ايمان شرت ليها فستان حلو وناعم ولما قاسته في غرفة القياس الكل استخف عليها وشجعها انها تشتريه

وهذي صورته ناعم وجميل جداً راق لي كثيراً هع =)

http://dc02.arabsh.com/i/00180/d3ohwpsnaezq.jpg

اما زهره فـ شرت ليها فستان حلو وناعم وااااااااااجد وهذي صورته

http://dc04.arabsh.com/i/00106/zuir6z33g41q.jpg

أما باقي البنات
ساره شرت ليها فستان ناااااعم وقصير
فاطمه بعد نفس الشي وريناد
.............................................

وبعد مرور ثلاثة ايام...

الجده بصريخ: ايمانوووووووووووووه زهروووووووووووووه وصواقع انشالله وينه انتون؟؟
ايمان وجت تركض لجدتها: وش فيش أماه.؟؟؟؟
الجده: ماتستحوا على وجوهكم هيه مخليني هني بالصاله وماميش احد ويايي لا أنيس ولا ونيس؟؟؟
ايمان: أماه الله يهديش اني كنت قاعده أنظف غرفتش!
الجده: عجل وينهي زهروه الخايبه لويش ماتقعد ويايي تشيه اني يهوديه؟؟
زهره وهي نازله من الدرج: أماه كم مره اقولش اني أسمي زهره مو زهروه ولويش بعد اني خايبه؟؟؟؟
ايمان عصبت وصرخت على أختها: زهررررررررررررررررره تأدبي اوكي!
زهره وجلست على الكنب: واني الصادقه, هذي هي حالتنا كل يوم صراخ ومناقر وكل تسب فيي وأخر شي تتهمني بقت سراولتها, والله العظيم حاله قلو ملابسي أخذ سراوله خلاقين ومعالف
ايمان بحده: زهره وبعدين وياااش؟؟ خلاص انتهينا, إحترمي جدتش أوكي
زهره بطناش: انشالله (وأخذت الريموت وحطت قناة mbc1 على مسلسل "على حافة الهاويه" وجلست تشاهده مطنشتنهم)
الجده: أيه مو هامنش شي آهو أقوم أشرب ليي زقاره أقند أبها رأسي (وقامت بكل ثقل وراحت)
أما ايمان فـ كانت تناظر زهره بنظرات وبعدها هزت رأسها بالإنهزام ومشت عنها تكمل شغلها
........................................
في أمريكا ..
محمد: أنا لآزم أشوفش وربي مشتاااااااااااااق لش
عهود: لا حبيبي ماقدر والله ماقدر
محمد: ليش عاد.؟ والله مشتاااااق لش, خليني أشوفش بليييييييييييز
عهود: حبيبي لاتضغط عليي صاحباتي معاي ماقدر أكلمك أكثر يلا باي (وسكرت بدون ماتسمع رده)

محمد وعصب: هين ياعهود اليوم ترفضي تشوفيني بس بكره راح تترجيني إني بس أطلع معااااااااش, وبتشوفي!

( أكيد بتتسائلوا ويش اللي صاير...!!!! <<أكشن
محمد من لما أخذ عهود ظلت معاه فتره تكلمه مسنجر وكل واحد منهم أفصح عن اعجابه وشوي شوي صار بينهم حُب, وصارت بينهم مكالمات وسهرات وطلعات بس عهود صايره كله تتغلى على محمد وساعات ترفض تقابله بس جذي عناد...
(وطبعاً بتتسائلوا ساره..!! وين موقعها من الإعراب في حياة محمد....؟؟؟)
محمد تناسى ساره بالمره وتناسى حُبها وقرر بينه وبين نفسه دامه عنده عهود راح يقطع علاقته مع ساره وينساها للأبد لان ماتلزمه وكل ماتتصل عليه يطنشها)

