...........................................
بالليل:
في بيت أم مازن
البيت يعمه الهدووووء, كانت بسيط جداً من أثاث ومن كماليات ومن ديكورات ويغلب عليه اللون البني والبيج, ناااعم لأبعد حد, مستواهم المادي جداً بسيط عشان الوالد متوفي من زمان ومازن مايشتغل والطريقة الوحيدة اللي تسد طلباتهم وتعيشهم هي إن أم مازن عندها عمارة فيها شقق ورثتها من رجلها المرحوم الله يرحمه وصار مصدر المعيشه لهم ويسد إحتياجاتهم وهذا غير راتبه حق التقاعد لإنه قبل مايموت تقاعد وبعدها بسنتين توفى يعني كان كبير شوي في السن, مع إن أبو جاسم بعد مو مقصر ويعطيهم مبلغ حلو كل بين فترة وفتره عشان لايحسسهم بإنهم أقل مستوى من غيرهم..
أم مازن كانت طالعه بالعزيه ومازن بعد طالع وبالبيت بس ريناد, قاعده ومستمله حدددها وكل شوي ماتغير في محطات التلفزيون ومو لاقيه شئ يسليها
ريناد بضجر: أفففففففففففففففففف ياربي وش هالحاله مافي إلا أني في هالبيت
لو أدري إن السالفة جذي إن كان رحت لفطموه أو زهروووه بدل ماقعد مع الطوف وأكلم روحي
وفي هذي لحظه دخل مازن الصاله وهو مروووق على الأخر, وقاعد يدندن أغنية ماجد المهندس " أقدر"
(اقدر اتحمل كل شي يوقف دمي وما يمشيوخل عيني تزاعل رمشي وخل بيه كل شي يصير لكن من تبعد عني احس روحي انفصلت مني غيابكعني يجنني ما اعرف دربي وحيد)
مازن وأنتبه لريناد وهي تناظره متفاجئه: هااااااااااااااااااااااااي
ريناد متعجبة ورافعه حاجب: هاااياااااات
مازن ويقعد على الكنب: ليش قاعده بروحش غريبه يعني
ريناد بنفعال: وأني من متى أقعد ويه أحد ياحسرتي
مازن بضحكة: بل قوووووووووويه
ريناد وتتمصلح <<تستغل مازن عشانه مروق خخخ: والله ملانه برووحي, وصار ليي أكثر من ساعتين لوحدي, عااااااااااااااااااد مازن بليييييز طلعني فغت جبدي
حرااااااااااااااااااااااااااااااااااام <<قالتها بكل قهر هع
مازن وبعده مروق: هالمره بس يا أختي العزيزه راح اطلعك لإن بصراحه كسرتي خاطري
ربناد وتتنطط من فرحتها: احلللللللللللللللللللللللللللللف ألاااااااااااااااااااااااااااي وناااااااااااااااااسه ياهوووووووووووووووووووووووووو
مازن: بس تعالي ذاكرتي أنتي..؟!
ريناد بلعت ريقها: أيييه أفا عليك ذاكرت من زمان << يلعن أبو الشلخ
مازن: يلاا أنا بره في السيارة, وإن طولتي ياويلش
ريناد وفرحانه: أفا علييييك دقايق وأني عندك (وراحت عنه)
"مازن: أكبر واحد بالبيت وبالمفروض يكون مسؤول عن أمه واخته بعد وفاة أبوه الله يرحمه بس الخيابه خلته بليد, عمره 26 سنه عاطل باطل لاشغله ولا مشغله, اخلاقه زززفت ومايحترم أحد وصاااايع درجه أولى, غراااامه شي فيه بنات, كل يوم قز بخلق الله, مايحترم أمه أبد ويعامله معامله جافه حتى أصدقائه يعاملهم معامله أحسن من اللي يعاملها أمه, الشي اللي يميزه أنه وسيم مرره وجميل وهذا سبب غروره وانحرافه, طوله حلو .. شعره طويل لعند رقبته .. عيونه لونها أسود ومكحله رباني (يعني من الله) .. اممممم بس ماراح اتعمق واجد بشخصيته وانشالله مع الاحداث راح تكتشفوها"
طلع مازن بره البيت وراح سيارته الموستنق البنفسجيه, ركبها وشغلها وعلطول حط أغنية بستناك لـ أليسا
(لية اسمع كلامة واحلم معاه وانشد لية
فجأة الغرام يطلع كلام عشمني بيه
ومين عارف أكيد قابل غرام تاني
و ايه تاني هواه مخبيه
ليه أرضى بعذاب قلبياللي داب من عشقي ليه
أيام جميلة في عمرنا و هانت عليه
حرام ينسى اللي كانبيننا و ينساني
و انا بس اللي افكر فيه.....إلخ )
جت ريناد وقعدت جنبه: هي وش صاير نزل على الصوت فضحتنا
مازن ويطالع فيها بقوه: إذا ماسديتي حلقش, بلغي الطلعه وبخليش تخيسي في البيت
ريناد وخافت من تهديده: لا لا لا خلااااص كلش ولا هذي السالفة إنطمينا (وتحط إيدها على بوزها)
وبعد فترة صمت
ريناد بتردد: مازن وين بنروح..؟
مازن ويسوق ولا ألتفت ليها: الكورنيش بعد وين..!
