صُدْفَه خُلِقَتَ لِتَجْمَعُنَا

[المحرومه]

.................................................. ...
جلست ايمان في الصاله بعد التنظيف لإنها حست بشوية تعب وجلست ترتاح إلا وتلفون بيتهم يرن قامت بتثاقل وبدخلها تتسائل من اللي متصل هالحزه
ايمان: ألوو..!
المتصل: السلام عليكم
ايمان ومتفاجئه: وعليكم السلام, نعم..؟
المتصل: لوسمحتي علي موجود..؟
ايمان: لا والله حالياً هو في العمل ويجي بحدود الساعه 1 الظهر
المتصل: طيب أختي ممكن تعطيني رقم جواله.!
ايمان: إيه تفضل (05××××××××)
المتصل: أوكي شكراً مع السلامه
ايمان: لحظه أخوي ممكن الإسم عشان أقوله <<آبو الفهايه والتنك ياشيخ هع هع هع
المتصل بستنكار: مايحتاج أختي أنا راح أتصل فيه على جواله
ايمان بإحراج لدرجة حمّر وجهها: أسفه مع السلامه (طرااااااااااااااااااااااااخ) <<سكرت السماعه
بعد ماسكرت السماعه حست بكبر غبائها وضربت رأسها وهي مره متفشله
ايمان: ياربيييييييي والله أثبت اليوم اني ذكيييييه حددددي اففففففففففف
ياربي اللقافه تطلع بأوقات كلش مو عدله (وركبت غرفتها وهي تلوم حالها)
....................................
علي ويحوس بين الأوراق: دووووووور عدل, أكيد موجود مني مناااااااااك يعني وين بيروحوا
السكرتير: مافي شي أستاذ علي, دورت بكل مكان ومالقيت شي ابداً
علي وعاقد حواجبه: يعني وين بيروحوا.؟؟ أبتلعتهم الأرض مثلاً
يالله ألحين انا ويش أسوي ويه عمي.؟؟؟
السكرتير: انشالله نقدر نلاقيهم قبل أنتهاء الدوام
علي: يلا خلنا نشوووووووف وين ذلفوا
وبينما هم قاعدين يدورو رن جوال علي رقم غريب وعلطول رد عليه
علي وقاعد يدور وهو يكلم: ألو مرحبا
المتصل: علي!!!
علي ووقف البحث وهو عاقد حواجبه: ياهلا معاك علي بغيت شي أخوي؟؟
المتصل: علوووووووووه يالدلخ وحشتنييييييييييييييي
علي بستنكار: نعم!!!!!!!!!! , انت تعرفني!!!!!!!!!
المتصل: أنا أسامه الـ........, اللي كفخنا مدير الثانويه لإن أخذنا سيارته وقعدنا نفحط فيها, ذكرتني وإلا أزيدك بالتفاصييييييييييييييل كركركركركركركركر
علي بفرحه: اسااااااااااااااااااااااموه (ووقف) يالخااااااااااايس وينك أنت مختفي من زمااااااااااااااااااااان عنك من ايام الجامعه ماشفتك وانت تدرس بره وااااااااااااال ايام قديمه يالمغبر ههههههههههه, وش اللي رماك عليي الحين؟؟ أنا قلت إنك خلاص بتنساني
اسامه: هههههههههههههههههههههههههههههه رجعت من شهرين بس وكنت بتصل عليك بس أنشغلت مع الأهل وأول مافضيت علطووول دقيت عليك, وحشتني عدل يا أسود الوجه خخخ
علي وفطس ضحك: هههههههههههههههه بعدك أنت على هالكلمه والله شكلك بتسود وجهي عن حق وحقيق
اسامه: وهذا اللي راح يصير خخخخخخخخخ, إلا قولي شخبارك وشخبار أيامك
علي: والله الحمدلله بخييييييييير, وانت كيف العزوبيه معاااااك
اسامه: هههههههههه خبرك قديم وأنا هناك عقدت على بنت عمي
على بفرحه: والله حركااااااااااااااات أيا الخاين ماتقول خويي وابنتظره
اسامه بمزح: لو أنتظرك جااااااان عنست في بيت أبويي خخخخخخخ
علي: هههههههههههههههههههههههههههه الله يرجك
(وظلوا سوالف وعلي وعد صاحبه اسامه إنه يلتقي معاه ويعزمه على طلعه محترمه)
.................................................
حسن بعصبيه: أقووووووووووول أنقلع من خلقتي لا أرتكب فيك جريمه ترى مانا فاضي لك, والأفضل إنك تنسى أن عندك صاحب أسمه حســـن
أيمن بخبث <<صاحب حسن: شدعوه عاد شدعوه أنا ويش سويت لك عشان أحصل منك هالمعامله..؟؟
