كلمات انشودة }يـــايــمــة{ للمبدع صالح الدرازي
حق رسول الله يا يمــة ...وحق علي خير البشر
والحسن والحسين ولده ...فاطـــــــمة تاج الفخر
اقسم عليج بضلعها ... هاللي بالباب انكسر
سامحيني و تعذريني ... قلبي ليج والله انفطر
******
يمه ليته انشل لساني ... و لا نطقت ولا جرحتج
يمه ليت عيوني عميت ... و بقساوه ما نظرتج
ياما سهرتج ليالي ... و ياما بافعالي ظلمتج
و انتي تسقيني بحنانج ... توني يا يما عرفتج
******
و شكثر صرت انا قاسي ... توني حسيت و صحيت
جني لحبج و عطفج ... و لحنانج ما وعيت
ياما عذبتج يا يمه ... و ياما و ياما قسيت
ليت اموت و لا اتعبج ... اه لو تنفع يا ليت
******
يا بني اسم الله على روحك ... يا تعب عمري و سنيني
اشقى و اتعذب عشانك ... لجلك اهاتي و ونيني
انا يا وليدي رويتك ... من نهر روحي و عيني
جنت ارجيك لحياتي ... تكبر و ترفع جبيني
******
يا نظر عيني حملتك ... بروحي احساس و معاني
شلتك بقلبي مشاعر ... شفتك امال و اماني
تحملت لالامي لاني ... ردتك لتالي زماني
ما يهم لو اشقى عمري ... لجلك اتهضم و اعاني
******
يا ندى زهرة شبابي ... روحي جناح الحمام
تدري يا وليدي شكثرها ... بقلبي جراح و سهام
تدري جم انّه في صدري ما يوفيها الكلام
ما يهمني شما يجيني ... بس تظل انت بسلام
اسهر ايامي و سنيني ... و اسرج بدمعي الظلام
بس عشانك يا حبيبي ... تغمض بلحظه و تنام
******
يمه والله سامحيني ... و اصفحي لي ما جنيت
انا لو ادفع حياتي ... لدمعه منج ما وفيت
يا بنــي سامحتك يا روحي....يا ثمر قلبــي ونسيت
لكن اذكر يا غناتي...اني لعيونك شقيت
رد مع اقتباس
المفضلات