صُدْفَه خُلِقَتَ لِتَجْمَعُنَا

[أحلى زهر]

خيتي المحرومة


يعطيكـ ألف عافية



اجزاء في قمة الروعة



انا هنا من المتابعين


صار لك زمان خيتي لا تطولين علينا

[المميزة]

رووووووووووووووعة بانتظار الاجزاء الباقية

[اول دمعة]

اللهم صل على محمد وعلى آل محمد
وينك أختي المحرومه من زمان ونحن ننتظر الاجزاء الباقيه من القصه
شكلك ما تبغي اتكملي القصه نتمنى ان ما يكون في شي يمنعك
انك تحطي الينه بقية الاجزاء و عسى المانع خير انشاء الله
مع خالص تحياتي لكِ
ودمتي في حفظ الباري

[المحرومه]

عذراً لـ تأخري هذا

فـ اللذي منعني من التواجدُ هُنا

هو عذراً طبياً

منعني الطبيب من التواجد على جهاز الكمبيوتر لأسباباً ما

وها أنا أعودُ من جديد لكي أكتبَ لكم الأجزاء الباقيه وأعوضكم عن تأخيري

أول دمعه - احلى زهر - المميزه

أعذروني

أسعدني تواجدكم هُنا

وأشكركم على تشجيعكم لي

لاحرمني الله من تواجدكم العطر

تحياتي لكم

[المحرومه]

ها أنا أعودُ من جديد بـ الجزء الثالث

متمنيةً من الله أن ينال ولو بـ جزء بسيط على أعجابكم

لاتبخلوا علينا بالردود

/

\
/

شكر خاااص للذين شجعوني ودعموني لكتابة المزيد

لكم مني كل التقدير والإحترام

الجزء الثالث:

ساره: هناديوه يلا علميني له
هنادي وتلف الاب توب على جهتها: يلااا شوفي (وقعدت تعلمها من الألف للياء)
" وبعد جهد جهييييد "
ساره: بسيييييييييييط حده
هنادي ورافعه حاجب: بعد ويه صار بسيط من صاقعه تصقعش
ساره: هههههههههههههههههههههههههه ,وش اسوي بعد توني نيوو على المنتديات وش عرفني
هنادي ببتسامه: يلا عجل دكوو عرفتي كل شئ ماعليش إلا إنش تدخلي وتكتبي مواضيع وتردي على الأعضاء أوكي
ساره وتغمز ليها: أوووكي

جئ الليل والكل رجع (العمه ابتسام وهنادي وندى)
ساره أخذت اللاب توب وقعدت على المنتدى أول شئ سوته زي ماقالت ليها هنادي إنها تكتب ترحيب (وكتبته)
وبعدها قامت ترد على المواضيع اللي يعجبوها في مختلف الأقسام

وبجذي مرت الايااااااااام تقريباً إسبوعين, والكل عرفها في المنتدى وصارت مميزه والكل يعرفها بخفة دمها ومشاغبتها مع هنادي اللي مسجله بنفس المنتدى بعد,
في يوم من الايام
كانت ساره قاعده على المنتدى تتصفح المواضيع الجديده كعادتها
وبلحظه جتها رساله على الخاص
ساره وعاقده حواجبها: من ذا اللي راسل لي على الخاص؟؟!!
خلني افتحها يمكن الخبله هناديوه (وفتحتها)
ساره وجلست تقرأ العنوان والمرسل: ليش راسل لي هذاا ووش يمبى؟؟!
(فتحتها وبدت تقرأ)
( السلام عليكم.. كيف الحال انشالله بخير
أسف على الإزعاج ..
أممممم أنا لأول مررره أرسل على الخاص لأحد وأتكلم معاه
إنتين أكيد تعرفيني في المنتدى .. إني ماتكلم ونادر إن شفتيني مع أحد
وكله بس أحط مواضيع وأرد وأطلع يعني مالي بأحد ولا شئ ..
فأنا بصراحه أبي منش شئ ومستحي مررره .. لإن يمكن إنش ترفضي طلبي بما إنك ماتعرفيني أبد
بس صدقيني أنا أعجبت فيش وفي إسلوبش وبكل شئ فيش حتى إحترامش مع الكل والحدود اللي تلتزمينها بالكلام مع أي أحد
بإختصااااااار
أنا أبي أكون أخ لش وأتكلم معاش وأفضفض لش .. لإني محتاااااااااج أحد يسمعني ويتكلم معاي
تكفي خيوه مابيش ترديني.. أرجوووش لاني بجد محتاااااااج أتكلم مع أحد
وأنا أخترتش بالذات لإنش الوحيده اللي عجبني أسلوبها بالكلام ..
أحم أمممممممممممم أبي إيميلش إذا ماكان عندش مانع وشكراً جزيلاً
أتمنى ألاقي منش رد
أخوش " شايل جروحي بروحي "

