محتاجين رأسين بصل

[ملاك الورد ..~]

السلام عليكم ورحمة الله وبركاته

مساكم / صبحكم الله بالخير

طق طق طق

-من في الباب؟

-انا احمد ولد ام احمد جارتكم

-خير ولدي آمر

-امي تسلم عليكم وتقول لكم محتاجة راسين بصل عشان تكمل غداها

-اي من عيوني غناتي

ياخد احمد راسين البصل ويوديهم لامه وتطبخ الغدا وبعد ما تخلص الطبخ ترسلولدها احمدبصحن

من غداها لجارتها

عادات قديمة افتقدناها

كان الجار للجار اقرب من الاخ لاخوه

وما كنا نستحي نطلب المساعدة من جيرانا

اكثر حريم قبل ما يروحون يشترون شيء من البقالة الا لما يروحوا يسألوا جارتهم اذا كان عندها

والا لا

الحين وربي جيرانا الي ملاصقين بيتنا ما اعرف من عيال من ولا عمري دخلت بيتهم ولا دخلوا بيتنا


صار التواصل مع الجار شيء صعب وشبه مستحيل

صرنا كل عايش لحاله ويقول يالله نفسي

المسافات قريبة لكن القلوب بعيدة

اتمنى اشوف تعليقكم على الموضوع

وياترى تفتقدون التواصل مع الجيران والا عايشين مثل ماكان اهلنا زمان عايشين

تحياتي وتقديري لكم

[hope]

السلام عليكم ورحمة الله وبركاته

مساكم / صبحكم الله بالخير

طق طق طق

-من في الباب؟

-انا احمد ولد ام احمد جارتكم

-خير ولدي آمر

-امي تسلم عليكم وتقول لكم محتاجة راسين بصل عشان تكمل غداها

-اي من عيوني غناتي

ياخد احمد راسين البصل ويوديهم لامه وتطبخ الغدا وبعد ما تخلص الطبخ ترسلولدها احمدبصحن

من غداها لجارتها

عادات قديمة افتقدناها

كان الجار للجار اقرب من الاخ لاخوه

وما كنا نستحي نطلب المساعدة من جيرانا

اكثر حريم قبل ما يروحون يشترون شيء من البقالة الا لما يروحوا يسألوا جارتهم اذا كان عندها

والا لا

الحين وربي جيرانا الي ملاصقين بيتنا ما اعرف من عيال من ولا عمري دخلت بيتهم ولا دخلوا بيتنا

صار التواصل مع الجار شيء صعب وشبه مستحيل

صرنا كل عايش لحاله ويقول يالله نفسي

المسافات قريبة لكن القلوب بعيدة

اتمنى اشوف تعليقكم على الموضوع

وياترى تفتقدون التواصل مع الجيران والا عايشين مثل ماكان اهلنا زمان عايشين

تحياتي وتقديري لكم

انا اذكر لمآ كنت صغيره كانت هالعاده موجوده بكثره
ياخذو من عندنا وناخذ من عندهم عادي
الحين كل شي متوفر ونادر ادا ينقص من عندك شي ,,
اللهـ مكثر السوبر ماركت والبقلات في كل محل

لمآ سكنا بيت ثاني تعودنا على الجيران
وتعرفنا عليهم وحبيناهم بسرعهـ على قولة امي اجاويد ..
وعلاقتنا بهم مررره تمام يزورونا ونزورهم زي الاهل

مو مثل جيرآنكم مانعرفهم ولا يعرفونا هع ,,

طرح لاعدمـ ..

يعطيك العافيه

تحيآتي

[اسيرة شوق]

هـــلا نـواارة

صحيح

أني احس كذه بعد

أني صحيح مالحقت على هالعـادات

لكــن القصص تذكر هالشيااء ، ومن عند امهاتنا

وزي مااقلت اختي هووب جيراانا>> جيرانا نفس جيرانهم << ماشاء الله عليهم

يعني نزورهم

يزورونا

لـكن مـاانطلب شيء او ...

صارات عادات قديمة وماحد يسويها

بس في رمضان نتباادل الأطباق

اللي تجيب لقيمات ، هريسة

هههه

أكلاات شعبيه

؟....

تحيااتي

[دمعة على السطور]

اللهم صلي وسلم على محمد وآل محمد وعجل فرجهم وفرجنا بهم ياكريم ...

ماشاء الله الموضوع هادف وتستحقي الشكر عليه عزيزتي ..

فعلاً عادات قديمة ...اندثرت معالمها على أرض حاضرنا ...

هل هذا هو التطور !!

كم وكم تمنيت أن يكون لنا صلة بجيراننا ودائماً ماأُردد هذه الكلمات على مسامع والدتي..>>خلينا عامي



المسألة مو مسألة سوبر ماركت وأني مااقدر اشتري ومن هالكلام ..


