............................................
في بيت أبو جاسم
الكل قاعد بغرفته وأم جاسم وأبو جاسم بعدهم يريحوا من تعب السفر
إلا فاطمه كانت توصل ريناد لعند الباب لإنها بتروح بيتهم خلاص.
ودعتها وعلطول راحت غرفة أخوها جاسم, دقت الباب ودخلت علطول بدون أي مقدمات
فاطمه ببتسامه ومدخله رأسها داخل الغرفة: ممكن أدخل..؟!
جاسم ورافع حاجب: الحين أنتين مع وجهش جايه تقنعيني إنش مادخلتي لحد الحين..!
فاطمه بدلع: يلاااا عاد غير أني فطوووم
جاسم: المهم ويش عندش..؟
فاطمه: أفااا أني تومه وش عندي ماهقيتها منك ( وسوت روحها زعلانه خخ )
جاسم ورافع حاجب: ترى الزعل مايلوق عليش مع هالفيس
فاطمه: انزييييين عاااااااااااااااد
جاسم: إيه الحين طلعتي على حقيقتش
فاطمه وطنشت كلامه: وش قاعد تسوي عفر..؟
جاسم بملل: ياشين اللقافه, يعني وش تشوفي قدامش, قاعد على النت
فاطمه وتتمصلح عند أخوها: أقول جسوم ليش مانطلع والله ملل, اليوم الخميس إجازة من بعد عناء الدراسة, طلعني شوي نغير جو الله يخليك جسووم ونروح دربي بعد, عشان أخذ لك عصير ليمون بالنعناع اللي تحبه (وترفع حواجبها)
جاسم: أوه مدام فيها دربي وليمون بالنعناع طيرااااااان, وقولي لساروه وحسنوه جان بيجو ويانا..!
فاطمه بنذاله: لا لا مافي بس أني وأنت
جاسم: أنزين خلصي, لش 10 دقايق بس, زين
فاطمه: ياخوفي إنت اللي تتأخر
جاسم: أقول بلا كثرة كلام وروحي
( وراحت غرفتها تلبس وتجهز )
مرت 7 دقايق وخلصت فيها فاطمه لبس, أما جاسم فبعده ماخلص وراحت له
الغرفة تشوفه
فاطمه وهي تدق الباب: هاا جسووم ماخلصت له
جاسم ويمشط شعره: أنزين أنزين الحين جاي
وبعد دقيقه طلعوا أثنينهم من البيت وركبوا السيارة وحطوا أغاني ولو على ودهم رقصوا, يعني لو ما الحياء الناس يمكن تشوفهم كان علوووم خخخخخخخخخ
فاطمه: جسوووم ودينا قبل باسكن تكفى نفسي في توفي
جاسم: تشتري ليي لكن
فاطمه بمزح: أمري لله شكلك اليوم بتفلسني
جاسم: مدام طلعتش تحملي ياغناتي
ووصلوا باسكن روبنز ونزلوا أثنينهم يتشرو
( أثناء ماكانوا قاعدين يختارو )
فاطمه بصوت واطي: جسوم جسوم
جاسم ويقرب رأسه لعندها: هااااا
فاطمه: طالع ذاك الصبي اللي هناك, اللي لابس بلوزه أورنج
جاسم بعصبيه: أيا قليلة الحيا..........
فاطمه وتقاطعه: بلا بهامه, أقصد شوفه هذا علي أخو زهروه صديقتي, روح سلم عليه له
جاسم: حلوه دي ما يعرفني ولا أعرفه ما أشوف نفسي إلا رايح له ومسلم عليه
فاطمه كانت بتتكلم بس شافت علي جاي لعندهم وسكتت