ريناد بفرحه: ألااااااااي وناسه
مازن ويهز رأسه بأسف: ولا رايحه جزر المالديف
ريناد: خخخخخخخ إحنا يالبنات أقل شئ يفرحنا حتى لو رحنا البقاله
مازن وفطس من الضحك: هههههههههههههههههههههههههههه الله يثبتكم بعقلكم
(ووصلوا الكورنيش ونزلوا من السيارة)
من جهة ثانية كان جاسم مع حسن وساره وفاطمه في الكورنيش نفسه (كورنيش المجيدية)
..............
ساره: جاسم تكفى خلنا نقعد أكثر
جاسم ومتخصر: لا عاد أحلفي, صار لينا أكثر من ساعتين ولا شبعتي, وبعدين إحنا مو أيام الويك إند إحنا بأيام الأسبوع وورانا دراسة ياعاقلة
ساره: حرام عليك جسوم ماقعدنا شئ والدراسة لاحقين عليها خوب توها الساعه 8 ماجت لسه 12
فاطمه بتَدَخُل: إيه جسوم عاااااااد نمبى نقعد أكثر بليييييييز غناتي
حسن ويعارض عشان يقهرهم: لا لا لا مافيه خلينا نمشي نرجع البيت, اليوم ما لعبت بلاي ستيشن أمبى ألعب.
ساره وعصبت عليه: ماااالت عليك يالبطه أحد يحصل له بحر ويروح يلعب بلاي ستيشن وبعدين اللعب في السوني لآحق عليه
حسن بقرف: ويييييييييييع مادري أنا قاعد في جزر هاواي على غفله
فاطمه وترص على أسنانها: حسن حبيبي إنت, ممكن تنقطنا بسكاتك
حسن: نووووو واصلاً.............
جاسم وقاطع شباقهم: أوكي راح نتقعد خلااااص وبلا هدرة وشباق
وبعدها ألتفت على ساره ورفع حاجب: تعاليييييييي ساروه وين وعدش يالدبه..؟
ساره ومتفاجئه: أي وعد..! (وبعدين تذكرت) إييييييييييييييه صح وعد الباسكن ودربي
جاسم: لا والله وتسوي روحش ناسيه بعد
ساره: لا بجد راح عن بالي, ألحين أشتري لك أفااااا عليك بس
(وراحوا كلهم لعند دربي يشتروا ليهم)
فاطمه وفاتحه عيونها متفاجئه: رينادوووووووووووه يالدبه وش هالصدفه
ريناد بفرحه: فطموووه هلا والله أي والله وش هالصدفه خخخخ
ساره: هلا رينادوه شحالش
ريناد وتسلم عليها: تمام شحالش أنتين
ساره ببتسامه: تماااااااام
جاسم: هلووو
ريناد: هلوهاااااااات
حسن: منهو جابش أشوفش بروحش
فاطمه وتناظره بنص عين: طَلعت عنصر اللقافه أخ حسن..!
