الجزء السابع
الفصل الثاني
"بعـد ماوصل عقرب الساعه عند الساعه سبعه صباحا .. بدت تدق قلوب طلاب ثالث ثانوي وهم داخلين اخر اختبار وهم في قمه التحدي ومعروف مع الاسئله الي تجيبها الوزاره .. وكل عام يتفاجئون في ماده .. وكأن الوزاره تاخذ ثار الطالب اذا حطوا الاسئله ..
كل طالب يمره هاجس ثالث ثانوي في حياته يعرف مدى الارتباك الي بيلازمه طول فتره وهو يبني احلامه ومستقبله على ورقه الاجابه .. وكل يوم يمضي وكأنه منشار حديد يقص مابقى من نسبته المسكينه ..
حنا ماقلنا نبي الاسئله مويه ولا مرض ماله نهاية بس نبيها في دائره الاستيعياب للطلاب ..
كل من وليد ووصايف وغيره في هذي السنه يتساءل عن سبب هذا التحدي ماكانوا يتخيلون صعوبة الاسئله لهذي الدرجه .. وليش على اخر يوووم ليشش
وليد يومها الي كان اخر يوم اختبارات تهور وطلب من المدرس يغششه ماقدر يحل والمدرسين بهذا الوقت يكونون متعاطفين مع طلابهم .. وليد من دخل وهو يبي يخلص هذا الاختبار يبي يفتك من الدراسه وهمها غش له كم كلمه من هنا والاستاذ من هنا وحطهم فوق بعض واول واحد سلم ورته سلم وليد ورقته بعده .."
"اول ماوصلوا الساحه بدا مهايط الشباب وفرحتهم ولااحد فكر يسأل الثاني وش سويت لان تعابير وجيهم تكفي .. اللهم فرحة اخر يوم محت كل تشائم مرسوم بوجههم .. يومها كان وليد مداوم بسيارته وعزم ربعه ومعهم طلال طبعاً ووواعد باقي الشباب يلحقونهم مكان ماراح يلتقون"
.
.
.
"من جهة وصايف "
"وصايف والبنات واجهوا صعوبه في الاختبار بس مو مثل العيال الساحبين بس كمان البنات ماحد منهم فكرت تسأل الثانيه وش سويتي بدوا يصارخون والي تبكي والي ماني عارفه وش مسويه .. وبعد ماهدوا شوي "
وصايف: هنوف نسلم على عنود ولا
هنوف رفعت حاجب: لالا خلينا بعيدين والي يعافيك
وصايف: يعني مانسلم
هنوف: يعني تبينا نروح بكل برود وكنها ماسوت شي ونسلم عليها
وصايف تضحك : طيب كل شي ولاتنطقرين
هنوف ضحكت : ودك نطلع نتغدا
وصايف تضحك: تبين يصير مثل يوم التخرج
هنوف تضحك : الله لايقوله بس حنا انا اوانتي واسيل وجمانه
وصايف: اوكي خلاص بروح ادق على امي
هنوف: اوكي وانا بقول لاسيل وجمانه
وصايف: اوكي
"راحت وصايف وكلمت امها والباقي كمان اتصلوا على امهاتهم ووافقوا وطلعوا مع بعض وجنى بعد تجمعت مع صديقاتها بنفس المطعم "
"تقريبا هذي الاجواء الي تصير بعد ماتخلص العالم الاختبارات "
.
.
.
"كان طالع بسيارته ومايدري وين يروح .. جلس يتمشى في الشوراع .. وكانت الاجواء حلوووه لكن صوت السيارات شي لابد منه .. وهو طول الوقت يفكر .. وحس انه هذا هو الوقت المناسب علشان يقول لاهله عن اللي يدور في خاطره .. وبعد فتره شاف ستار بكس وحس انها فكره مو شينه انه ينزل .. وقف سيارته في الباركينق ونزل وجلس في الطاولات اللي برا لان الجو كان عاجبه وطلب له اسبريسو وتراميسو وطلع جواله ودق على ولد عمه اللي يفهمه "
..:: الووووو
..:: لاحول الله ماراح نخلص منك يعني توني مسكر منك
..:: ياكذاب من دقيت عليك اخر مره صار لي ساعه
..:: شفت يعني توك داق .. اخلص وش عندك
..:: مسااااااااااااااعد ماصارت مكالمه دقيت عليك فيها
مساعد : لاتنسى اني بزنس مو مثلك غرقان لشوشتك
..:: عقبال ما اشوف فيك يووووووم يامساعد
مساعد : يووووه فيصل لالالا الاا هذي الدعاوي
فيصل بتنهيده : احبها يامسااااااااعد احبهاااااااااا تدري والله بلندن لو اشوفها بكلمها وبقولها اموت فيك
مساعد : اوب ااوب والله انك رايق كل مكالمات حب وغرام واتحداك تسويها
فيصل : ههههههههههههه مالك شغل خلني احب على كيفي
مساعد : مالي شغل وداق علي وربي ماعندك سالفه
فيصل: مخلي السوالف لك
مساعد : طيب وبعدين متى بنخلص من سوالفك
فيصل : مساعد بقولك شي
مساعد : يلا قول
فيصل : هممممممممممم قررت اخطبها هاليومين بس متردد اخاف ترفضني
مساعد : وليه ترفضك .. وين بتلقى احسن منك اصلا
فيصل : اجل بذمتك فواز فيه عيب عشان ينرفض
مساعد : لاتحط في بالك سالفة فواز انت غير وهي غير
فيصل : احس ودي اسالها قبل اذا تبيني والا لا
مساعد : وش تسالها وش خرابيطه
فيصل : ادري اني احلم بس ودي لكن ماراح اسويها
مساعد : تدري يافيصل ..