المسألة مسألة قلوب على بعضها قلوب أهلها طيبة ..ارتحلت هالارتباطات ..وراحت هالعادات وللأسف.. مااتوقع ترجع...


يمكن الحين لو يصير مثل هالموقف اللي ذكرتيه خية.. الطرف الثاني راح يتذمر ..
ويقول الزمن زمن غلى وأنا مافيي شدة ..دوبي أأكل أولادي..
وعلى أقل شي يجوا دولى كل يوم والثاني يبغوا حاجة ناقصتنهم ..خلفتهم ونسيتهم ومن هالكلام اللي مايخلص ..وماتسوى عليهم مساكين ..


مااادري هو الزمن ...هم القلوب.. هوو وشوو اللي خلى الناس كذا تتغير...

بس اتوقع للحين في ناس لازم تحمل هالقلوب..وهي على صلة قوية بجيرانها ..

للحين في جيران يتزاوروا كل يوم تقريباً..وياكلوا من بعض والأمر جداً عادي بالنسبة لهم ..

بس اللي يغلب هو تنحي القلوب عن بعضها ..وحب النفس ...

اتمنى أكون أعطيت الموضوع ولو بضع من حقه ...

يعطيك العافية حبيبتي ع الطرح القيّم ..
موفقة لكل خير إن شاء الله تعالى
دمتي بعين المولى الجليل

[هدوء الغرام]

مشكورين على طرح الموضوع
أني ما أقول مازلنا مثل الآول بس لازلنا نتواصل مع الجيران وقريبين منا
لاكن مو الكل البعض من نفسه ما يحب يتقرب..
أني أشوف أن الجيران بعدهم يزورون بعض
حتى لما انتقلت الى عش الزوجية مع جيراني نتواصل..
وزي ما قلتي نطلب منهم الشيء قبل ما نفكر نروح البقالة
تحياتي
دمتي بود

[حساسه بزياده]

يو يو ذگرتيني بداك الزمن كلما قصرتنا حاجه لوميه والله طماطيه والله احتجنا صفريه
رحنا لأم شاكر الله يرحمها برحمته وهي بعد من تقصرها حاجه تجي تآخذها
إيييييييييه كانت جلستها في البيت أكثر من جلستها في بيتهم على القدو له ياغناتي
وكنا بعد ننام ويا بعض البنات طبعا
ولاصار ما عدهم ماي جو يسبحوا ويغسلوا مواعينهم وفيابهم
أما هالزمن الله يهداهم
أذكر وحده تقول نوبه قصرتهم زي ما قلتي بصل
وطرشت ولدها لجيرانهم تتوقعي ويش ردت الجاره
روحوا اشتروا ليكم البقالات ماقصرت وبلا طلابه
أما حنا إذا قصرتنا حاجه رحنا لمرة الغالي وطلبنا على گل حزه
وهي بعد أدرعم الباب وتدخل أبغى لومي عماني
چان أقول ليها داكوا روحي المخزن وأخذي إلا تبغي
وإذا ما حصلت عندنا راحت للجيران الفاني
في مره جت تبغى سشوار شعر
چان أقول ليها أني ويش عرفني بمشوار الشعر
وراحت أخذته من عند فطام جارتنا
طولتها وهي قصيره>>يالله مع السلامه

[حلاالكون]

هههههههههههه بجد عادااااات افتقدنها
كانت حلوه بس غيرررر حظارررري
ماتوقع احد يسوسها الحين
يسلمواااا على الموضوع

[أمينه]

إيييييه عادات جميله وإفتقدناها وااااجد
ومو بس جديه
الحين لما تسألي جيرانش في حاجه يقواوا غفافه وعادات قرويه
أروي لكم حادثة حصلت لقريبة ليي
عندما سكنوا ناس جدد جنبهم صارت أمها اتزورهم ما بين فترات وتتفقدهم المسكينه طيبه وعلى نياتها
المهم لما كذا مره هي إلي اتبادل الجارة الزياره سألت جارتها ما زرتيني يا وخيتي حنا لبعض والجار لجاره
ردت الجاره عليها وبكل وقاحه أني مو قرويه عشان أزور جيراني؟؟؟؟؟؟!!!!
سألت قريبتي يمكن أمش إتروح ليها في أوقات غير مناسبه قالت لا عادي في وقت إلي الكل يتزاور فيه
أو يمكن كثرت عليها قالت لا ما راحت إليها إلا 3 مراات

