لو سمحت ابي توصيل ...تأشيره

[عفاف الهدى]

السلام
كيفكم
موضوعي اليوم عن التأشيره ......وصلنا معاك الى

في القديم هالظاهره كانت واااااجد منتشره ان حريم او رجال يوقفوا سيارات يوصلوهم مشوار

بريال او ريالين اوووو او حتى برحمة والدين
وكانت عمل انساني هالتوصيله وخدمه اتاخذ منها الكثير لما يقول الك الراكب رحم الله والديك
بس في هالزمن قلت هالظاهره
لالالالالا ما قلت
صارت تستخدم في اغراض وسوالف بطاليه
راح اذكر الكم قصة صارت صباحيه يوم العاشر من محرم والى قريبة زوجة اخوي
الهم الرجال ومرته طالعين من الصبح بدري يوم عاشر عشان المره عندها موعد في المستشفى
المهم طلعوا الجماعه متوكليين على الله
وشافوا بالصدفه مره كبيره واقفه تبي توصيل اتشاوروا يوصلوها والا لا بعد مشاورات قالوا بوصلوها رحمة والدين
ووقفوا اليها قالت بتروح بيت ولدها في ....... وودوها وصلوا الى المنطقه الي قالت بها ها وين حجيه
قالت يمين .لا يسار ..لا .....لين ما درعوا المنطقه كلها ......هاحجيه وين بيت ولدش احنا تأخرنا عندنا موعد بالمستشفى قالت ما ادري ما اعرف بيت ولدي بس انت انزل ودق البيبان واسأل هذا بيت ......
قال اليها حجيه انا مانا داق بيوت الناس من الصبح انزلي انتين انا الي عليي جبتش المنطقه والباقي عليش....قالت لا .....ما انزل ....يا بنت الحلال ورايي مشوار قالت ما انزل......عصب الرجال يا مره انزلي لا انزلش قالت ما انزل ...قال اليها انتين محرم عليي كيف انزلش ..قالت ما انزل وتوترت زوجته وهي خايفه....قال اليها راح انزلش غصب وجاء مسكها بينزلها والا هي طلعت سكين من الشنطه اتمكن من اخذ السكين منها ورماها بعيد وهي ماسكه بالكرسي مو راضيه تنزل وزوجته اتصارخ وما احد اليهم من الصبح.....اشوي والا المره ماسكه الرجال من حلقه وفطسته وغاب نفسه وزوجته صارت تضرب راسها بالسياره واتصارخ وما احد اليهم الين جته القوه وقدر انه يرمي المره وركب السياره ومشى وهم مو مستوعبيين الي صار وطيران عالمستشفى الزوجه ما وصلت الا هي منهاره ارتفع الضغط عندها وهي حامل وتوفى الجنيين في بطنها والزوج بعد كم يوم جته ازمه قلبيه واكوا مرقد الى الحين
وكل هذا على حساب رحمة والدين ....بغاها هالرجال الطيب
والقصه الثانيه ان هالمره اتأشر تبي توصيل وقف اليها رجال لبي اتوصلني هالمكان قال ان شاء الله
وصل قال اليها وصلنا انزلي قالت ما انزل الا لما تعطيني 500 ريال والا الم الناس عليك اقول خاطفني
قال اليها ابشري ووداها الى طريق المزارع الي تكثر فيها دوااووين الرجال وخافت قال اليها الحين انزلش لعبه الى هالرجال وقامت اتصيح وتتوسل خلاص اسفه اسفه خلاص
المهم الحين
بتوقفوا تأشيره والا شو

[جمليه]

هذا جاز الوالدين
مشكوره خيه علي الموضوع

[النظره البريئه]

ياكثر هالمواقف اللي تصير
الله يشافيه ان شاء الله
هذا بدل ترحيمة الوالدين
تسوي فيهم كذا
لاحول ولاقوة الا بالله العليي العظيم
ناس مافي قلبهم رحمه

[عفاف الهدى]

هذا جاز الوالدين
مشكوره خيه علي الموضوع

مشكوره عالمرور

[عفاف الهدى]

ياكثر هالمواقف اللي تصير
الله يشافيه ان شاء الله
هذا بدل ترحيمة الوالدين
تسوي فيهم كذا
لاحول ولاقوة الا بالله العليي العظيم
ناس مافي قلبهم رحمه

اي والله الله يشافيه بحق عليل كربلاء

[LUCKY]

طبعاً انا لمااكون فاضي و اشوف وحده كبيره في السن اوقف و اوصلها
بس من زمان ما وصلت احد