حسن وعصب أكثر: لا أبد ماسويت شي, والسيديات الوسخه , الصور والفيديو اللي زي وجهك, هذا كله ولا سويت شي.!!!!!!!!!!!!!
أيمن ببرود: حسون وش فيك هذا يسموه تطور, ليش منته راضي تتطور, تمبى تعيش بالتخلف يعني..!! ترى كل الناس تحب هالشي إلا أنت صاير متخلف وااااجد
حسن ورفع صوته: أنا راااااااضي بالتخلف هذا وش عندك بعددددددد, ويلا انقلع لا اسوي وجهك شوارع من الضرب
ايمن وعصب: تراااااك مصختها وانا ساكت عنك...!!!!
ألزم حدودك وعن الغلط فاااااهم
حسن وتخصر: الظاهر ماحد كفخك اليوم ومشتااااااااااااااق للضرب والعجان
ايمن ورفع صوته لحد ماعنده: تخسسسسسسسسسسسسسي يالحيوان
وهني بس مسك حسن قميص ايمن وبدت الشبقه عظيمه بينهم وشدخ ومشادخ والسب عامل عمايله خخخخ
جاسم سمع أصوات رفيعه وطلع يشوف ولقى شبقه بين أخوه وايمن وعلطول راح ليهم :هييييييييي وش فيكم
(بس أبد ماحد رد عليه ومندمجين بالصراااااااااخ والضرب)
جاسم وعصب حددده: أكلمكم أنااااااااااااااااا (وشدخهم كل واحد بعيد عن الثاني) (وكمل كلامه) ويييييييييش صاااااااااااااير ليش كل هالشبقه
حسن ويمسح الدم من على بوزه وينافخ: أسأل هالمحترم هذا
ايمن: انا ماسويت لك شي فاهم لا تقعد يقط مصايبك عليي
حسن وتخصر: لااااااااا احلف
جاسم وعصب من جديد: حســـن قولي ويش صاير!!!
(وعلم حسن اللي صار وياه مع ايمن بالحرف الواحد)
هني جاسم تنططت الشياطين في وجهه وراح لعند ايمن ومسكه من زنوده بكل قوته وصار يهزء فيه: أيا النذذذذذذذذذل تمبى تخرب أخويي يالحيوان
ايمن بخوف بس ضبط نفسه: جذاااااااااااب أخوك جذاااااااب أنا ماعطيته شي
جاسم: أسكت يلاااااااااااااا وأنقلع من قدامي لا أرتكب فيك جريمه, أخويي مايجذب يالجحش (وصرخ صرخه) أنقلع يلاااااااااااااااااااااااااااااااااه (ودزه)
ايمن وماسك زنده لانه يألمه من ضغط جاسم عليه: أوكي أنا ليكم يا أولاد الـ ............. <<قال أسم عايلتهم
جاسم وقام يصارخ: انقلع ولعنة شكلك ياالخايس يلاااااااااه
(وراح عنهم ايمن ركيض)
حسن ومنزل رأسه: أسف جاسم, ما كنت أدري أن صداقته وسخه
جاسم: ماعليك أخوك ولاتشيل هم, أصلاً انت باللي سويته كبرت بعيوني, حسيت أنك أخويي بأفعاله وأخلاقه العاليه, خلك جذي علطوووول, ولا تعطي فرصه للشر إنه يخربك
حسن ببتسامه: أكيييييد أنا تربية أمي وأبويي, أعرف أميز بين الصح والغلط
جاسم وحط إيده على كتف أخوه وابتسم: هذا عشمي فيك يا أخوي الصغير, هاااااااه ويش رأيك تروح ويايي نداور بالسياره وبعدين نروح الكورنيش شوي ونرجع
حسن بفرحه: أكيد ماراح ارفض يلااااااا
(وركبوا السياره ومشوا)
.....................................
الجده قعدت من النوم وراحت المطبخ علطول
أنتبهت لوجودها ايمان وراحت ليها: وش حالش أماه
الجده وماليها زاغر: زينه
ايمان: تعالي أماه الصاله باحط لش قناة فورتين اذا تمبي وباجيب لش حليبه
الجده: آهو وديني مافيني شده افتح التفلزيون
ايمان: هههههه يلا اماه
(ودتها الصاله وفتحت ليها التلفزيون على القناة وانواع الإندماج صار ويه أم صالح)
وهاللحظه دخل علي سرحاااااااااااااااااااااااان ومره متضايق وقاعد يكلم نفسه: وين راحوا الأوراق, معقوله أنا ضيعتهم..!!
بس أنا متاكد إني عطيتهم ويااااااااه بيدي, ياربي وش هالمصيبه افففففففففف
الجده: ويش عندك تتحرطم بروحك
علي وانتبه لكلام جدته: لا مافيني شي اماه بس تعبان وبروح أريح شوي
(وراح غرفته وفكره صابنه كله على هالأوراق ونفسه يعرف وين رااااااااااحت وويش اللي ضيعها)
..................................

