الساعه 6:30
"طلعت نجود تصحي البنات ..هبلت فيهم صحتهم بكل طريقه حتى قاموا كلهم "
عبير وتصلح بجامتها: الله يخسك يانجييييييييد خليتينا شوي
نجود: بلا سخافه طفشت لحالي
"قامت وحده ورا وحده تغسسسل وترجع تلبس ملابسها ..خلصت وصايف وعبير وسهر وبسمه والباقي لسا "
عبير وهي تشوف جوالها: احححححححححح خمسه مسد كول من بدر .. بيذبحني شفيييه داق؟
"سهر حستها نغزه لها كنه معصب عليها هي مو هو .. صلحت شكلها وكل شي وانتظرت البنات وهي سرحانه .. خايفه من جد اذا قابلته"
بسمه وكتفه يدها من بروده المكيف: يلا عاد خل ننزل وهم يلحقونا
عبير: اي والله يلا
"نزلوا البنات الي خلصوا وانضمت لهم نجود "
" نزلوا الصاله التحتيه بكل هدوء وهم يسمعون الحريم يسولفون وفيه صوت عيال "
وصايف توقفهم : بنات فيه عياال
سهر: يووه خلهم يقومون يروحون الخيمه
بسمه : من جد
وصايف: وش راح يقومهم
سهر: استنوا اتصل على منصور واخليهم يقوومون
"طلعت موبايلها واتصلت "
" في الصاله كانوا سوالف الشباب مع امهاتهم ومبسوطين وهدوا يوم دق جوال منصور"
منصور بملل: نعممممممممم
سهر: نعامه ترفسك قل امين ... ورا ماتقلبون وجهكم لان نبي ننزل
منصور: ورا ماتقلبين انت خشتك وعنزك البيت شكبره حبكت ماتبون الا الصاله
سهر وتصك على سنونها : نبي نجلس تحت وكل صالات تحت مكشوفه وهاذيك مانقدر نمر بسببكم
منصور: البسوا عباياتكم والله
سهر تصارخ : منصووور وورجع
" الي في الصاله سمعوها وضحكوا "
منصور: وجعووه حشا حلق بقره مو بنت فشلتينا
سهر: احسن يلا قوموا
منصور: اقول اقلبي وجهك " وقفل الخط بوجهها "
"بدر كان ينتظر لحظه يسمع صوتها ومات ضحك يوم سمعها تصارخ .. كل هذا الدلع ويطلع منه هالصوت "
ياسر: قوموا نطلع يلا
منصور: شوف عاد انا قعدت الرجاجيل حامت كبدي منها خلونا نقعد والبنات يفارقون فووق
مشاري: ياحبك للحريم قم بس قم
"شوي ويدق جوال وليد "
فيصل: من بعد
وليد: هههههههه عبير
طلال: هههههه عطني عطني اكلمها
ام ياسر: اعقل ياطليل عن بنتي
طلال: هههههه ماني مجننها
"فيصل كان منقهر حده "
طلال: مرررررررحبا
عبير: وع مين طلال
طلال: اي نعم معك الشيخ طلال اي خدمه
عبير: ابي اخوي
طلال: شتبين فيه مالك حاجه ..تبينا نقوم ماحنا بقايمين زين
عبير: طلالالالالالالال اكرهك عطني اخوي
طلال: تكفين انا امووت فيك يالشيفه
ام ياسر: ياسر كلم ولد عمك خل يكف عن بنتي ههههههه جننها طلع قرونها
عبير: طلووووو
طلال: ياعيون طلوو
ياسر: وجعوووه طلييييل خلك من اختي
"طبعا الامهات عادي ماتفرق معهم لانهم يعرفون طلال مهبول وهو متربي مع عبير يعني عادي"
"فيصل تحرقص حده وكان يبي يقوم وياخذ الجوال ويهزأها "
عبير: نبي نقعد تحت
طلال: والله ودي انتي تفكرين مو ودي والله ودي بس الشباب ماهم راضين
عبير عصبت: ياشيييييييينك بس
طلال: هههههههههههههههههه ام كشه عصبت.... حبتيييين
عبير: ههههههه شرهتي علي انا دقيت عليك انت وهالهطف ولد عمك
طلال: ههههههههه طيب شفيك عصبتي خلاص بنقوم كم عبير عندنا وكم ام كشه عندنا "ويغير نبره صوته " بس وحده
عبير: الله لايحرمني منك هههههههه قوموا بس
طلال ويبعد السماعه : شفتي ياخالتي هي تغازلني مو انا
عبير: وجعوووووووه ياحمار "وقفلت الخط "
عبير: فشلني عند العيال الكلب
"في الصاله "
طلال بعد ماسكر : ههههههههههههه هالخبله "وعطى وليد الجوال" يلا قم نرووح
وليد: يلا قووم
منصور: انتم اذلفوا حنا بنقعد
طلال: حرام عليكم قوموا ههههههههه عبير بتذبحني
"فيصل كان بيقص لسانه كل شوي جايب طاريها وكنه العيد "
ياسر: انت الي بتنذبح ...لعنبو شيبت راسها
طلال: هههههه الا هي عبير قم ياوليد بس قم " وقاموا"
ام فواز: وين بتصيعون بعد
طلال: احم بنروح عند واحد من الشباب
منصور: نصاااااااابين بيروجون السن ست
طلال بنفعال: وانت شدخلك شدخلك
منصور: هههههه انا ربي خلقني ماحب اكذب شسووي
طلال بنعومه : ياربيييييه .. يامصلك
"وانسحبوا بسرعه قبل لايفتحون تحقيق لهم "
نزلوا البنات كلهم واستغلت سهر الفرصه ونادت على اديم وراحت معها
.
.
.
الى متى تحيا غريبٍ بدنياك +++ واخر حياتك ما تحصل مناتك

تركض ورى حلم ٍ تمثّل لروياك +++ وتقضى على وهم المسافه حياتك