.................................................. ........

(نرجع للقصة)



بعد ما خلصت فاطمه مكالمتها ويه زهره بدقايق أتصلت عليها ريناد بنت خالتها وصاحبتها في نفس الوقت
فاطمه بمزح: هاااااااا ويش تمبي
ريناد بعصبيه: وييييييييع باي باي هذا وأني جايه لش بعد ياالكلبة
فاطمه نقعت من الضحك : تعالي أمززززح
ريناد بنفاذ صبر: أقووووول أفتحي ليي الباب بس, طلعت ريحتي من الشمس حسبي يالله عليش يافطمووه
فاطمه وتمبى ترفع ضغطها: عجل ما أمباش لاتخيسي بيتنا
ريناد بجدية: هيييييييييي بأمووت وأنتين قاعدة تنكتي يلاااااا لا ألطخش خلص رصيدي
فاطمه: أنزييييييييييييين (وسكرته)
طلعت فاطمه ليها عشان تفتح الباب إلا وريناد مفوحـــه حـــر وتنافخ هع
فاطمه من وراء الباب: رنووود طلبتش
ريناد وواصله معاها للأخر: افتحي الحين وبعدين اطلبي
فاطمه: لا اضمن مستقبلي بالأول, طلبتش رنووود لا تكفخيني
ريناد: اففففففففف إيه مررره إلا أني اللي أقدر عليش
فاطمه وهي تفتح الباب : أيوووه الحين طلعتي رِجَاله << يعني رجال بالمصري خخخخ
ريناد وتضربها على خفيف: رِجَاله في عينش يا العميه كل هاالأنوثة ورجال مالت عليش وعلى وجهش وبعدين كان لا فتحتي ليي الباب وخليتيني أتنقع أكثر برره
فاطمه: يابعد جبدي الحين أخليش تطلعي تكملي يلااا بره (ودزتها)
ريناد وتباعد إيد فاطمه: آآآهوو بلا هبال تباعدي عن وجهي
فاطمه: خخخخخخخخ همشي (ودخلوا ثنتينهم)
إلا وجاسم في وجهم
فاطمه: هااا جسووم على وين!!
جاسم ورافع حاجب: لا عاد ومن متى تسألي ياحظي..!
فاطمه بمزح: لا تكذب أني كله أسأل بس للأسف الشديد ماحد يجاوبني
جاسم طنشها ودار لريناد: هااا أشوف رينادوه عندنا, أبد لا سلام ولا كلام
ريناد: جه أختك تعطي مجال وتخلي الواحد يسلم يادافع البلااا, المهم شحالك وش أخبارك
جاسم ببتسامه: زين ماشي حالنا.. يلااا أخليكم رايح أجيب الأهل من المطار
فاطمه: أووه صح الساعه 4 وأني أقول وش صاير طالع هالحزه وانت توك جاي من بررره خخخخخخ نسيت
جاسم: أقول بلا هدره ودخلوا داخل ترى طلعت ريحتكم ( ويحرك حواجبه)
وطلع من عندهم وهو يكركر ضحك
فاطمه وعصبت: صحيح خااااااااااااااااايس
ريناد وترفع حواجبها: كما تدين تدان, وزي ماوجهتي ليي ذي الكلمه دكو وجهها لش خخخخ
فاطمه: أقول أخلصي وبلا هدره
وراحوا الغرفة وقعدوا يحشو في خلق الله وبعدها شغلوا الاستيريو ورقص وأغاني والبيت هازينه هززز

" فاطمه: أخت جاسم وساره عمرها 16 سنه بأول ثانوي, شخصيتها مررره حلووه, إنسانه طيوبه وحساسة نوعاً ما, محبوبة بين الكل لدرجة إن كل من يتقرب لها يحبها ويتعلق فيها علطول
رومنسيه, تعشق الحب وتؤمن به, الحياة عندها كوول ومسخرة بس وقت الجد جد, عيبها الوحيد إنها إذا حبت حبت وإذا كرهت كرهت
فتشوفها إذا حبت شخص تضحي له وتوفي له بعد وتحبه أكثر من نفسها ودائماً تخاف عليه من أقل شئ, تحب صديقاتها زهره وريناد واااجد وهم أصدقاء من لما كانوا صغار ولحد ألحين ما يفترقوا عن بعض, تحب أمها وأبوها بجنوون, وحتى أخوانها
بس حسن أخوها الصغير هي وياه كل شباق وعناد ودائماً يتضاربوا <<زيي أني وأخويي ههههه, يعني بصفه عامه فطوم تنحط على الجرح يبرى, تحب تكشخ وتتعدل واهم شئ عندها إنها تكووون حلوووووووووه بنظر الكل,
طويله شوي, بيضاء, شعرها ناعم وحرير أسود مايل للبني ويوصل لعند أردافها, جسمها حلوو وعيونها ذباااااااااحه بمعنى الكلمة واللي يخليها جذي إنها شوي ناعسه, لونها بني فاتح شوي, خشمها فيه طول لكن مو بدفاشه على خفيف ومناسب تقاسيم وجهها ومطلعنها نااعمه وجميله لأبعد حد "

