......................................
زهره اليوم مستخفه حدددددددددها ومستانسه وناسه مو طبيعيه
قاعده بالغرفه ومشغله الأستيريوا على الأغاني وترقص وتهز <<تقولوا قاعده في ديسكو
علي سمع صوت الأغاني وراح لغرفتها وفتح الباب وفتح عيونه من هبالتها وتخصر: هييييييييييييييييييييييييييي وعمى انشالله بلا هبل فضحتينا
زهره وتضحك راحت جرت أخوها ودخلته وبالوسط صارت ترقصه وهو يضحك عليها وشوي وشوي عجبه الوضع وصار يرقص ويحطمها بالرقص واندمجوا أثنينهم وكل واحد يطلع مهاراته بالرقص
ايمان كانت جالسه تحت تنظف سمعت صوت اغاني طالع وعصبت على زهره عشانها مرفعه الصوت حددددده وركبت الدرج وهي متحلفه في أختها لإنها دايم تفضحهم بالصوت العالي
ويوم وصلت للغرفه تفاجئت بوجود علي بعد وقاعد معاها ومعاوننها في الرقص
ايمان ورافعه حاجب: أستخفيتوووووووووووووووووووووو؟؟
علي من شافها علطول راح ليها ومسكها من ايدها وصار يرقصها بس ايمان ماتحركت ولارقصت وظلت تضحك عليهم وتركت ايد علي وراحت قعدت على السرير وتناظرهم وسكرانه ضحك عليهم
ايمان وتضحك: ياعليييييييييييييي فضحتونا أثنينكم خلاااااااص نزلوا على الصوت
علي وهو يرقص ومندمج: خليناااا نستانس ياشيخـــه
زهره: أي والله يوووووووووم بالعمر إذا طلعت طيورنا جذذذذي ههههههههههههههههههه (وقعدت ترقص وتحر ايمان وايمان تضحك عليهم وعلى خبالهم)
وبعد نص ساعه تعبوا أثنينهم وعلطول تسدحوا في الأرض وصاروا ينافخوا ويضحكوو على روحهم كيف كانوا وايمان ضررررب ضحك عليهم
........................................
في بيت أم عبد العزيز (ابتسام)
أم عبد العزيز وفرحانه: حيالله مرت أخوي هدويش من زمااااااان ماجيتينا
أم جاسم ببتسامه: الله يحيش, بعد تعرفي أشغال الدنيا وأختبارات الجهال بعد يعني شغلت الواحد
ساره ورفعت حاجب: اماااااه احين أحنا جهااال..؟
ام جاسم وتضحك: هههههههه وانتون ويش عجل؟؟
ام عبد العزيز: ههههههههههههههههه
هنادي وتضرب كتف ساره: يلا خذ صرتي من الجهال (وفقعتها ضحكه) هههههههههههههههههههههه
ساره ورافعه حاجب: سكتي لا ألطخ على وجهش يالمعفنه
(ورن جوال ساره ولما طلعته وشافت المتصل حست بإرتبااااااااك فضيع وتوتر وحتى إن بطنها عورها)
أم جاسم وحست ليها: ويش فيش, جه منهو متصل عليش؟
ساره وتعلثمت: هذي هااه.... ايه احلاموه صاحبتي
أم عبد العزيز: عادي غناتي ردي عليها منتين في بيت غرب
ساره خلت جوالها سايلنت وحطته في شنطتها: لااااا مابي أرد, إن رديت عليها ماراح أسكر وهي هداره ولعايه يعني مافي أمل تسكر أقلها نص ساعه
أم عبد العزيز: وااااااااال عاد هو جوال مو تلفون عادي تهدر على راحتها
ساره: وش اسوي بعد هذا طبعها
هنادي: ايه أحين مافي تلفون كله يستخدموا الجوالات
أم جاسم ورافعه حاجب مستنكره: ياحلات التلفونات للضروره مو انتون جوالات وهدرتكم فاضيه صواقع
ساره وارتاحت داخلياً لان محمد كان المتصل, وااااااااااه الله يرجك ياحمود بغيت توديني في داهيه
هنادي وقطعت سرحانها: ساروه قومي فوق نروح غرفتي
ساره: أوكي
فرح وزعلانه: واني بالوح ياكم (وبرطمت) (واني باروح وياكم)
ساره وباستها: ياعمرررررررري أكيد تعاااالي
هنادي بإعتراض: لا مافي فرحوووه أكيد بتسوي شطانه
فرح وتغبنت: اني ماثوي (اني ماسوي) (وطاحت دمعتها) اني ثاتره (اني شاطره)
ساره وحضنتها: ياقلبي خلاص لاتصيحي, ماعليش من هنادي, بأخذش ويايي
ام عبد العزيز: يلا عاد هنادي أخذي أختش لا تقعد تسوي ليي وقايع على أنها ماراحت وياكم
هنادي وتتحركم: اففففففف ناقصه اني (وتكلمت بصوت عالي) يلااا همشي فرحوه (وركبوا ثلاثتهم)
......................................
وعاد هني النسوان ضررررررررب حش وهدره على سوالف الفريق من فلانه تزوجت وفلانه ولدها جذي وفلانه رجلها أقشر وفلانه راحت هالسوق وفلانه رجلها طلقها عشان هالسبب وعااااااااااااااااد تعالوا أسمعوا خخخخخ
.....................................
جاسم من ورى الباب ويدقه: أحم يالله يالله
أم عبد العزيز وفرحت: خش مافي احد, خش غناتي
جاسم وهو داخل ببتسامته: السلام شحالش عمه (وباس رأسها)
ام عبد العزيز واستانست: هلاااا بالغالي ولد الغالي وعليكم السلام بخير بشوفتك ياقلبي (ومسكت إيده وقعدته جنبها)
جاسم ببتسامه: من زماااااااان ماشفتش قلت اجي أسلم عليش, انشالله بس ماقومت البنات
أم عبدالعزيز: لاااااا ماقومتهم ولا شي اصلاً هم فوق مو هني, وبعدين لويش قاطعني صاير ليي مقاطع كأني بضاعه أمريكيه
جاسم وضحك: هههههههههههههههههه لا شدعوه عمه بس تعرفي جامعه وهياته ويه الشباب وإلا انتين في بااااالي
أم عبد العزيز: ايه شلخ عليي
أم جاسم: ههههههههه لا والله صحيح أني يا أمه ماشوفه إلا قليل من هالجامعه
أم عبد العزيز: جه وينهم عبدالعزيز ومحسن ماشوفهم جو وياك يسلموا على زوجة خالهم
جاسم: عزيز ماشفته اصلاً من جيت لإن شكله طالع ومحسن جئ له صاحبه وقعد وياه
أم عبدالعزيز وتفشلت: لعنته الحماااار يتركك ويقعد ويه صاحبه هالخايب..!
وأبو عبد العزيز وينهو طالع..؟
جاسم: عااااااادي عمه جه انا غريب لو تركني وراح لصاحبه, شدعوه عاد البيت بيتي وانا جيت ليكم دكو, ايه طالع مر عليه جاركم وراح وياه عشان مزرعه مادري ويش يعني جذي
أم عبدالعزيز وصحيح تفشلت: ياعليييييييييييييييي هذولا اللي يفشلوا وتركوك بلحالك بعد اللي مايقدروا
جاسم ومسك ايد عمته: عااادي عمه أنا مانا غريب..!
(وصاروا يسولفوا ويضحكوا وطبعاً جاسم ماخلاهم في حالهم وضرب نكت ليهم وهم متفجرين ضحك عليه)
.................................................
رد مع اقتباس
المفضلات