علي: السلام عليكم ( ومد يده عشان يسلم على جاسم )
جاسم: وعليكم السلام ( ومد يده هو الثاني وسلم عليه )
علي ببتسامه ذباحه: أكيد بتقول في نفسك منهو هذا اللي يكلمني صح..!
جاسم ورد له الإبتسامه: هو بصراحة بيني وبينك أنا ما أعرفك, بس أختي قالت لي إنك أخو صديقتها وكنت باسلم عليك بس ترددت << يلعن أبو الشلخ
علي: حصل خير (وأبتسم)
أنا علي الـ ........
جاسم: وأنا جاسم طبعاً تعرف عايلتي مايحتاج اقولك خخخخ
علي: هههههههه تشرفنا أخ جاسم وفرصه سعيدة إني قابلتك
جاسم: يزيدني شرف بمعرفتك وأنا أسعد وربي
علي: المهم أنا الحين أتركم تأخذو رآحتكم لا أعطلكم, وإنشالله نلتقي مره ثانيه على خير, يلااا مع السلامه
جاسم وصافحه: على خير يابو الشباب مع السلامه ( وراح علي بعيد وطلع من المحل بعد ماأخذ طلبه )
فاطمه بعبط: هاا وش صار بينكم, عرفك..؟ << تسوي روحها ماسمعت شئ وهي اللي قاطه أذونها من أول كلمه لأخر كلمه ههههههههه
جاسم: لا بس جاي يسلم ويعرفني على نفسه, والله شكله مرره أخلاق وتمام
فاطمه بفخر عشانه أخو صديقتها: طبعاً مو هو أخو زهرووه صاحبتي
جاسم ويناظرها بنص عين: أقول خلصينا عشان نروح الكورنيش ولا نتأخر
فاطمه: أنزين أداني خلصت
" وبعدها أخذوا الطلب وطلعوا من المحل وطيرااان للكورنيش وطبعاً راحوا دربي وطلبوا ليهم ليمون بالنعناع مع كرواسون وقعدوا على البحر يسولفوا "

(مر اليوم على خير وجئ يوم جدييييييييييد)

العصر الساعة 4 ونص في غرفة إيمان, كانت تكلم أمل صاحبتها على تليفون البيت
ايمان: أملوووه ماقلت لش
أمل بحماس: وشوو بسرعه قولي
ايمان: دخلت الشات اللي تدخلي عليه
أمل بفرحة: حلللللللللللفي, ماصدق, وأخيراً, ها وش صار قولي ليي بالتفصيل المُمِل..!
ايمان: ماصار شئ مهم,أصلاً الشات عادي جداً, بس كلمني واحد أسمه (فاقد الشئ لا يعطيه)
أمل بغير تصديق: كذاااااااااااااااااااااابه, بالله كلمش؟؟!!
ايمان ومتفاجئة من ردة فعل أمل: والله العظيم كلمني, ليش يعني وش فيه..؟
أمل بنفعال: هذا مايكلم بنات ولا يعطيهم وجه أصلاً.. غريبة كلمك, أساساً أني متفاجئة ماني مصدقه
ايمان: أصلاً أني دخلت الشات ولا أدري وش صاير ولا أعرف كيف يستخدموه, ماشفت إلا حاجه صفرا طالعه ليي في مستطيل, مادري وشي هي, من البدايه أفتكرتها هكرز وإلا شئ وبعدين مادري وش اللي خلاني أضغط عليها وعلطول أنفتحت عندي محادثه مدري صفحه المهم ورديت عليه وبعدين قمنا نتكلم, هذا اللي صاار
أمل وميته ضحك: هههههههههههههههههههههههههههههههههههههههه الله يرجش والله إنش نكته, ياحظش إيمانوه, إني لما أكلمه وإلا أتعيلف فيه مايرد عليي ولاحتى يعطيني وجه وكله يعطيني أقنور
ايمان وعصبت: تكفي عاد مادري ليش ذابحه روحش عليه خله يولي زين
وبعدين في النهايه يبقى ولد والمفروض إن عاداتنا ماتسمح لينا إن نكلم صح
أمل وتسايرها: إيه صحيح, صح كلامش
( وظلوا يسولفوا ويحشوا وبعدين سكروا )

بعد ماسكرت ايمان من عند أمل قعدت تفكر في اللي سمعته منها,
ايمان وتكلم نفسها: معقولة ما يكلم بنات ولا يعطي وجه, بس وش اللي خلاه يتكلم ويايي..؟
أكيد الفضول ذبحه يبمى يعرف أني بنت وإلا ولد عشاني أني أول مره أدخل
هـ الدردشة بهالأسم, لا لا أكيد .... , وأني ألحين ليش أعور رأسي بكلام فاضي وماله داعي, وأصلاً وش عليي منه كلم بنات وإلا ماكلم باللعنه اللي تلعنه
( وقامت من على سريرها وطلعت بره غرفتها إلا وتلاقي علي بوجهها )

