الجزء الثالث
الفصل الاول..
كان يوم مثل باقي الايام لايحمل سوى المتاعب والمشاق ...هذا الي كان يدور في باله في هذا الصباح وهو يتقلب على فراشه ..روتين ممل ..لدرجه صرت ما اطيقه ..وش بيدي غير اني اساير هذا الزمن يالله اني اتأقلم على هذا الوضع ..عسى ن يكون هذا اليوم هو اليوم الي طول عمري حلمت فيه ..قال كذا يهون على نفسه .. مد يده جهة الصوت المزعج الي تعود على السماعه كل صباح الي يعلن فيه يوم حافل بكثير من الاعمال والمشاغل .. وهو في صراع من النوم حاول بكل جهده انه يتغلب على النعاس الي يسيطر على جفوونه وهو يقوم بتكاسل وبعد فتره
اخذ له دش وطلع من الحمام " كرمكم الله " قعد على الاريكه حقته عشان يرتاح شوي من الدش الساخن رفع يده على راسه وتخللت اصابعه شعره المبلوول "وش اللي ينتظرك يافواز اليوم "
لبس فواز ثوبه والشماغ وتعطر واخذ مفاتيح سيارته وموبايله ونظارته ونزل تحت يفطر
مر على الصاله وسلم على امهش
ام فواز: يالله يمه افطر مع ابوك الفطور جاهز على الطاوله
فواز: ان شااء الله يمه .. انتي بس قومي ريحي بس
ام فواز : لا بنام بعد نص ساعه اختك اليوم دوامها بدري بصحيها وبنام مره وحده
فواز: وهي بزر يمه عندها ساعتها واذا ماتصحى عليها وصي الخادمات ياكثرهم بس انتي ارتاحي
ام فواز: ماعليك مني يايمه "وتبتسم" انت روح افطر واللي يسلمك
فواز يبتسم: من عنووني
راح فواز ناحيه طاوله الطعام المجهزه بكل مشهيات الفطور باس راس ابوه وجلس الا ابوه قايم
فواز: وين يبه تو الناس
بو فواز: لا يبه عندي شغل اليووم لازم اروح بدري
فواز: الله معك
قعد فواز يفطر لحاله وماكان له خلق يفطر لحاله وينك ياطلال تفطر معي على الصباح اول تونسني من تخرجت وانت كل يومك نوم مدري متى بتكمل دراستك وتصحى مثل العالم والناس انا لازم اكلم ابوي بموضوعه
فواز: مارياااا ماريااااا
ماريا من المطيخ :
Yes .sir
فواز:
Please bring news paper from out said
ماريا:
Ok .sir
طلعت ماريا جابت الجرايد وعطتهم اياه وقعد يقراهم وهو يشرب الكوفي حقه بعدها اخذ نظارته وباس امه وطلع لدوامه
ركب سيارته وراح متوجه لدوامه "اساساً فواز يصير مدير شئوون الموظفين في شركه عمه"
دخل من البوابه الرئيسيه بكل شموخ مر من موظفي الاستقبال والقى عليهم التحيه الصباحيه الي تعودوا عليها وكمل طريقه ضغط على الاسنسير الا بصوت يناديه من بعييييد
التفت ناحيته: بو سلمان يالله حيووه
محمد: الله يحييك ويبقيك شفيك يا أخي طاير كنك في سباق
فواز: الناس تقول صباح الخير السلام ههههههه مره وحده شفيك طاير لاطاير ولاشي "وفتح الاسنسير" تفضل بس ...
محمد: هههههه امزح يا اخي بس خفت يروح الاسنسير عني هههههههه
فواز: هههه رايق والله
محمد: كيفك بعد سهره الخميس
فواز: فاااتك ياشييخ انبسطنا حتى طلع من خشومنا
محمد: اشوفك مصحصح
فواز: والله يالله شلت نفسي من السرير
محمد: ههههه سوداني
فواز: هااه بو سلمان في حد دازك علي
محمد: ههههههههه يلا يلا انزل هذا هو دورك
فواز: احم شغلك بعدين "ضحك ونزل"
وكل واحد راح بطريقه
.
.
.