" ريناد: عمرها 16 سنه بأول ثانوي مشاغبه لأبعد حد ولسانها مررره طويل بس حبوبه ومرحه, الحياة عندها كله رقص ومسخره, طبعاً صديقاتها زهره وفاطمه اللي تصير بنت خالتها بنفس الوقت, هي البنوته الوحيده بالبيت ماعندها أخوات بس عندها أخو واحد اسمه مازن وقليل إذا إحتك فيها أو إحتكت فيه يعني علاقتهم ببعض شبه معدومة, أبوها متوفي من زمان وعايشه مع أمها, مجننه أمها جنووون مو طبيعي يعني على الطالعه والنازله مطوله لسانها ولا همها إذا كانت أمها وإلا شخص ثاني, وأمها مره مره تعبانه منها..
ريناد نعومه شعرها أسود بس مو ناعم ولا خشن يعتبر زين وحلو يوصل لعند كتفها, عيونها حلوه وحتى خشمها, وتقاسيم وجهها يعني بصفه عامه حلووه وناعمه, جسمها حلو بس عسقوله شوي وفيها طول اممممم بس عفر خخخ "

.................................................. .

جت الساعه 6 المغرب في بيت أبو جاسم وكانوا ريناد وفاطمه قاعدين بالصاله
وفاطمه رايحه جايه تحاتي أهلها
فاطمه وعاقده حواجبها ومتوترة: ياااااربي جت الساعه 6 ولاجئ جاسمووه مع أهلي والحل, والمشكله اتصل عليه ولا يرد هالمصفع
ريناد: وش فيش أنتين أكيد زحمه المطار جه في دقيقتين بيوصلوو وبعدين جاسم مارد عليش إلا لإنه مشغووول ياحظي
فاطمه وتقعد جنب ريناد: يمكن
وبعد فترة قصيرة ما تجاوزت الثواني : تدررري بأتصل الحين وبشوووف
(واتصلت) وبعد أقل من أربع رنات رفعها
فاطمه بنفعال: جسووووووووم وينك خوفتني
جاسم ببرود: هلا تومه
فاطمه وحارقه أعصابها: وينكم فيه وليش ماترد وأمي وأبوي وحسن وينهم جوو..!
جاسم: نايبه تهفتش أجاوب ويه وأخلي ويه أنا
فاطمه: يلااا عاد بلا مصاخه
جاسم: أدحنا جايين يلااا باي (وسكره في وجهها) << اكره عليي هذي الحركه تنرفزني ما أحبها ولا طيقها خخخخخ مو تسووها فيني
فاطمه وعصبت: أيا الزفت تسكره في وجهي, خلني بس اشوفك <<كانت متحلفه فيه
ريناد: عساش انشالله في هالحال وأردى يالملقوفه, قلت لش أصبري أكيد مشغول ماسمعتي الكلام
فاطمه وتناظرها بنص عين: أقول بتنطمي وإلا أبلعش الريموت
في هذي اللحظة رن جوال فاطمه نغمة الناس حرموني
(أوووووووووووووووه, جومجوبالا
الزول تعبان كليموه شويا ...... تعالخزان كليموه شويا
التوم كاندا تقول موش جايا..... النيس زاندا تقول موشجايا
هيييييييييييييييه
الناس حرموني سياقت المنجا ... اللوري الشاحي ركبونيالتنجا
ابوي سباظ جان ابيعالمونجا ..... اجيك يالسومبا السومبا الرومبا
والناااااااااااااااااااااااااااااااااااااار وين النار جوه النار
شبابالنار , سمار النار , وين الناااااااااااااااااااااااااااااار) <<كتبت ليكم الأغنية خخخخخ (فضاااوه)
فاطمه وتناظر الشاشه: يؤيؤيؤ زهرووه متصله الله يستر الحين بتكفخنا لإنش هني ولا علمناها
فاطمه وترفع الخط: هلااااااااا والله << تمبى تبين طبيعيه ههههه
زهره: اهلييييييين
فاطمه: هلا بيش
ريناد بلقافه: هاااااااااي زيزي
زهره بنفعال: يلعن أشكالكم متجمعين من ورايي هااا, أما أنكم ما تستحوا صحيح لا وتقول هاي بعد
