بسم الله الرحمن الرحيم


والصلاة والسلام على اشرف الخلق محمد وعلى ال بيته الطيبين الطاهرين وعجل فرجهم يا كريم


السلام عليكم ورحمة الله وبركاته


النقاش بيكون عن التحايل على الاحكام الشرعية


لفت انتباهي ان الكثير من الناس يتحايل حتى على الشرع

ليش ؟؟؟ مدري


مثلا حكم الخمس

يكون مخصص له يوم في السنة , وقبل لا يجي اليوم هذا يقوم يصرف امواله عشان ما يخمسها


يتحايل حتى على الله سبحانه وتعالى

الاموال الي عندنا كلها من الله ولله ومحاسبين عن كل فلس نصرفه


بذكر موقف صار لقريب اعرفه , محدد له يوم يطلع خمس , وقبل لا يجي هاليوم قام هو واعطى زوجته 800 دينار مهرها الي تسلفه منها


وبعد ما يمر يوم الخمس يرجع ياخذه منها . عشان بس ما يخمسه

و افلوسهم هاذي راحت بشكل سريع ومن غير ما يدرون شلون صرفوها ومتى نصرفت

لكن هل من معتبر ؟؟؟ هاذي المصيبة ما في معتبر ولا حتى معترفين بخطأهم



او واحد ثاني يروح يسلف هالمبلغ لشخص ثاني ويرجع ياخذه بعد مرور يوم الخمس المحدد له



شلي بينقص منك لو انك دفعت الخمس ؟؟


لو الواحد ركز شوي بيشوف ان الي يدفعه خمس او زكاة او صدقة وتكون نيته سليمة ولله فقط

الله سبحانه وتعالى يعوضه اضعاف الي دفعه


وبهالحركة يخدع منو بالضبط ؟؟

يخدع الله سبحانه وتعالى ؟؟


ما يخدع الا نفسه

ودام انك ما تبي تخمس ليش محدد لك يوم .؟.

بس عشان يبرئ ذمته



فالله سبحانه وتعالى عالم ما في القلوب




ارائكم