صُدْفَه خُلِقَتَ لِتَجْمَعُنَا

[المحرومه]

....................................
أم مازن كانت تنظف الصاله انتبهت على أحد داخل الصاله وألتفتت له ومن شافته أبتسمت بفرحه: هلااااااااااا يالغالي شحوالك وشحوال سوسن
رضي ببتسامه: هلا فيش خيوه احنا بخير نسأل عنش والله
أم مازن: سألت عنكم العافيه ياغناتي
(وهني جت ريناد ولابسه ومخلصه) هاااااااااي خالوو يلا اني جاهزه
رضي: أنزين أنتظري أسولف ويه امش من زمان ماشفتها
ريناد وعصبت: اوهوو خالي بتأخر جذي
(رضي أعطاها نظره خلتها تخاف وقالت إنها بتروح السياره تنتظره)
رضي: إلا وين مازن ماشوفه
أم مازن وضاق خلقها: توه جاي من الكويت ويه صاحبه وعلطووول خمد
رضي: هذا متى يعقل اللي كبره الحين يشتغلوا في أحسن الشركات ومتزوجين بعد وهذا كل ماجئ له يصغر
(وظلوا يسولفوا 10 دقايق وريناد مفوووووووحه في السياره)
.........................
في مكان تواجد محمد بـ أمريكا
كان جالس بمقهى مع صديقه ساري (ساري من عمر محمد أمه كوتيه وأبوه سعودي)
ساري: مادري كيف بنعيش في هـ الدوله المتوحشه سنين احس أن إحنا بنختنق
محمد: أي والله صدقت, بس تدري الحياة صعبه هني مو هينه زي ماتوقعنيها قبل مانجي , بالأول كنا نحلم بهذي الحياة, نحلم بالحريه, نحلم نعيش بغربه ونعتمد على نفسنا, بس كل شي طلع عكس تمنيناه, الحين أحنا متحسفين قد شعر روسنا
ساري وتنهد: يلا كل شي عشان المستقبل يهوون, خلنا نصبر ونأخذ الشهادة ونروح علطووول البلد, انا عندي الحكره هناك ولا الحريه هني
محمد: يلا نصبر ياخوووك
وهني بس لمح محمد بنت جالسه مع بنات قريب منهم ولما دقق في ملامحها عرفها وابتسم علطوووول
ساري: ويش عندك تتبسم..؟
محمد وأشر بصبعه بس من غير ماحد يلاحظ: شفت هذيك البنت اللي لابسه حجاب وردي
ساري ويناظر مكان ما أشر له محمد: ايوه هذيك اللي تضحك
محمد: بالضبط
ساري بإعجاب: لاتقولي هذيك البنت هي نفسها اللي صدمتها ذاك اليوم
محمد وسرحان بملامحها: ايوووووووه هي
ساري ولسه يناظرها: لا تقوووول, وااااااااو قطعه ويش هالجمااااال بصراحه ماتوقعتها جذي
محمد وتنهد: قمــر
ساري وعقد حواجبه: لا يكوووون بس ...........
محمد ولسه سرحان فيها: أي معجب
ساري بنفعال: وســـــــــاره ........!!!!!!!
محمد وناظر صاحبه: ساره هي صح حبيبتي بس ماقدر أرتبط فيها, فيه حواجز واجد تخليني أتراجع عن هذي الخطوه
ساري وعصب: مدام هذا كلامك ليش معلق البنت وياااااااااااك هاه, والله ماتوقعتها منك يامحمد إنك تكوون لعّاب, كل هذا يطلع منك
محمد وتنرفز: سااااري وش فيك أنت أكلتني بقشوري ترى, أنا ماقلت شي وبعدين حرام ساره اعلقها ويايي سنين وبعدين يمكن تكون من نصيبي ويمكن لأ وبعدها أخلي البنت تعنس مكانها
ساري حده معصب من تصرف وكلام صاحبه: وليش مافكرت بهذي الأشياء قبل ماتقول ليها بـ مشاعرك إتجاهها, وبعدين ليش مافكرت بيوم إن هذي الإنسانه راح تظلمها, توووك ألحين واعي على هالشي توك الحين حااااس , توه ضميرك صااااااااااااااحي
محمد: الحين انت ليش تدافع عنها جذي, وبعدين أنا ما صار بيني وبين هذي البنت شي عشان تعصب
ساري ووقف متنرفز حده: انا ويه الحق ولا أظن إن كلامي فيه غلط
هالأيام انا واجد أسمع عن الشباب اللي يركضوا ورى البنات ويعشمونهم ولما البنت تسلم ليهم مشاعرها يشوتوها والظاهر يامحمد انت واحد من هالشباب الخاااااااايس, انت ماتخاف في يوم من الأيام يصير مصير أختك مثل مصير ساره المسكينه..!!!
محمد وقام يصارخ بس بشويش: لو كان عندي أخت والله لأربيها أحسن تربيه وامي وابوي ماراح يقصروا معاها
ساري وفلتت اعصابه: يعني تعتقد إن كل البنات ناقصين تربيه .!!!!
صحيح يامحمد طحت من عيوني ترضاها لبنات الناااس ولا ترضاها لأختك
ماتوقعتك أبد جذي تلعب على مشاعر بنات الناس, بس تدري في النهايه راح تندم وراح تعرف قدر اللي سلمتك قلبها وحطته عندك أمانه, لو ساره مو مربيه صح زي ماتعتقد كان ماتعاملت معاك بحدود الأدب وقالت إنها راح تستناك طول العمر, ولا تنسى يامحمد ساره اخت صاحب أخوك حسين يعني تأكد إنها من عايله محترمه
محمد: ساااااري ويش هالكلام هذا, ارجوووك لاتجيب هالطاري مره ثانيه وساره انساها لإني بكل بساطه راح انساها لان ماتناسبني
ساري ومشى بس قبل ما يمشي ألتفت لمحمد: الحين ماتناسبك, وين كلامك لما وقفت معاك وقفات ماحد ينساها ولا أحد يوقفها , الحين عشان بنت لا تعرف أصلها من فصلها تبيع حبيبتك بكل بساطه حساااااااااافه يامحمد (ومشى تارك محمد في دوامه من افكاره بس ماسرع ماتغير مزاج محمد ومشى مقرر إنه يكلم البنت هذي)