ها هي شمس الصباح تشرق من جديد وتخترق اشعتها الساطعه نوافذ غرفتي ..قامت من النوم وبعدها دخلت وتحممت وتوضأت مره وحده ..وهي تدعي الله انه يخلصها مما هي فيه ويرجع لها سعادتها ..طلعت ولبست ملابس المدرسه وصلحت شكلها ونزلت تحت تفطر
نزلت تحت لقت امها واختها يفطرون
...: كان تأخرتي شوي حشا عروس مو بنت مدرسه
...: جنى مالي خلقك على الصباح
جنى: طيب يلا وصايف افطري بسرعه
وصايف: مابي اكل بس باخذ لي كوفي بالطريق
ام فيصل: تعافين فطور البيت وتاكلين من اكل بره والصباح
وصايف: يمه شغالاتك لايعرفون يسون كوفي ولاشي
ام فيصل: خذي كوفي بس كلي لك شي
وصايف: ماما والله ماحب
ام فيصل: ماني بمعوره قلبي معك
وصايف وتحبها على راسها: مع السلامه
ام فيصل: مع السلامه الله يحفظكم
في الطريق كانت الحركه تطغو على ارجاء شوارع الخبر والفوضى تعم المكان بعد ليل من الهدوء والسكون الكل هنا وهناك الي خارج لشغله والي والي
امرت السواق انه ياخذها لستار بكس الي بطريقهم اخذت لها كوفي ولجنى وكملت طريقها للمدرسه
دخلت المدرسه واتجهت للفصل بكل هدوء كانت شوي متأخره على الحصه مرت من عند الاداراه بدون مايسألونها عن سبب التأخير دخلت الصف
وصايف: السلام عليكم
الأستاذه: وعليكم السلام..وين الورقه
وصايف: البوابه لسا ماسكرت
الاستاذه: روحي عند المراقبه وجيبي ورقه
وصايف: اوووه اوكي "راحت وجابتها وحطتها على طاوله الاستاذه"
وقعدت على كرسيها لفت ناحيه طاوله العنود مالقتها قامت وقعدت بكرسيها لانه جهة الجدران عشان تسند ظهرها قعدت بدون كلمه بس تفقدت اصحابها لقتهم موجودين ابتسمت ولفت تسمع للأستاذه والشرح وبالاحرى سرحت " ياربي ليه يوم ماشفتها اكتئبت يعني جالسه تثبت لي بفعايلها الشنيعه ياربي ما ابي افكر مجرد تفكير انها رحلت ..تعودت عليها ..صارت شي اساسي في حياتي .. انشغل بكل شئونها وكنا مانمل من سوالف بعض تشاركني في الافكار والاراء مادري سبب شعوري بالراحه اذا تذكرت انها موجوده بحياتي ..مدري وش سوت فيني سحرتني ..كانت دايما تعطيني الامل في حياتي اذا تشائمت من شي كانت الفتره الي قضيتها معها كفيله بأن تجعل العنوود تحتل جزء في قلبي ..حيست فيها الصدق والبراءه والاهتمام الي كنت احلم فيه..حشا كني اوصف زوجتي مو صديقه "ضحكت على نفسها" بس تنهدت وش بيدها تسوي كل شي صار واضح "...
"بعد انتهاء الحصه"
الا وهنوف جايه لعندها
هنوف: هللا والله كيفك اليووم
وصايف بأبتسامه: الحمدالله"ولفت على البنات" كيفكم بنات
فرح والبنات: تماااامو
هنوف: شفتيها غايبه
وصايف: ايه
هنوف: وش تبين اثبات اكثر
وصايف: هههههههههه تراي صدقت والله خلاص كل شي انكشف لاتهزئيني
هنوف: هههههههه ما اهزئك بس عشان تعرفين ان الي نسويه صح
وصايف: فديتكم والله
هنووف: تيب يلا قومي
وصايف : وييين ؟
هنوف: نروح لعند جمانه واسيل
وصايف: يلالالا
"راحوا لعندهم شوي وقعدوا يسولفون حتى جت المس الي عليهم وطلعوا"
وصايف: شعلينا ؟
هنوف: مدري
"راحوا لصفهم وعرفوا ان المس غايبه وبعدها جلسوا الشله على الارض يسولفون "