياسر : لف فيهم خذ ايس كريم حتى تفتح الملاهي
ياسر: يمه مصدع مافيني حيلهم
عبير حزنت على اخوها: خلاص خلاص بروح معك وبخلي سهر تروح معنا هذا اذا صحت
بدر فتح عيوونه وصار يسمع بكل حواسه
ياسر: تسوين خير واللي يعافيك ..كلميهم شوفي اذا سلمان بيروح ولالا
عبير: اووكي
ياسر: دنوو تعالي عندي
" راحت دنو لعنده وقعدت على حضنه .. اما عبير اتصلت على بيت بو محمد ملها خلق تطلع فوق وتكلم سهر على جوالها "
" ترررررن تررررررن "
وصل عبير صوت نجوى من الطرف الثاني
نجوى: مرحبا
عبير: مرحبتين هلا والله
نجوى: هلا عبير.. كيفك عساك بخيرر
عبير: انا الحمدالله انتوا كيفكم
نجوى: ابد والله
ام ياسر: عبير قولي لنجوى مره وحده
عبير: اقول نجوى
نجوى: سمي
عبير: سم الله عدوك.. بس الله لايهينك بناخذ ولدك اليوم
نجوى: هههههههههه شبتسوون فيه
عبير: هههههههه مالت عليك شبنسوي فيه بنفكك منه
نجوى: اوه دام كذا خلاص حلالكم
عبير: ههههههههه تدورين الفكه منه
نجوى: حراام عليك ... بس وش الطاري
عبير: البرنسييسه دانه طفشانه وتبي تطلع وماتبي الاسلمان معها وخبرك البرنسيسه ماينرد لها طلب
نجوى: هههههههههه فديتها مرت ولدي بدل مايعزمها تعزمه
عبير: ههههههههههه شفتي شلوون
نجوى: خلاص حلالكم خذووه
عبير: وين سهر اجل؟
نجوى: سهر والله مدري عنها توها كانت هنا
عبير: ناديها لي تكفين ابي احاول فيها تروح معي مابي اروح لحالي
نجوى: ولايهمك انا بحاول فيها وبقنعها تجي معك,, من بيوديكم؟؟
عبير: ياسر
نجوى: اهااا .. خلاص بقولها
عبير: اي تكفيين وخليها ترد لي خبر حتى لو ماراح تروح
نجوى: ولايهمك
عبير: ثنكيوو باباي
نجوى: باي
"بدر كان مقهوور طول الوقت وبيذبحها لو توافق تروح مع ياسر"
عبير:خلاص بتشوفها وبتدق علي
ياسر: اي كويس الله يريحكم
عبير: ههههههه لو ماني فاضيه ولا كان خليتك تروح لحالك
ياسر ويبووس دنوو
دنو: يلا ياثر قوووووووووم
ياسر: استني حبيبي عشان سلمان يروح معنا
دنو وتحط يدها بحركه انها تنتظر
ياسر كان بيموت عليها
بدر كان ساكت طول الوقت
ياسر: دنوو حبيبي قومي عند عبوووره
عبير: دنوو تعالي عندي
ياسر: روحي وبعدين تعالي
" بس قامت دنو وتمدد ياسر على الكنبه وبدر يناظره بحقد .. دايماً هو الي يشوفها دايماً هو الي يتلاقى فيها وانا .............."
بدر بتميلح : شفيك ياسر تعبان؟
ياسر: اي والله راسي مصدع
بدر: خلاص اجل انا اوديهم
ياسر:لا ماراح تقدر عليهم كل شي لعيون دنو يهوون "ويبتسم "
"ابتسم لدنوو وبدر فكر ان ياسر انبسط ان سهر بتروح معهم "
بدر بقهر : براحتك
" تررررررن تررررررن "
ام ياسر : عبير ردي يمكن سهر
عبير وهي تشوف الكاشف وتبتسم : بالضبط
عبير: هلالالاوالله
سهر برواقه: يالله حيييهم
عبير: ههههههه يارايق انتا كيفك
سهر: عال العال
عبير: دووم ياربي
" وبدر كان متحرقص كان يفكر انها مو مهتمه بالي سواه فيها اصلا هو كان شاك من بعد ماتطلع وماتعطيه وجه ..كان يبي يذلها .. بس مو سهر الي يذلها"
سهر: من جنبك
عبير: والله كلنا قاعدين بدون استنثناااء..وانتي
سهر: اهاا انا ماعندي غير نجوى... الا سمعت انك عازمتني على الملاهي
عبير: هههههههههه شفتي شلوون اي عازمتك مارديتي لي خبر
سهر: انا موافقه يبيلها بعد انتظر تليفووون عشان اطلع
عبير: هههههههه تدرين لو مراح تروحين ماكنت برووح
سهر: حتى انا لو ماعزمتيني ماكنت برايحه لووول
عبير: هههههههه
سهر: متى بتروحون؟
عبير: مدري استني اسأل ياسر
عبير لياسر : متى بنروح ؟
ياسر بأبتسامه حنوونه لدنو : الحين بعد متى
"بدر مات يوم شافها "
عبير لسهر: الحييين
سهر: اهااااا شفيكم متحمسيين
عبير: هههههههههه لابس دنو تبي الحيين
سهر: هههه اه اووكي خلاص يلا بروح البس
عبير: مي تووو يلا باااي
سهر: باياااااتو
"وسكروا"
عبير مبسوطه : بترووح يلالا انا بروح البس
" ومشت"
بدر وضاق خلقه : عن اذنكم
ياسر: اذنك معك
"وطلع فووووق "
"بعد ربع ساعه نزلت عبير"
ياسر بعصبيه: احلفي مع خشتك ساعه ساعه
عبير: كانت تكوي عبايتي معفسه
ياسر: طيب يلا
"وشال دنو ودنو كانت مبسووطه حدها وطلعوا "
.
.
.