في نفس الوقت في بيت بوفواز
كانوا جالسين وقت القيلوله بعد الغدا وكانوا كلهم متواجدين بأستثناء منار ونجوى
فواز: احم احم يبه
بو فواز رفع راسه لولده
فواز: يبه شرايك تودي طلال يسافر على حسابه دام ماعنده نسبه تدخله جامعه من جامعاتنا
طلال وهو يشرق بالشاي حقه ويناظر فواز: فواز خلك بحالك احسن
بو فواز: طلال عيب عليك هذا اخوك الكبير وحسبه ابوك بعد عيني ..هذا وانا حي وتتكلم معه كذا كيف اذا رحت وخليتكم
الكل: الله يخيلك لنا بعد عمرن طويل
طلال: اسف يبه بس ماله شغل فيني
فواز: وشو مالي شغل فيك ..بتقعد كذا عازب بدون شغل ولامشغله
بو فواز: والله فكره حلووه
طلال: يبه انا غربه مانبي متغرب مثل ماسوى سلطان
بوفواز: الظاهر اني قاعد اتكلم مع ورعاان ..انت كبرت وقد المسئوليه وبعدين شفيه سلطان هذا هو تغرب وشد حيله ودرس وبيرجع بشهادته رافع راسه ورافع راس ابوه وعيلته
طلال: هذا سلطان مو طلال
فواز: والفرررق
طلال ويرص على سنونه: الفرق كبيييييييير
فواز: لا مافي فرق لو شديت على نفسك راح تصير احسن منه
طلال: فواز تقص على مين انا عارف قدراتي واعرف مستواي فلوسمحت خلني على حالي
بوفواز: وان شاء الله يتقعد لي كذا عاطل
طلال متوهق: لاباخذ لي دوره كمبيوتر
فواز: نعــــــــــــــــــــم"وعلى صوته شوي" يبه امسك ولدك بيجنني هذي اخرتها ولد محمد ال.... ياخذ دوره كمبيوتر وكل واحد بالعايله دكتور والثاني مش عارف ايش تبي تفشلنا قول تبي تنزل راسنا
بو فواز وهو يناظر ولده بأعجاب: الله يريحك يافواز مثل ماريحتني بكلامك لو غبت عن هالدنيا في اي يوم بروح وانا مرتاح ومتطمن على عايلتي ومفتخر اني ربيت رجال
طلال منزل راسه
غزل: بابا الله يطول لنا بعمرك لاتقول كذا
فواز: يبه الله يخليك لنا
طلال: عن اذنكم
بو فواز: اقعد ياطلال
طلال: يبه انا بروح انام بريح شوي
فواز بأستهزاء: هئ وانت متى صاحي
طلال ويصك على سنونه بغيظ ويجلس
طلال: يبه مستعد اسوي الي تبي بس سفر ماني بمسافر
فواز: من وين راح نلقى لك وظيفه وانت بوشهاده ثانويه
طلال: تبوني ادرس بدرس لو اروح ادرس بجده والجنوب بس غربه ماني بمتغرب
بو فواز ويتنهد : خلاص ياطلال ..ياولدي انا مو قصدي تتغرب ..بس انتبه لنفسك شد حيلك واختر التخصص الي ودك فيه وبسوي الي اقدر عليه
طلال: الله لايحرمني منك ...يبه انا ابي اشتغل في الاي تي
بو فواز: حلوو .."ويوجه الكلام لفواز" فواز الله الله فأخوك خذ شهادته ودخله اي جامعه تقبله حتى لوبفلوس
فواز: ولايهمك
بو فواز:بارك الله فيك
ام فواز: يابعد عمري يافواز عقبال مافرح فيك وبعيالك
تبلعم فواز يعرف امه تحب هالطاري
ام فواز: يبه فواز ليه ماتستعجل على الخطبه
فواز: يمه لابدري وين توني خليني استقر شوي
طلال بأنفعال: لاتستقر ولاشي فلوس وعندك ووظيفه توظفت وش اكثر بعد
"ضحكوا على حماسه"
غزل: اعصاااابك زين
طلال: انتي جب مالك دخل
بو فواز: طلال اعقل وش هلاسلوب التجاري
طلال: اسف يبه
غزل بغرور: هذا الي فالح فيه اسف يبه اسف يبه
طلال ناظرها وتوعد لها ضحكت عليه وطلعت له لسانها
طلال: اي لاتغير السالفه يبه صراحه زمان مافرحنا ودنا بزواج يغير مود العايله
فواز: طلال لو سمحت مو من خصوصياتك
طلال: اسف مافي هالبيت خصوصيات احترم خصوصيات غيرك اول
ام فواز: هههههه طلال هدي على اخووك
غزل: لاوالله من جد ودنا ننبسط ..وعلى فكره اديم بنت حلووه ماتنتفووت الحق عليها
طلال: هههههههه بهذي صدقتي ماتنتفووت
فواز بعصبيه : طلالالالالالالال وبعدين
طلال: دامك تغار الحقها على قوله اختك هههههههههه
فواز وهو قايم: عن اذنكم
بو فواز: طلال اعقل عن اخووك يوه وبعدين معك اصغر عيالك هو
طلال وشكلها وصلت معه: انا الي عن اذنكم .. اشبعوا فيييه "وطلع مهرول "
ام فواز: كذا زييين
بو فواز: خليه يتأدب عشان يعرف كيف يحترم اخووه...لعنبوه حتى وانا موجود ماهو حاشمني
غزل" حزنت على اخوها لانهم زودوها معه فاطلعت فوق بصمت"
ام فواز: الله يهديك بس فواز شوف اخوك لايصير فيه شي
فواز: يمه شبيصير يعني مره مرتين يتأدب..انا بطلع اريح صحوني على صلاة المغرب
ام فواز: انشاء الله
****
طلع طلال بعد ماسكر الباب بكل قوته وركب سيارته وشغلها" انا اوريك يافواز"
ودق على صديقه وطلع معه حتى وليد ماكان له خلق عليه
.
.
.