و اشوف خاصه الحريم الكبار في السن يطلبوا تأشيره
و احس انها خدمه انسانيه

بس لو كنت في غير منطقتي مستحيل اركب احد

و اتوقع ان هذة الحالات و احده من مئات بس ما اقول انه مافي ناس خاصه في هذا الزمن يستغلوا مثل هذة الاشياء لنوايا غير سليمه

و اتمنى الشفاء الى الرجل و ان يقوم سالم بإذن الله و ان يعوض الله عليهم و يمكن موت الجنين كان فيه حمكه إلهيه ممكن لو عاش يكون مريض او خلاف ذالك بعدين هذة رزقهم و الله يعوض عليه بالذريه الصالحه بحق محمد و ال محمد

تحياتي

[عفاف الهدى]

طبعاً انا لمااكون فاضي و اشوف وحده كبيره في السن اوقف و اوصلها

بس من زمان ما وصلت احد

و اشوف خاصه الحريم الكبار في السن يطلبوا تأشيره
و احس انها خدمه انسانيه

بس لو كنت في غير منطقتي مستحيل اركب احد

و اتوقع ان هذة الحالات و احده من مئات بس ما اقول انه مافي ناس خاصه في هذا الزمن يستغلوا مثل هذة الاشياء لنوايا غير سليمه

و اتمنى الشفاء الى الرجل و ان يقوم سالم بإذن الله و ان يعوض الله عليهم و يمكن موت الجنين كان فيه حمكه إلهيه ممكن لو عاش يكون مريض او خلاف ذالك بعدين هذة رزقهم و الله يعوض عليه بالذريه الصالحه بحق محمد و ال محمد

تحياتي

صدقت اخويي ابو حسين
هالناس يخربوا على ناس صحيح محتاجه التوصيل
وعالشخص وزوجته الله يعوض عليهم
واكيد في حكمه اليهم
والله يفرج عنه يا رب بحق عليل كربلاء

[شبكة الناصرة]

السلام عليكم ورحمة الله وبركاته ..

للاسف هذا هو الحال ..

وعلى الموقف الثاني ..

مره واحد من الشباب رايح العمل ..

طلع يسخن سيارته ودخل ..

مارجع الا داخلها وحده ..

تقول ليه جيب كل الا في بوكك والا بصرخ وبفضحك ..

قال ليها بوكي داخل بروح اجيبه ..

وراح جاب امه .. وسوت فيها الفعايل ..

والله يعينكم على هالناس ..

يعطيك العافيه ..

كل المودة

[عفاف الهدى]

تشكر استاذ شبكه على الحضور في متصفحي
وفعلا صايره غاده مو حليوه
والرجال اخذوا من لبس العباءه في هالمواقف مدخل
لأغراضهم الشخصيه
مثل صاحبنا مع زوحته شاكين ان الي ركبوه رجال لابس مره
من قوته لما خنق صاحب السياره
والله الدنيا ما بها امان

[اسيرة شوق]

أعوووذ بالله من الشيطان واهله


الحين هذولا ليش يسوا كذه




احسها وقاحه

تعال جيب بوكك

تعال جيب هذا وماادري ويش

استغفر الله

وحنا مانسوق .. أف

يعني حتى لو احد طلب مني توصيل اوصل بس إذا كنت فاضيه .. اللي يسمع اني اسوووق

ولكن إذا شفت احد من شكلة مو أدمي ماأركب


يعطيك العاافيه ع الطرح الحلوو ....


ماعدمناك

تحياتي

[عفاف الهدى]

والله يعطيش العافيه على المرور الجميل اسوره

[أبو سلطان]

الأخت عفاف أنا عندي سيارة من أوائل السبعينات الميلادي

و كنت فعلا أوصل ننسوان كبار في السن و خصوصا بأوامر أم العيال لكن هم فيه بعض المضايقات

كسؤالها و هي نازلة: بتعود عليي بعد ساعة اترجعني البيته؟

لكن بسچين لا ماكو

و شكرا

[عفاف الهدى]

هاهاهاهاها
مداخله حلوه عمو
وابويي الله يرحمه كان سايق بارامكو
واتوقع والله اعلم الك معرفه سابفه به
لجذورنا الي في البحاري
الله يعطيك العافيه عمو

[نبض قلب]

الحين الكبار في السن صاروا هم اللي تطلع منهم البلاوي أعظم من المراهقات ..

يعني الواحد يفكر في الموضوع يقول خدمه إنسانيه ،، الواحد يسوي خير وينقلب عليه ..


الله المعين بس ..


تسلمي خيوه على الطرح الموفق

دمتي بحفظ الباري ...

يعطيش ربي ألف عافيه .

تحياتي
نبوض

[عفاف الهدى]

اتخسفت الدنيا خيو
تشكري عالمرور