كانوا البنات قاعدين يسولفوا وطبعاً هم من مختلف الدول لإن يبان عليهم اللي متحجبه واللي فري واللي لابسه ساتر واللي لابسه مره عاري
محمد ببتسامه تطير العقل وهو يناظرها هي بالتحديد: هااااااااي
البنت: هاااااي (وعقدت حواجبها) تعرفني..؟
محمد: أكيد أنتي اللي صدمتش ذيك المره بالطريق
(طبعاً البنات عواينهم على محمد لإن وسيم وجميل مررررررررره ويبان عليه إنه غني ولد عز)
البنت: أيوه تذكرتك ياهلا
محمد: كنت مع صديقي ولمحتش من بعيد قلت أجي اسلم
(البنت أكتفت ببتسامه خلت محمد يذوووووووووووووووب)
محمد ورد ليها الإبتسامه: مصّره ماتقولي ليي أسمش
البنت: اسمي عهود وانت..؟
محمد وفرحان على تجاوبها: محمد من القطيف
عهود: اني من البحرين بس ساكنه بالسعوديه
محمد وفررررح: أجل أنتين جارتنا
عهود: ههههههههه ايوه
محمد: تشرفت والله بمعرفتش ممكن أخذ رقمش ونكون على تواصل
عهود: نو نو نو ماقدر
محمد وضاقت فيه الدنيا: ليش..! طيب أيميلش
عهود: اذا ايميلي أوكي (كتبته في المنديل الموجود على الطاوله وعطته وياه وهو قمه من فرحه)
محمد وابتسم لها: أوكي مشكووووره على الثقه واليوم انشالله راح اضيفش انا ايميلي ××××××××
عهود: أوكي (وابتسمت له)
وبعدها مشى من عندها وهو طاااااااااااااااااااااااااااير من الفرح
(بلحظه باع حبه اللي كان سنتين واكثر وأعجب في بنت ماعرف كيف أخلاقها) <<هذا هم الشباب اللي مايخافون ربهم بسرعه يحبوا حُب عابر وبسرعه ينسوا

....................................