فيصل : وشووو
مساعد : توني اكتشف انك مراهق
فيصل : والله لو تحب لاتصير مثل حالتي بس متى يجي هاليوم متى اللي اشوفك عاشق مغرم
مساعد : انا خلني على جنب وخلني منك الحين
فيصل : ليتك تجي الشرقيه بس في قلبي سوالف لك ماتصلح الا فيس تو فيس
مساعد : ودي بس ما اقدر الشغل كثير علي هاليومين
فيصل : الله يعينك خلصه بسرعه وتعال عشان نجلس معك
مساعد : وشخبار منصور والشباب
فيصل : والله كلهم بخير
مساعد : سلم عليهم .. تصدق ودي ادق على سلطان
فيصل : له وحشه والله صدق انه قاطع بس ما اصبر لازم ادق عليه
مساعد : انا والله ما ادق عليه مقصر في حقه وعاذره والله لاتنسى انه في غربه ومايفضى يدق على كل واحد
فيصل : ترا ماقلت شي انا وعاذره مثلك
مساعد : انت وين فيه الحين اشوفك مروووق
فيصل : ابد اتقهوى في ستار بكس
مساعد : وفواز شخباره الحين
فيصل : تصدق اني مستحي منه الا فواز ما ارضى عليه لكن اختي الله يهديها
مساعد : دقيت عليه واحس انه منجرح حتى ماطول معي مو بعادته .
فيصل : ايه والله لاحظت عليه
مساعد : ياليت تاخذه يوم لحاله وتطيب خاطره
فيصل بعد تفكيررر: ههههههه والله فكره بدق عليه الحين واخليه يجيني واشوف ايش في خاطره
مساعد : مهما كان بس ترا فواز مايستاهل ومره حساس هالولد
فيصل : الله يكون بعونه وعن اذنك خلني ادق عليه اخليه يجيني تامر على شي
مساعد : سلامتك والله
" وسكر عنه واتصل على فواز ..
تررررررررررررررن
ترررررررن
ترررن
فواز بصوته الهادي :مساء الخير
فيصل : ياهلاااااااااااااا والله ومرحبا مساء النور.. يالله ان تحيك
فواز يبتسم و بصوت حزين : الله يحيك
فيصل : شخبارك يولد العم
فواز : يسرك الحال
فيصل : دوووم يارررب
فواز : وانت شخبارك
فيصل : انا بخيرررر والله
فواز : وشخبار عمي والاهل
فيصل : كلهم يسلمون عليك
فواز : الله يسلمهم
" فترة صمت "
فيصل يقطع الصمت : هممممم مدري وش اقولك يافواز
فواز : فيصل ممكن ماتقول شي اذا كان عن الموضوع اللي في بالي
فيصل : لكن يافوااااا
فواز يقاطعه : فيصل الله يخليك فض هالسيره
فيصل : اوكي تامر امر .. انت ايش تسوي الحين
فواز : ولاشي جالس بالبيت
فيصل : انا الحين في ستار بكس وعازمك على كوفي ايش رايك
فواز : اسمح لي يافيصل ماودي ارد عزيمتك لكن مقدر اجي احس اني تعبان شوي
فيصل : تعبان والا زعلان
فواز:............
فيصل : فواز ماراح نقدر نتفاهم على التلفون لازم نتقابل
فواز : ترا انت للحين ولد عمي ومالك دخل باللي صار بيني وبين اديم انا مو زعلان منك وحتى اديم مو زعلان منها بس متضايق شوي
فيصل : ماتنلام ياخوي وكان ودي تقبل عزيميتي واشوفك ونسولف لكن اخليك الحين ولي جلسه معك وقت ثاني
فواز : لاتزعل مني يافيصل .. وانا بس اكون مرتاح راح اجي لك بنفسي
فيصل: اجل مابقى الا ثلاث ايام
فواز ابتسم براحه : أي والله
فيصل: حظك والله
فواز: طيب وانتوا بعدنا باسبوع ليه مأخرينه
فيصل: انت عارف الاجازات مو على كيفنا وانا محامي
فواز: أي والله الله يسهل بس متى تعدي هالثلاث الايام ياثقلها والله
فيصل يضحك : يالله عشان تضبطون الشقه
فواز ومافي حيل للسوالف بس عشان ولد عمه : ابوك يالمصالح
"وكملوا سوالفهم وفيصل اخذ بخاطر فواز وتعذر منه على اللي صار وانتهت المكالمه بضحك ووناسه بين الطرفين ومنهو اصلا اللي يسولف مع فيصل وماينسى همومه فيصل خله فواز ينسى انه متضايق وينسى كل شي صار"
.
.
.
رد مع اقتباس
المفضلات