.
.
.
وبنفس الوقت
تصاعدت خيوط دخان فنجانها
برائحة القهوة التي تعشقها رائحة .. أكثر منها مذاق
ولكن ..
تتصاعد خيوط الدخان من فنجانه برائحه القهوه الي يعشق رائحتها اكثر من طعمها .. اكثر مايحبه بهالمكان هذا الكوفي الي اعتاد الكل يشوفه فيه .. بضحكاته الي تملي هالمكان المزحووم .. اليوم كان بغير عادته .. كان سرحان وباله ابد مو معهم ويفكر وكأن جبل من الهموم بصدره تنهد بضيق وهو يتذكر الكلام اللي تخلل لاذنه في الوقت اللي نسى جواله بغرفة الطعام ورجع ياخذه وسمع شي ماكان يتمنى انه يسمعه ويتمنى انه حلم اكثر من انه حقيقه حط يده على راسه وهو مو مصدق " مو معقووول اللي يصيرر والله مو معقول .. ليه ترفضه .. ليه ماتبيه ؟؟ وليه وليه مليون سؤال يدور في باله وكان محتار مايدري ايش يسوووووي .. اكيد انا فهمت غلط .. او اني ماسمعت زين ورجع بذاكرته للي صار رجع ياخذ الجوال لكنه سمع اسم اخووه وحده تتكلم عنه وهذا الشي اللي وقفه يسمع "
..::فووواز انا ما ابيه يا سهررر وش فيك ماتفهمين
سهر : يا اديم وش تبن وماتبين اللي صار صار
اديم وهي تصيح : مو على كيفهم يزوجوني واحد نفسي ماتبيه حررررام والله حرررام
سهر: اديم اذكري الله والله بيكتب اللي فيه الخير
اديم : مابيــه ياسهر اكرهه تفهميين
سهر: وش هالكلام شلون تكرهينه وانتي عمرك مالتقيتي معه ..كلمتيه .. شفتي عليه شي
اديم : انا كرهته ياسهر مغرووور.......
ماتحمل يسمع اكثر .. ماتحمل يقعد دقيقه زياده وهو يسمع انها تاكل في اخوه وهو ساكت وان الفرحه اللي دخلت في البيت شكلها مؤقته .. الله يعينك يا اخوي .. انا لازم اقوله بس شلووون شلووون .. ماقدر اجرحه في رجولته .. ماقدر اهدم الفرحه الي شفتها بعيون اهلي اليوم .. انا بأمكاني اقدم فرحه اهلي عليها الي ماتنتسمى قليلة الخاتمه .. حس انه راسه مصدع وقام من الكرسي كنه يبي يهرب من شي
كل الي على الطاوله التفتوا عليه
واحد من اخوياه : طلال على وين ...؟؟
طلال: راجع البيت
رد عليه: وين توه بدري .. اصلا ماقعدت معنا سرحان لي طول الوقت
طلال: وقت ثاني انا لازم ارجع البيت "والتفت يدور على وليد "
طلال وهو يوجه الكلام لوليد: انا ماشي البيت تبي تمشي يلا ماتبي كيفك
وما انتظر يسمع الرد من وليد ركب سيارته الا وليد يلحقه ويركب معه ويرجعووون للبيت
.
.

في بيت بو محمد
عبير: يلا ماامااا نعسااااااااااااانه ابي اروح انااام
سهر: صدق انك بايخه ..تونا صاحين
عبير: وش تونا صاحيين من اذان المغرب
ام ياسر: هذي حماره نووم و
غزل: ههههههه من جد والمشكله ماعندها شي تسوويه لادوام ولا شي
عبير تسكتهم : اسكتوا عني استكوا يلا
سهر: هههههههههه
نجوى: سهر اطلعي برا لمحمد وخذي منه سلمان
سهر: يوه مابي برسل الخدامه
نجوى: يلاااا عاااد كلها خطوتين
ام محمد: سهر عيب عليك اسمعي الكلام
سهر: انشاء الله "وتقوم بتذمر"
غزل : غصب عنك بتقووومين يلا شرررفي وجيبيه
نجود وهي تكلم عبير بصوت واطي : ياكرهي لهااا لو تسكت ازين لنا ولها
عبير وناظرتها بنظره : حرام عليك البنت ماسوت لك شي
نجود : ما ارتاح لها وبس شايفه نفسها وتتكلم من طرف خشمها
عبير : لا يانجوود لا تظلمينها ترا غزل حبوبه
نجود : تمثل دور الطيبه وانتوا مصدقينها .. مالت عليها
عبير سكتت ولفت عنها علشان محد يشك بشي
.
.
.