فاطمه وتكلم ريناد: ياحيوانه فضحتينا (وتكلم زهره) زهرووه ما عليش ترى ماشفتها إلا طابه عليي وقسماً بالله ماكذب
زهره: إيه إيه علينا, أصلاً أنتون كلاب وكل مره تسووها
فاطمه: ياعلييييييييي, يلاا انجبي عطيتك وجه شكلي, أصلاً بسكر منش شكل أمي وأبوي جو من المطار
زهره: أنزين أنزين حسابكم بعدين باااااي
فاطمه: خخخخخخخخ بايات ( وسكرته )
توها مسكرتنه إلا تشووف أمها وأبوها وجاسم وحسن داخلين من الباب
علطوووووووول طيرااااااااااااان راحت وحضنتهم بحرارة وسلمت عليهم وبعد ما خلصت من أمها وأبوها راحت لحسن
فاطمه بفرحه: هاااي يالدب وحشتني ووووواجد " وباسته في خده "
حسن: وييييييييييع ألف مره أقول لش لا تبوسيني وعمى انشالله
فاطمه: حاصل لك يالدبه يالبرميل (وبحلست عليه) <<مجانين
جاسم: حشا ما صار ليكم دقيقتين من شفتوو بعض قمتوا تشابقتو, الله يعينا عليكم
هني جت ريناد وسلمت على خالتها وزوج خالتها وتحمدت ليهم بالسلامة وتعافت ليهم,
وبعدها سلمت على حسن
أم جاسم: عجل وينهي ساره..!
فاطمه: أتوقع نايمه لإن البارحة مواصله على النت
أبو جاسم: هالبنيه كله على النت صااايره عليه إدمان
أم جاسم: إيه والله وأنت الصادق
فاطمه: تعرفوا بعد أنتون, الأمس الأربعاء إجازة الأسبوع (الويك إند) يعني لآزم تقضيها نت
أبو جاسم: الله يعين, شكلها بتلبس نظاره والسبه هالكمبيوتر
أم جاسم: يلااا يا أبو جاسم خلنا نروح ننام نرتاح لينا كم ساعة.
فاطمه: هداويه أماه ماشبعت منش ولا من أبويي
أبو جاسم: نرتاح شوي وبعدين نقعد ونتجمع
( وقاموا أثنينهم وراحوا غرفتهم يرتاحوا)

(طبعاً أم جاسم وأبو جاسم رايحين لعلاج في إيران, أبو جاسم عنده فشل كلوي وراح عشان يزرعوا له كليه وفعلاً سوو العملية ونجحت, وأخذوا وياهم حسن مع إنه عنده دراسة إلا لأن حسن مايتقعد بروحه بالبيت مع خواته لإنه شري ويحب العناد ويموووت إذا ماعاند أحد فـ أبو جاسم أبعد عن المشاكل وأخذه معاه وهذا الشئ فرح حسن واجد وكبر رأسه على باله رايح سياحة الأخ خخخخخخ)

جاسم: وأنا أقوم أشبك عن مقابل وجوهكم << بمزح
حسن وفاطمه بصوت واحد: يكوون أحســـــــن
ريناد: خخخخخخخخخخخ والله إنكم فله
فاطمه: نقطينا بسكاتش أحسن
حسن: ويييييييييييو فشلوها ههههاي
ريناد وتناظره: طاحت طبقة وجهي وأنت الصادق
فاطمه: قومي بس قومي خلنا نروح الغرفة ونهيص
حسن فرح ونط في الوسط: خذوني وياكم أكيد وناسه جوكم
فاطمه وتناظره: احلللللللف مع وجهك, أقول يازينك وأنت ساكت (وراحوا عنه)
حسن بقهر: اففففففففف أرويش يالبطه

" حسن: أصغر واحد بالبيت وأخر العنقود ,دلوع أمه وأبوه عمره 14 سنه بثاني متوسط, شطووور بالدراسة بس أحياناً يتكيسل ويخمل مع هذا علاماته كلها فوووق "يعني ذكي" , طلباته طبعاً مستجابة من قِبل أمه وأبوه وأخوه جاسم, يحب العنااااااااااااااااد يتلذذ إذا عاند أحد من خواته, يحب ينقل الأخبار اللي ترفع الضغط يعني اللي تخص أخوته, يحب يلعب كرة قدم وموووته البلاي ستيشن, ملامحه بريئة وحلوو نسخه مصغره من جاسم أخوه "

.................................................. ...


