السلآم عليكم ورحمة الله وبركاته ~

’’

الليلة طخ في بالي شي فيه بقسماط أي شي المهم ان الشغل فيه يكون سهل ومايطول وتنفع اللي مستمله

فـ سويت بروستد ربيان بالأعواد الخشبية ~

طعمها خطير مره والتتبيلة حطيت كل شي يخطر على بالي ..


\

الطريقة :

نغسل الربيان ونتأكد ان الخيط مشيول منه


التتبيلة :

4 ملاعق روب ,, بصلة صغيره ,, ليمون ,, فلفل اسود ,, ملح ,, زنجبيل ( باقي البهارات اضفتها مع البقسماط والطحين )


نخلط الربيان في التتبيلة

وهذي أضفت لها زنجبيل المطحون وخلطتها من جديد




بعد كذا ندخلها الثلاجة لمدة ساعة

\

بعد ما كملّت الساعة ,, نجهّز البقسماط والطحين ونضيف معاها كل البهارات اللي نحبها بالإضافة إلى الكمون


\

لأني احب طبقة البقسماط حبيت تكون سميكة ,, اول شي غمست الربيان في البقسماط والطحين وخلطتها عشان البهارات


نشك الربيان في اعواد خشبية صغيره ( اعواد الاسنان ) ,, حطيت كل ثنتين مع بعض لأن الربيان اللي عندي صغير

بعد كذا جبت بيضة واضفت عليها شوية فلفل اسود وملعقة ماي وملعقة صغيرة بودرة حليب عشان مايتشرب زيت وخلطتهم مع بعض


بعدها نغمس الربيان في خلطة البيض


\

ونعود نحطها في البقسماط والطحين


وندخلها الفريزر لمدة ربع ساعة

وآخر شي نقليها في زيت غزير

\

وهذي النتيجة


\


\


\

قطاع عرضي للربيانة من داخل


هنـآ وعــآفـــــيـة على قلوبكم