حسن بنحاسه: مو شغلش يالبطه فاهممممه أنا أكلم ريناد
ريناد بتدخل: خلاص خلاص, مازنوه اللي جابني ودكو مناك ويه صديقه (وتأشر عليه)
فاطمه ومتفاجئه: حلللللللللللفي مازنوه اللي جابش ماصدق
ريناد بضحكه: أني نفسي ماني مصدقه تمبيني أحلف لش مع وجهش
الكل: ههههههههههههههههههههههههههههههههههههههه
جاسم: بروح له
" إلا بجية مازن لعندهم "
مازن بإبتسامه: هلااااااااااا جاسم
جاسم ورد له الإبتسامه: أهلييييييييييين شخبارك
مازن: تمام أخبارك أنت..؟
جاسم: بخير بشوفتك ياولد الخاله, إلا وينهي خالتي ماشوفها..!
مازن: تعرف بعد النسوان كله مهاوم من عزيه لعزيه ما يتواجدوا في البيت أبد إلا نادر
جاسم: هههههههههههههههههههههههههههه
وتموا يسولفوا بالدقايق مع بعض
ومن الجهه الثانيه ريناد مع فاطمه وساره وحسن قضوها سوالف وضحك بعد
( بقولكم شئ نسيت ماعلمتكم وياه.. أحم أحم خخخخخ طبعاً ساره وفاطمه وريناد مايتغطوا مجرد حجاب << لإنهم متعودين على ذا الشئ من الصغر وأهلهم عادي عندهم لإن أهم شئ عندهم الإحترام مو بالضرورة تتغطى دامها محترمه نفسها وجذي, وحتى زهره وايمان بس يتحجبو)
مازن: يلااا أبو الشباب أنا أستأذن
جاسم: وين تو الناس خلوكم معانا ما شبعنا منكم
مازن: من عمرك بس إحنا تأخرنا وتعرف بكره مدرسه ورينادوه ورآها دراسة بكره مانمبى نتأخر أكثر من جذي
جاسم: أهاا حتى اللي عندي المفروض أنا مرجعهم من زمان البيت بس سوو ليي هدره إلا يمبو يقعدو أكثر
مازن: خخخخخ يلا عجل أشوفك على خير
جاسم: على خير وسلم على خالتي واجد
مازن: يوصل ( ولف على جهة البنات عشان ينادي ريناد إلا وشاف فاطمه وساره معاها )
مازن ويكلم نفسه وهو مفهي
" ياويلي منهو هذي القمرر..! هذي منو فاطمه وإلا ساره..؟!!!
بس على ما أظن هذي ساره لإن يبان عليها إنها أكبر من اللي وياها
أكيد هذي ساره أنا إحساسي يقول جذي, آآآآآخ ياخالتي مادريت إن عندش بنت قطعه جذي "
جاسم: وين رحت أبو الشباب
مازن وأنتبه لجاسم: هااااا لا بس سرحت شوي في موضوع كنت ناسينه وتذكرته
جاسم: أهاا
مازن وينادي بصوت عالي وشوي فيه دلع <<مايولق, ولد ويدلع صوته هع: رنووود حبيبتي يلااا عشان نمشي
ريناد وفاتحه عيونها على الأخر من معاملة مازن لها: أنزين ألحين جايه
( وراح عنهم بعد ما ودع جاسم, مشى رايح لسيارته وفكره كله في بنت خالته اللي شافها, يموووت ويعرف منهي دي اللي سحرته وعلقته وخلته شاااارد الذهن بسببها )
" سلمت ريناد على البنات وهي بعدها مو مستوعبه اللي صاير معاها معقوله مازن يدلعها ويعاملها بلطف..! ماتدري إن المعامله العدله ورآها مصلحه "
مشت عشان تلحق مازن وتروح السيارة, طبعاً هي تمشي ومفهيه وبالها مو وياها عشان جذي صقعت في شخص قدامها وبغت تطيح من قوة الصقعه لولا ستر الله ومسكها من إيدها بحركة لا إرادية
ريناد من الخلعه صرخت صرخه: آآآآآآآآآآآآآآآآآآآآآآآآي
