.................................................. .....

مر يوم الجمعة بسرعة وجئ يوم السبت يوم دراسي للكل <<أكرهه وخاصة إذا قعدت من النوم غصب خخخخخ
رن منبه جوال زهرة على الساعه 5 ونص الصباح
زهره وأوتعت من النوم منزعجة: أوووووه والحل ويه هالمدرسة يعني لآزم نقعد من صباحة الله خير أفففففففف كان زين لو في دراسه الليل كان بجد راحه
زهره وتتحرطم بعد ماقامت بصعوبة: أفففففففف لو أني زي ايمانووه لا شغله ولا مشغله، نايمه في سابع نومه تصقعها صقاع <<حاسدين الفقير على موتت الجمعه
( غسلت وجهها وتمسحت وصلت وبعدها أخذت الإستشوار واستشورت شعرها على الطاير ومشطته ولبست مريولها وجزمتها (والجميع بكرامه) وحطت من عطرها كوكو مودموزيل)
في هاللحظة أندق عليها الباب
علي من ورى الباب: زهروووه خلصتي لو بعدش
زهره: هلا علي, أيه أداني جايه وراك
علي: أنزين يلااا لا تتأخري, ألحين الساعه 6وربع
زهره: أوكي

" راح علي لسيارته Toyota Camry SE 2.4. 2007 اللي أعطاه إياه عمه صالح عشان المظاهر الكذابه بس, ركبها وشغلها عشان تسخن على ماتجي زهره "

بعد 5 دقايق نزلت زهره وقاعده تتنطط وتغني, فتحت الباب ودخلت السيارة وهي بعدها على حالها
علي ورافع حاجب: الحمد الله والشكر أحد يغني من صباحت الله خير
زهره بتطنيش: عاااااااادي أخوك لا تكبر السالفة
وظلوا مناقر ألين ما وصلوا المدرسة
طبعاً زهره وفاطمه وريناد يدرسوا في نفس المدرسة
(المدرسة الثانوية الأولى بالقطيف)
ولا بعد كلهم في فصل واحد عشان الخراب والدمار خخخخخخخ
" الله يعين المعلمات عليهم "
توها بتطلع من السيارة إلا وفاطمه جت ليها من ورا وخلعتها
زهره ومختلعه وحاطه إيدها على قلبها: الله يلعنش تونا صباح خير خلي الهبال بعدين
فاطمه: خخخخخخخخخ عادي عادي
ودخلوا ثنتينهم داخل المدرسة بعد ما وصل ضحكهم لأخر الشارع, وطبعاً علي قبل ما يمشي سمع ضحكهم العالي وتحلف في زهره, (بعدها مشى راح لشغله)

.................................................. ....

من جهة ثانيه كانت ساره تنتظر سواقها لحد الحين ماجاها
( طبعاً ساره سواقها غير فاطمه أختها مع إنهم في نفس المدرسة إلا أن ساره رفضت تكون معاها لأن تعرف هبالة أختها وحركاتها )
ساره بقهر: أفففففففففف وهذا النحيس ما جاني لحد ألحين, نقعني في الشمس, والحل وياه, ماليي إلا أتصل عليه
دخلت داخل البيت وأخذت جوالها من غرفتها ودقت عليه لكن ما في فايده, يرن بس ما يرفع
ساره وعصبت من قلب: هيين ياطلالووه تحقرني ولاتمر عليي بعد, هالخايس روّح عليي الأمتحان لكن ماعليه
صفعت بالجوال على السرير وبدلت مريولها وردت نامت

.................................................. ....