...........................
ام جاسم بفرحه: ويش رآيكم نروح شاليه الأسبوع الجآي..!
فاطمه وتفاعلت للموضوع: اللااااااااااااااااااااااااااااااااااااااااي وناسه عاشت أم جاسم عاااااااااااااااااااااااااااشت, وش رآيش ساروه
ساره ومتضايقه حدها: عــآدي
فاطمه وتقلد على صوتها: عــآدي, هذا اللي قدرتي عليه (ورمتها بالمخده)
ساره: أوووه ماني رآيقه لش
أم جاسم: سوير ويش فيش مبوزه وحزنانه
ساره برتباك: لا أماه مافيني شي, بس هالأيام أحس بصداع في رأسي
أم جاسم: أكيد من هالنت الزفت, أنتين 24 على 24 قاعده عليه ومنرزه عيونش وين مايصدع رأسش
(ساره سكتت وعاقده حواجبها مستنكره كلام أمها)
فاطمه: لويش ماتروحي المستشفى, يمكن نظرش ضعف مشان جذي تحسي بصداع
ساره: لا أروح ولا شي, فاضيه أروح مستشفى عشان صداع, لا تحاتوا مافي شي
أبو جاسم ودخل الصاله قاطع كلامهم: السلام
الكل: وعليكم السلام (وجلس جنب فاطمه)
فاطمه باست خد أبوها: قواك الله أبويي
أبو جاسم ويحضن بنته وابتسامته على محياه: الله يقويش حبيبتي
أم جاسم بفرحه: عندنا لك أقتراح ياعبدالله
أبو جاسم ببتسامه: ويشو عندكم..؟؟
فاطمه: أمي عندها أقترااااح تفقييييييييييييع هههههههههه
أم جاسم وضربتها على خفيف بفخدها: جوزي آهو . (وتكلم رجلها) نمبى الأسبوع الجاي نروح شاليه نستانس ونغير جو ونأخذ ويانا الأهل
أبو جاسم ورحب بالفكره: أوكي على خير انشالله بس أنتوا حددو الموعد وأنا انشالله بحجز ليكم
فاطمه ومستانسه حدها: والله أني ماعليي بعزم صديقاتي وبخليهم يجو معاي
أم جاسم: ايه مايخالف قولي لبيت زهره صاحبتش كلهم خلهم يجو يستانسوا وعلى عمري, واني باقول لأختي أم مازن وأخوي رضي
أبو جاسم: خلاص قولي ليهم وانا باقول لأختي أم عبدالعزيز وأولادي, أخوانكم
أم جاسم: ايه أكيد قول ليهم أصلاً اني ماني متحركه من هني إلا بهم أمبى أشوفهم ونستانس و.....
وقاطعتها فاطمه بحزن وهي واقفه: أني مابروح
ساره: واني بعد مابروح, روحوا أنتوا (وتوهم واقفين مشان يروحوا غرفهم إلا وقفهم صوت أبوهم)
أبو جاسم بصرامه: عشان أخوانكم بيروحوا أنتوا هونتوا..؟؟؟؟
أم جاسم بعصبيه: واخزاه منكم جذي أني ربيتكم؟؟؟؟؟؟؟
فاطمه ومتضايقه: أبوي أنت تعرف رأينا في الموضوع وتعرف موقفنا كلنا منهم,
يعني ماله داعي نكرر نفس كلامنا كل مره, (وبنبرة ترجي) بليييز أبويي الله يخلييييك إذا تحبني أني وأخواني لاتجيب طاريهم قدامنا
أم جاسم ومعصبه: لاااااا حلفي انتين مع وجهش, هذولا أخوانش وغصباً عليكم بيروحوا معانا
أبو جاسم وعصب: هذولا أخوانكم من لحمكم ودمكم هذلا عزوتكم واللي راح يبقوا ليكم من بعد عيني أنا وأمكم
فاطمه ونزلت دموعها: أسم الله عليكم بعيد الشر, بعد عمراً طويل أبوي لاتقول جذي (وقامت تصيح)
أبو جاسم وكمل كلامه: صديقاتكم عادي إنكم تعزموهم بس أخوانكم لااااا يعني وش هالتفرقه هذي..؟ يعني أصحابكم أحسن من أخوانكم هااااااااه
ساره: ابويي أحنا مانقدر نتقبلهم نسيت وش صار في الماضي
أبو جاسم بصرخه هزتهم: في الماااااااااااااااااااااااااااضي مو ألحييييييييييييين..!!!!!!!
فاطمه وانهزت من صرخه ابوها: بس لو كان هني حسن وجاسم بيكون رآيهم مثلنا
حسن وجئ من بره وحالته حاله من الكوره والغبره: بتعملوا إيييييه..؟
(ولاحظ أن الجو متكهرب وخاصة لما شاف فاطمه تصيح)
وش صااااااااااير..؟
أم جاسم بنرفزه: تعال اقعد بدون صوت
حسن ورفع حاجب: افااا الوالده معصبه خخخخخ
ابو جاسم بصرخه: حســــن تمبى تقعد هني تقعد بدون هرج تفهم
حسن وبلع ريقه: انشالله
أم جاسم: وش هالخناقه..؟ حالتك حاله قووم أسبح قوووووووووم
حسن: اماه امبى اتهوى شوي خليني
ابو جاسم: والحين..؟ للحين على رآيكم ماغيرتوه!!!!!!!
فاطمه وتمسح دموعها: أبويي الله يخليك, لاتقول ليهم
ساره: ابويي خلاص احنا مو موافقين على جيتهم ومانبي نشوفهم, هم لو يحبونا كان صار ده الشي من سنين مو ألحين!!!
حسن في داخله (عــدل السالفه فيهم أخواني خخخ وانا اشوفهم في حرب)
أبو جاسم: هالمره بس مابي أضغط عليكم, لإني مابي اسبب مشاكل بينكم وخليكم تكرهوا بعضكم أكثر
أم جاسم وماعجبها الكلام: يوووووووه لويش تأخذ على كلامهم جه هذولاك مو أولادك زي ماهذولا أولادك
فاطمه وجلست جنب أمها: أماااااه لاتصيري ضدنا
ساره: أماه خلاص احنا مو موافقين لا تخلينا نكرهم أكثر من جذذذي
ابو جاسم وهو قايم: خلاص انتهى الموضوع والاسبوع الجاي بنروح بدونهم (وركب غرفته)
حسن وراح لساره: وش صاير عفرر ( وقالت له أخته كل السالفه)
حسن ورافع حاجب: أنا أشوف إن ماله داعي هالمناحه دي كلها, ويعني لو جو ويانا.؟؟؟ هم في حالهم وإحنا في حالنا
فاطمه بعصبيه: اقوووول حسن حبيبي سكر على الموضوع أحســن, ترى بجد انغثيت من السالفه دي أووووووكي (وراحت غرفتها)
أم جاسم ولسه معصبه: الجاهل يفكر أحسن منكم يالضباره (الضباره = الكبار)
حسن: هع هع هع
................................................