هني توازنت ريناد ووقفت عادي بس اليد بعدها ماسكتنها
ريناد حمّر وجهها من الموقف اللي صار لها ونزلت عيونها
جاسم تدارك الموقف وعلطووول شال يده بسرعه عشان لا يحرجها أكثر
جاسم ومستحي منها ولأول مره: أسف ريناد ماكان بقصدي
ريناد بعدها ماهي مستوعبه الوضع وطول الوقت منزله رأسها وخجلانه وظلت ساكته ما لها وجه تتكلم
جاسم حس إن لآزم يمشي عشان لا يحرجها أكثر فـ مشى عشان لا يحرجها أكثر من جذي
جاسم وهو ماشي ومنزل رأسه: السموحه وأنتبهي في طريقك عشان لا تطيحي مع السلامه
وصل لعند أخوته وطبعاً كل شئ شافوه وماتوا من الضحك والمسخره عليهم
جاسم متفشل: وجع انشالله وش هالضحك يلااا مشينا
فاطمه وميته ضحك: والله إنكم تحف وأنتون مستحيين هههههههههههههههههههههههههههههههههههههههههههههههههه هههه
حسن ويمبى يستفزه: لو أنا مكانها كان كفختك, عجل تمسك إيدها
جاسم وعصب: سيد حسن إذا كنت مكانها حبيبي لاتقصر زين
حسن تفشل وسكت
ساره وتكركر ضحك: ههههههههههههههه حلو الموقف
فاطمه وبعدها تضحك: خخخخ أول مرة أشوف رينادوه الدبه جذي مستحيه
العادة لسانها يلوط أذانها, الظاهر إنها كانت مصدومه
حسن + ساره + فاطمه:
هههههههههههههههههههههههههههههههههههههههههههههههههه هههههههه
جاسم ورافع حاجب وبنرفزه: يلااااا همشووو الظاهر السالفه ماراح تنتهي
عندكم
كلهم خافو من نبرة صوته ومشوا بعد مابلعو ريقهم
في سيارة مازن
كان الصمت سيد الوقف
ريناد مررره متفشله من جاسم وظلت تدعي على روحها من الفشله <<ياعلي لو أني مكانها أمووووت
مازن وقطع الصمت: أقول ريناد
ريناد وأنتبهت له: هلا
مازن: ماقلتي ليي لويش تأخرتي على ماجيتي..؟
ريناد في خاطرها: ياربي أمبى أنسى أني الموقف وهذا يمبى يذكرني به أفففففففففففف
مازن: رينادوه أكلمش
ريناد ومتوتره: هلا بغيت شئ..؟
مازن ويرفع نبرة صوته عشان تسمعه: أقولش لويش تأخرتي على ماتجي..؟
ريناد بغصه: ماتأخرت بس سلمت عليهم وجيتك علطول
مازن ويتمصلح: طيب ريناد حبيبتي منهو هذيك من بنات خالتش اللي بجهة اليمين
ريناد وعاقده حواجبها: هذي ساره بنت خالتي, ليش تسأل..؟
مازن طااااااار من الفرح لإن إحساسه صاب: لا بس مجرد سؤال, تعرفي أنا ماعمري شفت بنات خالتي ولا أعرف أشكالهم فحبيت أسأل
ريناد بعدم تصديق: أهاا
وحط أغنية كارول سماحه (يما ليالي)
(أول مرة في حياتي بعيش حياتي أنا من جديد
وبشوف قمري الليلادي وقف أصادي ومش بعيد
معرفش أنا جرالي إيه ...أنا بحلم ولا إيه واليوم ده حلو ليه
ليليليليليليلي وكأنه عيد
ده عمري النهار ده بس أتولد عمري أتولد عمري
وأنا حبيت السهر على شان بشوف قمري أه بشوف قمري
.....إلخ)
انتهى الجزء بالصلاة على محمد وآل محمد
اتمنى من الله أن أُلاقي من جميع القُراء التفاعل
واتمنى أن أرى الأعجاب أو الأنتقاد بين سطوركم
/
\
/
وان لقيت تفاعل وانشالله راح أنزل الجزء الثاني
إلى الملتقى......
رد مع اقتباس
المفضلات