( في المدرسة قبل الطابور وبالتحديد الفصل )

زهره: فطيموه وش فيها رينادوه ماجت للحين..؟
فاطمه: وش دراني عنها, أما لوتطلع غايبه كان أكفخها
ماشافو إلا وحده جايه وصافعه بالباب
.......... : تحشو في من؟
فاطمه مختلعه: بسم الله الرحمن الرحيم, طيح الله حظش خلعتينا
زهره ونفس الشيء مختلعه: انعالله وجهش يالسباله هاذي سوآيا تسويها شعري طفر من الخلعة
ريناد: هههههههههههههههههههههههههههههههه والله أشكالكم تضحك وأنتون مختلعين ولا عاد زهرووه كأن شافطنها كهرب
تررررررررررن تررررن <<صوت الجرس (الطابور) خخخخ
فاطمه ومنقهره: هاا شفتي يانحيسه تأخرتي ودكو صفرت مامدانا نتكلم ونحش
ريناد: وأنتين كل حش في خلق الله
زهره: يلااااا قوموا بس
ريناد: إي صح قوموا لا تهزئنا كتكوت
زهره وفاطمه بصوت واحد: من هي كتكوت..؟!
ريناد وفاطسه ضحك: هههههههههههههههههههههههههههه المشرفة في غيرها
فاطمه وزهره من سمعوا جذي تدحنوا من الضحك, بعدها نزلوا وهم يتسابقوا <<خبلان ماينشره
مر الوقت بسرعه وأنتهى الدوام والكل راح بيته
.................................................. ......
(في بيت أبو جاسم وبالتحديد غرفة ساره)

كانت نايمه في سابع نومه ما شافت إلا وحده داخله غرفتها وصافعه بالباب
ساره وقامت مفزوعه: وش صااااااااااااااااير <<مسكينه مختلعه
فاطمه ومتخصره: حق ويش ما جيتي المدرسة اليوم..؟ نذاله هي..؟
ساره: بلا غباء كله من طلالووه الدبه ما جاني خلاني أتنقع في الشمس
فاطمه: حجه في حاجه, وبعدين والله ماحد ضربش على إيدش وقال لش ماتروحي وياي في نفس السواق
ساره: ويييييييع تمبيني أروح ويااش في سواق واحد عشان تفشليني, بصراحه ماأتحمل هبالتش قدام الناس
فاطمه وعصبت: عجل تستاهلي أكثر من جذي ( بحلست عليها وصفعت بالباب وراحت غرفتها )
أما ساره بعد الخلعه تأكدت إن ماراح يجيها نوم فقامت تسبح وتنزل تحت تقعد مع أهلها قبل الغذا
...........................................
في سيارة علي راجع البيت مع زهره
علي ومنرفز: ياهبله لويش في المدرسة يوم بتدخلي قمتي تضحكي بقوه أنتين واللي معاااش هاااااااااا...؟؟
زهره وتتعيبط: أني..! أصلاً ماذكر إني ضحكت
علي: لا والله ومن هي هذي اللي كانت وياش..؟
زهره: هاااا إيه هذي فاطمه صاحبتي
علي: أوه فاطمه الـ......... صاحبتش اللي أخوها جاسم..؟!
زهره ومتفاجئه: ليش أنت تعرفه..؟
علي: مره شفته مع شباب يعرفوني وسألتهم وقالوا لي أسمه وطبعاً عرفت إنه أخو صاحبتش من نفس العائلة, وغير جذي يوم الخميس تقابلت معاه في باسكن ورحت سلمت عليه وكانت معاه أخته بس مدري منهي هي
زهره: أهااا أكيد عجل هذي فطموه لإنها تمووووت على شئ أسمه باسكن
علي: أممممممم , (وبعد ثانيه تكلم) بس مره ثانية إن شفتش تضحكي في طريق أو أي مكان شقيت حلقش فاهمه
زهره وخافت: أنزين

( ووصلوا البيت ونزلوا )
.................................................. .............