في بيت علي
وبالتحديد بغرفة إيمان
إيمان ومعصبه: أفففففففففف ملل, بأموووت من صاقعه, وهالمنتدى الخايس صاير مره سخييييييييييف لا أعضاء زي الناس ولا ردود عدله
وهي قاعده تتصفح المنتدى طلع ليها مربع صغير ومكتوب عليه
(دردشة "........" الكتابية)
ايمان وعاقده حواجبها: يوووه هذي الدردشة اللي تدخل فيها أملوه صاحبتي واللي تكلمت لي عنها, انشالله ادخل وأشوف..!
ودخلت إيمان الشات بنك نيم (( سأقتل الملل قبل أن يقتلني )) <<نفس نك مسنجرها
دخلت وشافت نك نيمات واجد متنوعه واستغربت
ايمان ومو مستوعبه: لهدرجه الشات حليوو..!
اللي يخلي هالأسماء ذي كلها موجودة << توها جديدة مسكينة حتى تعبيرات الشات ماتعرفهم بدل ماتقول نكات تقول أسماء هع
ايمان بعجب: لكن تعال أني ماعرف له, يلااا أجرب لين ما أعرف, ماحد طلع من بطن أمه عالم
ايمان وهي تكتب في العام: السلام عليكم
.......... الكل مطنش ..........
ايمان: صاقعه حتى السلام ما يردوا عليه..!
وكتبت: السلام لله على فكرة
.......... برضو ما في أحد رد ..........
ايمان عصبت من تطنيشهم وكتبت لهم بالعام: هدااااااااويه مافي أحد يرد السلام حشاااا
وفي هذي الأثناء طلع ليها مستطيل أصفر يطلبها, بس هي مافهمت وشو هذا
ايمان بخوف: يمممممممي شكلي بطلع ويشوو ذا الأصفر, أخاف هكرز, لا لا خليني أضغط دكو مكتوب وعليكم السلام ورحمة الله وبركاته يعني يرد على سلامي..!
وضغظت على المربع وانفتحت ليها المحادثه
سأقتل الملل قبل أن يقتلني: هلا
فاقد الشئ لا يعطيه: اهلين شحالك..؟
سأقتل الملل قبل أن يقتلني: وش دراك أني ولد..؟
فاقد الشئ لا يعطيه: ليش أنتي بنت..؟
سأقتل الملل قبل أن يقتلني: لا ولد ولا بنت
فاقد الشئ لا يعطيه: حلووه دي , عجل إنت جني..!
سأقتل الملل قبل أن يقتلني: هي إحترم حالك ها لا تغلط عليي
فاقد الشئ لا يعطيه: ماعلينا.. المهم شخبارك ووش مسوي ومن وين أنت أو أنتي..؟
سأقتل الملل قبل أن يقتلني: أنا الحمد لله بخير .. وأنا من القطيف
فاقد الشئ لا يعطيه: أوه أوه أبو الشباب طلع من قطيفنا الحبيبة
سأقتل الملل قبل أن يقتلني: هي أنت لا تصدق حالك ترى أني بنيه
فاقد الشئ لا يعطيه: أهاااا
سأقتل الملل قبل أن يقتلني: أني ألحين طالعه أشوفك مره ثانيه باي
فاقد الشئ لا يعطيه: لحظه لحظه
لكن ايمان ما عطته مجال إنه يتكلم وعلطول طلعت من الشات وطفت الكمبيوتر بكبره وقامت
طلعت بره غرفتها وشافت كومة غسيل
ايمان بملل: أففففففففففف هذولا مايحسو فيني, مايجيبو الثياب إذا يمبى ليهم غسيل, لااااا يجمعوهم مره وحده ويخلوهم عند الحمام عشان التكسيررره عليي تطلع عدله, ياربي (وراحت تغسلهم وهي تتحرطم على أخوانها)