بالفعل طرح رائع وموضوع جميل للنقاش
سائق الباص من هو؟
في الفترة الأخيرة عهدنا قلة الوظايف للشباب فأصبح اغلب الشباب يمتهن هذه الوظيفه
رغما عنه ..لأنه اهمل الدراسه او لأنه موجه تعليم او لظرف قاسي ووو
وهذا الشاب هو احد اخواننا او جيرانا او من منطقتنا اوو في النهايه ولد ناس
قسوة الحياة رمت به عند هذا المطاف
مع صعوبة الحياة والغلا اتوقع ان سائق باص ما يقدر يفتح بيت
لكن هالمهنه هذه الأيام بدأت ترتقي رواتبها لنفرض ان سائق الباص يودي 10 بنات الكليه اقل شي راح ياخد 350
350×10=3500 راتب يعتبر ما شاء الله غير بقيه المشاورين اليوميه الأخرى
كراتب القضيه محسومة بس في وجهة نظري بصراحه ويمكن اتوكن غلط الا واكيد غلط
المسمى الوظيفي ( سائق باص) قدام بنات العيله او الجيران وش يشتغل خطيبش بتقول سواق
يمكن صعبه واااجد كل وحده زوجها مسماه الوظيفي كشخه مدرس والا في شركه والاووووو هي سواق
اني مو ضد ابدوهالمهنة انسانيه وشريفه و الشخص بدينه واخلاقه
بس اتضل هالقضيه بين قوسين مواجهة الناس بهالمسمى
وخصوصا الي عندها في عيلتها شخصيات مرموقه
طبعا صاحبتي زوجها سواق وظيفه ثانيه مساعده ما شاء الله خدمتهم وااجد وقدروا يبنوا بيتهم
وكمان صاحبتي الثانيه اقترحت على زوجها هالوظيفه مع دوامه واتحسن وضعهم
واخو صاحبتي واخويي لما اتخرج من ثانوي قبل لا يتوظف امتهن هالمهنة لفتره
والحين زوج اختي وهو رايح الدوام عنده موظفات ونهاية دوامه كمان معاه
بالعكس ما فيها شي والعالم كلها بدت تشتغل هالشغله الي صارت بشكل واسع لقلة الوظايف
احترم كل السواقيين المحترميين واشكرهم لأنهم بيخدمونا وقت الحاجه
ويعطيك العافيه يا ابو زين على الطرح الرائع