[المحرومه]

..................................
العصر في بيت العمه ابتسام (أم عبد العزيز)
اللي كان جالس بالصاله أم عبدالعزيز ومحسن وهنادي

محسن ويكلم أمه: أماااااه وينهي ندوه صاير ليها أكثر من أسبوع ماتقعد ويانا ولا تتغذى حتى ماتسولف, جه مريضه..!!
أم عبد العزيز: وش دراني عنها أني, بس أمس سألتها وش فيش قالت رأسها كله يعورها وماتحب تقعد ويانا وفروحوه موجوده لإن تقول بيزيد عليها
محسن ورفع حاجب: الله يالدنيااااااا, الحين ندوه المزعجه هالهداره دي اللي صراخها وهدرتها توصل لأخر الدنيا الحين ماتحب الإزعاااااج, سبحان اللي يغير ولا يتغير
هنادي: افففف محسنوه خلنا نروح بيت خالي والله ملل
محسن: لإن أنا فاضي لش, مكلف بمللش أنا, انقلعي خلي عزيزوه يوصلش
أم عبد العزيز: وانته ويش عندك ماتوصلنا هيه, وش ناقصنك, سياره وعندك وش من عذر بعد..؟؟؟
محسن: أماااااااه أنا مواعد أصلاً أصدقائي أبطلع وياهم, تمبيني أكنسل الطلعه عشان ست الحسن والدلال هناديوه والله ماسويتها
هنادي وتخصرت: ماعليه لكن اللي يعطيك وجه هالمره ويسوي لك باستا, ارويك لكن يامحسنوه الزفت
محسن تنرفز: مااااااااالت عليش من زينها باستا جب جب جب اللي يشوفش يقول الشيف رمزي
هني جئ عبدالعزيز ودخل عليهم الصاله: السلام
الكل: وعليكم السلام
هنادي بمصلحه: هلا وغلا هلا بالغالي هلا ومرحبا بسندي بأخوي الكبير, عساااااااك على القوه يالغالي (وتناظر محسن تقهره)
عبدالعزيز وجلس وياهم: هلا بيش, ويش هالإستقبال الحار أكيد وراش مصلحه (وغمز ليها)
هنادي وحكت رأسها: ايه امبى منك شي (وبتردد) امباك توديني بيت خالي
عبد العزيز وضحك: هههههههههههههههههههه كل هالمصلحه وهالإستقبال عشان توصيله أما أنش نكته هههههههههههههه جان طلبتيها بدون ماتتعبي نفسش بهالف والدوران, خلاااص عشر دقايق وأجهزي
هنادي وفرحت: يسسسسسسسسسسسسس
فرح اللي كانت تلعب يو اس بي: اني بأد بالوه (اني بعد باروح)
هنادي: لا تحلمي واجد انجبي ما بأخذش
فرح وبرطمت: ليث (ليش)
هنادي: لا والله مافي قعدي ويه امي مالي شغل بش
فرح وخلاص على وشك دموعها تطيح: امبى ألأب ويه هثن (امبى ألعب ويه حسن)
هنادي وتنرفزت: انقلعي منااااااااااااااااك فاضيه لش
محسن: هي ترى مافي روحه اذا ما أخذتي فروح
عبدالعزيز: ليش ما تمبيها تروح وياش..؟؟
هنادي بقهررر: لإن باحط دوبي ودوبها: فرح عيب, فرح هذا غلط, فرح لاتسوي شطانه, فرح وفرح واني بصراحه أمبى أروح أخذ راحتي مو أقول جوزي وهوني
فرح وطاحت دمعه من عيونها: أوأدث ما أثوي ثتانه (أوعدش ما اسوي شطانه)
أم عبدالعزيز: يلااااا عاد هناديوه أخذي أختش وياش
هنادي: افففففففففف انزين (وراحت فوق تسأل ندى إذا بتروح وياها)
.......................................
في بيت أم مازن..
كانت ريناد قاعده بغرفتها وضااااايق خلقها موووووت
ماحد معاها أمها ومستحيل بتقعد وياها لإن بكل بساطه مستحيل تفتح وياها مواضيع بنوتيه وهي مو من عمرها فـ ماراح تستفيد شي
ريناد: اففففففففففففففففففففففففففف والله زهق لو مدرسه أهون أقلها نقعد مع بشـــر ونسووووولف, ياربي ويش هالعيشه دي, عطله على الطل الناااس تسافر وتروح وتجي واني منلطعه هنــي, ماقول غير مالت عليي
ماليي إلا أرووووح لزهرو اني وعدتها أروح ليها
خلاص ابقوم اتجهز وبتصل لخالي رضي يوصلني