ايمان مختلعه: بسم الله الرحمن الرحيم
علي ومتخسر: لا والله, وش رأيش بعد تقرأي المعوذات في طريقش, شايفه قدامش جني مع وجهش
ايمان بمزح ودلع: أحلى جني بعد ههههههههههههه
علي: بعد تضحك ( وأبتسم لها إبتسامه ذباحه ) <<علي في وجهه غمازه وحده على جهة اليمين,(زي غمازة ملحم زين تعرفوه), إذا أبتسم تصير ابتسامته ولا أحلى ذبااااحه بمعنى الكلمة وتجذب الواحد, <<واااااي أموووت على الغمازات ياليت فيني وحده هع
ايمان واستخفت على ابتسامته: وي وي وي تهبل علووووووووه ويه هالغمازه, ياليتها فيني ولافيك, تذبح صاقعه تصقعك
علي ويبتسم وبعدها يضحك: هههههههههههههههههههههههههههههههههههههههه
ايمان وسطلت على غمازاته: ياعلي, هذا اللي بيذبحني بس خلااااااااص لا استخف الحين
علي وسكت من الضحك: والله إنش خبلااااا, الله يغربلش أنا أخوش مو رجلش عشان تقولي ليي جذي وتتغزلي يالحماره
ايمان بدلع: يلعن يومك والله لو أنت زوجي وبهالحلاوة, كان وربي أحبسك في البيت ولا أطلعك, أخاف عليك من المعجبين خخخخخخ
علي: أقول روحي ولي زين عطيتش وجه الظاهر, أصلاً أنا جاي البيت مو عشانش أنا جاي بأخذ جوالي نسيته بالغرفة وبارد أطلع
ايمان: أنزين عاد لاتزف يلااا روح خذ غرضك باااي
علي وهو رايح لغرفته: باي
ايمان وتنزل من الدرج: وهذا كله جذي إذا غازلته يزفني, خخخخخخخ الظاهر يستحي الأخ ( وراحت الصالة تشاهد لها مسلسل أو فلم حلو )
بس تفاجئت إن زهره قاعده بالصالة وتحوس بجوالها وكل شوي ماحطت أغنيه شكل, وبعدها ثبتت على أغنية العقربة لحسام الرسام
" يمه قرصتني عقربه..يمه قرصتني عقربه يا يمه لو شفتيها سبحان اللي مسويها .. يا يمهلو شفتيها سبحان اللي مسويها من رأسها لرجليها تقتل يا يمه هالمره .. ..يمه قرصتني عقربه من رأسها لرجليها طرب طارب طرب طارب " <<اقوليكم فضاوه هع
ماشافت ايمان إلا وزهره قايمه في وسط الصالة وقعدت تهز وترقص, والصوت اللهم ياكافي يفقع الأذاين وموصل لأخر الدنيا ( جوالات الجيل الثالث n95 كأنها استيريوا يفقع الدنيا بصوته ولا بعد الأرضيه بلاط, الصوت فيه يكون ولا أحلى عاااالي ورفيع حددده )
ايمان وتقرب ليها: هي أنتين ويش فيش..؟
وين قاعده في ديسكو على غفله؟!؟ ( وبصرخه ) هيييييييييييييييييييييييييييي
سمعت زهره صرخة ايمان وطفت الأغنية علطول
زهره معصبه: أنتين ماتخلي الواحد يرقص على كيفه!!, أفففففففففففففففففففففففففف منش خربتي عليي الجو
ايمان ومتخسره: زهروه هذي سوآيا تسويها!!, حشااا قاعدين في مرقص مو بيت هذا
زهره: وش فيها لو حطيت أغنيه ورقصت عليها..!! بتنقلب الدنيا يعني..!!
ايمان: أقول نزلي على الصوت ترى علي الحين نازل وإن شافك جذي بيهزئش
زهره وانقهرت: افففففففففففففف أروح غرفتي أحسن ( وراحت )
ايمان وتناظرها إلين ما أختفت: ويش فيها هذي أكيد أستخفت ( وضحكت على حركة أختها )
علي ونزل من الدرج: يلاااا باي أنا طالع مو تتصلوا ليي إذا فيه عشاء لأني بكون عند أصحابي
ايمان وتفتح التلفزيون: أوكي (وطلع عنها)

.................................................. .....