إييه رحم الله أيام زمان
صحيح عدنا جيران ونزاور ما بين فتره وفتره لكن نفسي نصير زي أيام زمان
إحليو الجاره إجي في الضحى أو الظهر تطلب شيء أو تسأل وتتقهوه وتطلع


موضوع مرره إحليو

الله يعطيش ألف عافيه أختي نوارة الدنيا

تقبلي تحياتي



هذه أنا

أمينه

[عفاف الهدى]

بصرااااااااحه موضوعش مره حليو خيو
وهالعاده يا محلاها
عاد اني لحقت اشوي على هالسوالف مره كانت حليوه
اذكر ديك الأيام ايام تنسيف العيش اذا جو حريم الفريق وامي اتنسف كلهم ينسفوا معاها
او اذا جارتنا ام محمد الله يطول في عمرها جابت بضاعه اتجي اتقول داني جبت نعله وسكاكين والي يبغى اجي يشتري من بيتنا قبل لا تخلص البضاعه
وحاجات وااااجد غير النغصه اذا احد اشتروا اليهم شي اتلاقيها اتوزع على الفريق
اذكر جارتنا ام علي ليما الحين اذا قصرهم شي اول تمر البيت اذا موجود تاخد واذا مو موجود راحت البقاله او الخضار واخويي صار اذا بيشتري خبز لازم ياخذ الى بيت الجيران واذا العجينه ما اتكفي ما يشتري حتى اليهم هو و مرته
احنا اخواني 3 ساكنيين معانا شقق في البيت الي يحتاج يكلم وياخذ من الثاني
وحتى الملابس نتبادل في ما بينا
بس صحيح هالعادات قلت وخصوصا مع الجيران الجدد او المناطق الجديده
والبعض يعتبرها غير حضاريه
لكن والله اليها طعم ديك الأيام بنياتها الحلوه

[واحد فاضي]

موضوع جد رائع خيتي نوارة الدنيا

في السابق كانت النفوس طيبة ......ولا تزال والحمد لله

لكن مع تطور الوقت والبعض يغتبر أن العادات هذه تمس بتمدنهم

وتطورهم ........أنا - شخصيا - أقول

اذا كانت مثل هذه العادات تدل على التخلف فأهلاً وسهلاً بهكذا تخلف

لا يؤدي الا الى ما دعت اليه سيدتي ومولاتي الزهراء عليها السلام

من أن ...الجار قبل الدار .....في كل أعماله ودعائه

أتذكر يوم أني كنت ساكن في الشقة كانوا الجيران لا تزال لديهم هذه العادة الطيبة

طماطية ......لومية......صحن .....مشكاب ........وأي شيء آخر

لا تزال موجودة

الحين يوجد البعض وعندما ترسل صحن فيه طبخة معينة

يستغرب البعض من هذا العمل !!!!

رحم الله أهل لول ...ما يطيب ليهم خاطر اذا جارتهم ما اكلت من طبختها

أيضاً أضيف بأن الوالدة حفظها الله وأبقاها .....لا تزال مع جيرانها على هذه العادة

والشيء متبادل من ....الجيران الآخرين


ادام الله المحبة بين الجيران

خالص التحيات
فمان الكريم

[روائع القصص]

والله هاذا واقع المجتمع الي طلع لينا بالتدريج ومو فجأة

وياريت كل عادات اللول ترجع

والله ياريت

[أسرار الليل]

حنا من سكنا بالبيت تقريبا قبل شي 11 او 12 سنــه إذا مو اكــثر ,, كنت بزر أني مع خواتي وكنا كل يوم مطيحين ببيت الجيران هع .. بس كبرنـآ وقطعنـآ .. وربي البيت اللي بوجهه بيتــنا بناتهم ما نشوفهم إلا بالمناسبآت ونفس الشي أمهم .. وفيه بعض الجيران علاقتنـآ بهم اكثـر من سطحيـه .. بس أني بالذات مع نسوان الفريق وخاصة العجاايز علاقتي معاهم حلووه مره يعني مو بس الجيران .. لأني احب اجلس مع العجاايز هههه .. يحبووني واحبهم سبحـآن الله ..ههههههه .. بس عادة أني اروح اقول ليهم ابغى ما ابغى لاا .. الله يخلي البقالات .. البقاله جنب بيتنا على طول بس باقي نفتح باب بينـآ وبينها .. جارتنـآ هع .. اللي يبغى شي من البقاله يقوول .. ههههه ..
موضووع يجنن .. مرره حلوو ..
يعطيك العاافيــه غلاااتوو ع الطرح ..
عساك ع القووه ,.,
تحيااتوو

[هواها قلعاوي]

( الأول تحول )
كان الأول الجيران مثل الأهل الحين صار كل باب مسكر وماحد يعرف أحد
مشكورة خيتو على الطرح الجميل