(( ابقوول لكم نبذه مختصره عن الخال رضي أخو أم جاسم وأم مازن
اسمه رضي عمره 39 سنه متزوج وزوجته مره طيوبه وحساسه بنفس الوقت أسمها سوسن وعمرها 31 سنه طبعاً ماعندهم أولاد وصار ليهم متزوجين فوق الـ 8 سنوات بس الله ماكتب ليهم وهم صابرين ومتحملين وينتظرون فرج رب العالمين عليهم, هو المسؤول عن عائلة أم ريناد بما إنه ماعندهم أعمام, طيب ومتفاهم ويحب ريناد موووت ويعتبرها بنته, أما مازن فما تعجبه حركاته ولا حتى أسلوبه وتصرفاته ودائماً ينتقده بس يحبه ويدعي له بالهدايه ))

ريناد أخذت جوالها ودقت على زهره
ريناد: هاااااااااا يالخايسه ياللي ماتستحي على وجهش
زهره: بل وش صاااااير
ريناد: ماكأنه عندش صديقه تسألي عنها, (وقالت بمزح) ياخساااااااااارت شبابي اللي ضيعته عليش انتين وفطمووووووووووه الخايسه
زهره من سمعت كلامها فطست ضحك: نايبه اللي يشوفش عجوووووووز بينش وبين الموت شعره, وبعدين يالخايسه أشوفش انتين اللي حارقه جوالي وإلا تلفون بيتنا أتصالات
الجده وفلصت زهره بما إنها قاعده جنبها: جه ويش فيها العجوز هيه مو ماليه عيونش جــــــــه
زهره وشالت الجوال: هداويه أماااااه ويش فيش أنتين, أني ماقصدش اف (وحطت جوالها من جديد) هااااااااا ويش تمبي
ريناد: ماعلينا ويش عندش بعد نص ساعه هع هع هع باجي لش
زهره وفرحت: قولي والله حركاااااااات خلاص أنتظرش
(وصارت بينهم سوالف وعلي محترق ومستانس على إن يفتكر فاطمه هي اللي بتجي بيتهم وبعدها سكرت)
زهره بفرحه: ايمانوه سوي ليي كيكة بلييييز بتجي صديقتي
علي ونط في السالفه: أي صاحبه فاطمه لو ريناد..!!
زهره بخبث: فطوووم
ابتسم علي ابتسامه عررريضه وهو مايدري بنوايا أخته
زهره وفيها الضحكه: اووش أقصد رينادوه الدبه
علي ورفع حاجب: اهاا اوكي أنا بطلع غرفتي بنام ليي شويات (وراح)
زهره هني خلاااااااااااااص تأكدت من مشاعر أخوها 100% بس باقي تتأكد من فطموه نفسها
..............................
هنادي وتحاول في أختها تروح وياها
ندى بعصبيه: اففففففف مابروح
هنادي: إلا مافي بتروحي
ندي ووصلت حدها: أقولش مابروح غصب هي
هنادي بخبث ومكر: يمكن تشوفي الحُب هناك بالغلط
ندى برتباك: أي حُب واي خرابيط
هنادي ودزتها: علينااااااا ندوه وجسوم وين راح (وغمزت ليها) ترى مكشوفه انتين على فكره لاتفتكريني هبله ما أفهم عليش, من يوم أحنا صغار وانتين تعشقيه وأخر مره يوم يجو بيتنا ولما نزلتي بالغلط وشافش وشفتيه كيف كانت حالتش وقتها, كل هذا واي حُب واي خرابيط
ندى وعصبت بقوه: هناديوه انقلعي عن وجهي بلا تفاهات
هنادي بترجي: تكفي ندوي تكفــــي طلبتش مابي اروح بروحي أمباش ويايي
ندى وصعب عليها أختها: أنزين انقلعي بقوم ألبس
هنادي بفرحه: اووووووووووكي (وطلعت)
....................................