تعال اسقيني من حبك ترى جسمي بدى يذبل
تعال وشوف كثر الهم بدى يظهر بنظراتي..!!
أبيك تحب أبيـك تحن أبيـك تولــهـ مثل الأول
آبى عينــك تناظرنـي و تـترقب لجيــاتي..!!
أبيك تحس أبيـك تـــرد آبى البعــد ما يطـول
أبيك تشوف حبي لك مع قلبي وفي ذاتي..!!
أبيك تلومني لين غبت أبيك تثور أبيـــك تزعـل
وآبى أرضيك بخضوعي ومعك بكل غاياتي..!!
تعال قول لي أنت غلطـان أبيك ما تخجــل
تعال بلهفة العاشق تعال اسمع مناجاتي..!!
تعال قول اني احبك ابي عروقي بها تذبل
أبيك تكون لي الدرب و اقـرب مســافاتي..!!
تعال اسقيني من حبك ترى جسمي بدى يذبل
تعال وشوف كثر الهم بدى يظهر بنظراتي..!!
تعال اشكي لك همومي خلاص أرجوك لا ترحل
أنا محتاج لوجودك يجمع باقي شـــتاتي..!!
أبيك النور أبيك الشمس أبيك الليل أبيك الضل
أبيك أنت لي الدنيا وتكون أخر محطاتي..!!
وإذا تأخرت بجياتي أبيك تنطر أبيك تســـال
ومهما غبت عن عينك أبيك تخاف لحياتي..!!
و إذا ماتت الفرحة وخـــان الوقت و تبـــدل
آبى أيدك تلازمني و تمسح كل دمعاتي..!!
و إذا تحت التراب جسمي بيبقى حبي و يظل
معاك دنياي أنا فيها ومن دونك نهاياتي..!!
أبيك تبكي علي موتي وآبى حزنك علي يطول
وأبيك تذكرني و تذكـــر كل رغبـــاتي ..!
من اجمل ماقرات تحياتي
رد مع اقتباس
المفضلات