................................................
ريناد اللي كانت مبسوووووطه ويه صديقتها زهره: يلا الحين بروووح تأخرت وخالي قال مابيمر عليي إذا تأخر واجد
زهره: يوووووووه رينادوه تسخررررري تو الناس, قعدي تعشي ويانا له
ريناد: ماحد بيوديني بعدين ماتفهمي, لو جت فطموووه جان أقلها عادي لو تأخرت لإن برجع وياها
زهره: لا تذكريني فيها هالحماااااااااره, قاهرتني اقول ليها تعالي تقول (وتقلد صوتها) بنات عمتي هني جيفا اخليهم واجي
ريناد: هي من زمااااااااان حماره توش تدري عنها
زهره بنفعااااااال: على طاري حموريتها باقووووووول لش سالفه خطيره
ريناد وتفاعلت: وشووووو قولي بسرعه
زهره وغمزت مبسوطه: طايحة الحظ فطموووه تحب
ريناد وفققت عواينها: هاااااااااا
زهره: ههههههههههههههههههههههه ايه تحب الجحشه
ريناد ومفهيه: تحب من؟؟؟؟؟؟؟؟؟؟؟؟؟؟؟
زهره بفرحه: ماتتوقعي من هو؟؟
ريناد ورفعت حاجب ودقات قلبها سريعه: من هو.!! يعني تحب ولد!!!!!!!!!!!!!!!!!!!!!!!!!!!!!!!!!!!!!!!!
زهره ونقعت ضحك: هههههههههههههههههههههههههه اجل بنت أكيد ولد انتين تعرفي فطموه ماتشتهي حُب البنات
ريناد بهمس وقلبها طبول: مـن!!!!!!!!!!!!!!!!
زهره: هههههههههههههههههههههههه علوه أخوي تصوري طلعوا يحبوا بعض الملاعنه من ورانا بس اني عرفت و.......(وهني بس غاب صوت زهره عن مسامع ريناد لإنها أنصدمت, ودخلت بغيبوبه)
معقوووووووووووووووووووووووووووووووووله الإنسان اللي حبيته يحب ومييييييين بنت خالتي وصاحبتي الروح بالروح لا لا أكيد احلم, أكييييييييييييييييد زهره تتوهم أكيييييييييييييييييييييد مستحيل فاطمه وعلي لا لا لا لا لا لا لا مستحيل لااااااااااااااااااااااااااااااااااااااااااااااااا ااااااااااااااااا
(صعب حُب إنك تكِن لـ شخص محبه وتنصدم إن أقرب شخص لك يبادله الشعور وبينهم علاقه وأنت في غفـــله ماتدري)
زهره وأنتبهت على سرحان ريناد ودموعها الطايحه, قالت بخوف: رينادوووه ويش فيش
ريناد اللي نزف قلبها بعمق كبييييييييير: اوكي اني رايحه (وأخذت جوالها ودقت على خالها وقال ليها إنه جاي بالطريق)
زهره بخوف: ليش تصيحي ..!!!
ريناد وبينت إنها طبيعيه: لا بس تفاجئت من فطموه الحماره ولاتقول لينا, يعني أخر شي توقعته إن فاطمه تحب عشان جذي انصدمت
زهره وفاتت عليها السالفه: ههههههههههه واني على بالي فيش شي ثاني, يلاااا خلنا بس نلتقي والله لأدوخها لين ماتعترف ليي بحبها باجننها تجنن الهبله
ريناد ابتسمت بغصه بس بدخلها جرررررررررررح مررررره عميق وينزف بقوووووووووووووووووووووووه
................................................
هُنا فقط أنتهى الجزء بالصلاة على محمد وآل محمد
إلى المُلتقى....
يلا توقعاتكم هعهعهع
من هذا عبدالله ووش قصته وليش كذب بحقيقة شخصيته على إيمان وهل هو صاق أو كذاب؟؟
وريناد كيف ردة فعلها ووش راح تسوي ألحين بعد ماعرف الحقيقه المُره؟؟
هل راح تستمر بـ حُبها لـ علي أو رآح تنسحب؟؟
ووش راح تكون علآقتها مع فاطمه بعد اللي عرفته؟؟
هل رآح تبتعد ريناد أو راح تبقى وتعاند فاطمه بحُبها لـ علي؟؟
}{ووش من أحدآآآث تنتظرنا}{
راح نشوف في الجزء الجديد
تحياتي
رد مع اقتباس
المشاركة الأصلية كتبت بواسطة المحرومه
المفضلات