العصر الساعه 4 ونص
ايمان كانت بغرفتها وقاعدة على السرير وزهقانه حددددها
أفففففففف ملل وش هالحاله, كل يوم نفس الروتين طبخ ونفخ وتنظيف وحريقه زهقـــــت
وتكلم نفسها ( ليش ما أدخل الدردشة يمكن ألاقي ذاك الولد وأقعد أتكلم معاه وأتسلى شوي بدل قعدتي في هالملل, بس تعاااال هذا ولد والمفروض إني ألزم حدودي, لا لا أصلاً أني خوب بتكلم وياه كتابي ماراح أكلمه بالصوت )
وأخذت اللآب توب ودخلت الشات علطول بنفس النك نيم
" دورته بس مالقته موجود "
ايمان وتكلم نفسها: ياربي هذا مو موجود والحل..؟ , تدري أطفيه أحسن ليي
وتوها بتطلع إلا وتشوف المستطيل الأصفر يطلبها << أقصد إن كلمها خاص
ايمان إستانست من قلب ليش ماتدري وعلطول كلمته
فاقد الشئ لا يعطيه: هلا والله باللي وحشونا
سأقتل الملل قبل أن يقتلني: هلا بيك شخبارك
فاقد الشئ لا يعطيه: بخير جعلك بخير
سأقتل الملل قبل أن يقتلني: تعال ماقلت لي أنت أسمك وشو..!
فاقد الشئ لا يعطيه: أسمي عبد الله وأنتي..؟
سأقتل الملل قبل أن يقتلني: عاشت الأسامي, بس أني ماراح أقولك أسمي
فاقد الشئ لا يعطيه: أفااا بس أفااا ليش طيب, أقلها أسمك المستعار شئ ماشيات
سأقتل الملل قبل أن يقتلني: سميني شوق
فاقد الشئ لا يعطيه: أحلى الأسامي شوق
سأقتل الملل قبل أن يقتلني: تسلم
فاقد الشئ لا يعطيه: أمممممممم ألحين أنا مضطر إني أطلع لإن توني جاي من الجامعة, ممكن إذا حابه تعطيني إيميلك, وبصراحة أنا أرتحت لش واجد وودي أني أتكلم وياش أكثر وكلامنا بيكون أخوّي من أخ لأخته
ايمان في نفسها " يوووه والحل هذا يمبى إيملي "
أعطيه وياه لا لا لا مو عدله, أففففففففف مالي إلا أملوه راح أتصل عليها وأشوف وش رأيها..!
وفعلاً أخذت جوالها ودقت على أمل
أمل: مرحباااا
ايمان ببتسامه: هلا ومرحبا شخبارش
أمل: تمام وأنتي كيفك
ايمان: تمام, أسمعي تذكري فاقد الشئ لا يعطيه..؟
أمل: وهذا شئ ينسي, طبعاً أذكره معذب قلوب البنات خخخخخخ
ايمان: كلمني ألحين وطلب ايميلي, أملوه ماني عارفه وش اسوي محتارة أعطيه وإلا لأ
أمل بنفعال: شئ أكيييييييييييييد تعطيه وياه ومن غير أي تردد
ايمان بحزن: بس أحسها مو عدله و........
أمل وتقاطعها: ياغبيه حاصل لش واحد ثقل مثله ومعذب اللي في الشات, والله لو طلب ايميلي ماترددت لحظه وحدة يامصفعه
ايمان وشبه اقتنعت: أنزين يلا باي
أمل بفرحه: بايات وخبريني عن التفاصيل (وسكرته)
فاقد الشئ لا يعطيه (عبدالله) باح صوته وهو يكمها ولا شاف منها رد: ألوووووووو شوووق وينش, ليش حاقرتني
سأقتل الملل قبل أن يقتلني: هلا سوري بس كنت أفكر في اللي طلبته
فاقد الشئ لا يعطيه: إذا مو موافقة عادي ترى ما أجبرك
سأقتل الملل قبل أن يقتلني: لا عادي أني راح أعطيك وياه بس أمانه أوكي
فاقد الشئ لا يعطيه: أوكي ولا يهمش
سأقتل الملل قبل أن يقتلني: xxxxxx@hotmail.com
فاقد الشئ لا يعطيه: أوكي الحين راح اضيفك يلااا باي وانتبهي لنفسك
سأقتل الملل قبل أن يقتلني: يلااا باي (وسكرته)
ايمان حست بإحساس الذنب مع هذا حاولت بقد ماتقدر إنها تتغلب على إحساسها..
...........................................