ساره وحكت رأسها من شدة الإستغراب: وش يمبى ذااا, ياربي ويش اسوي فيه أففففففففف والله بلوى
شوي إلا ردت عليه
(وعليكم السلام أخوي أنا بخير
بصراحه فاجئني طلبك ومحتاره ومتفاجئه ليش أخترتني أنا بالذات؟؟!!
وبصراحه أكثر أنا مالي معاك أي صلة قرابه كيف تبيني أكون أخت لك وقريبه منك .. السموحه ماقدر)

وبعد ثلاث دقايق وصلتها رساله على الخاص وعلطول فتحتها
( أرجوووش خيوه أنا محتاااااج أحد أتكلم معاه بليييييز لا ترفضي طلبي .. وربي أنا مابي منش أي شئ مجرد إنش تسمعيني .. أنا أتعذب ومالي أحد في هذي الدنيا أرجووووش حني عليي وأسمعيني .. وإن قليت أدبي معاش وتعديت حدودي احذفيني..
بلييييييييز وربي محتاج لأحد يسمعني وأفضفض له .. أنا ماعندي أحد في هذي الدنيا جد أحس نفسي أموووووووووووووووووت)

نزلت دموع ساره بمجرد قرائتها لكلامه حست بصدق بين سطوره المعبره
عورها قلبها عليه واااااجد حتى إن خلاص اتخذت قرارها النهائي.......
ساره وتمسح دموعها اللي تنزل مثل المطر: ياربي بجد عور قلبي خلاااص اني لازم اتكلم معاه حرررررام والله حررررررررام ماله أحد اكيد يتيم .. ابعطيه ايميلي وإن حسيت إنه كذاااااب ومو صادق علطول بعطيه ديليت وانا ماني متكلمه معاه إلا وأنا بصفتي أخته مو شئ ثاني ايه خلاااص بعطيه ايميلي
(شوي إلا ورسلت له ايميلها وهو علطول ضافها)

[المحرومه]

(شوي إلا ورسلت له ايميلها وهو علطول ضافها)

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : <<شايل جروحه بروحه
السلام عليكم
·$15يكفـي إن عيني ·$(255,069,060)// دمعـت // .. ·$15يكفي شـفتك فوق جرحـي ·$(255,069,060)[ تبتسـم : ]<< ساره (رومنسيه بس منسيه)
اهلين وعليكم السلام

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : السموحه أكيد ضغطت عليش وانتين رافضه بس صدقيني أنا محتاااج اتكلم مع أحد وربي ,أحس نفسي بضيييييييع إن بقيت بدون إنسان يسمعني ويساعدني ويوجهني لطريق الصح

·$15يكفـي إن عيني ·$(255,069,060)// دمعـت // .. ·$15يكفي شـفتك فوق جرحـي ·$(255,069,060)[ تبتسـم : ] لهدررررجه!!!

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : أنتي ماتعرفي وش قد عذااااااابي..

·$15يكفـي إن عيني ·$(255,069,060)// دمعـت // .. ·$15يكفي شـفتك فوق جرحـي ·$(255,069,060)[ تبتسـم : ]طيب تكلم أني أسمعك ..قول.. فضفض.. مو أنت أعتبرتني أختك يلااا أني كلي لك وأسمعك

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : أنا أسمي محمد عمري 21 سنه..قاعد بالبيت..رافض إني أشتغل لإني مقدم على برنامج الإبتعاث لأمريكا وأنتظر النتيجه..حياتي عاديه جداً..أحس بالغربه حتى مع أهلي..أحس إني ضايع في حياتي بجد أحس نفسي ضايع..ماعندي أحد ينصحني ولايقول لي وين الصح..حتى ماعندي أحد يوقف معاي ويساعدني..أحس نفسي وحيد في هالدنيا..أبي من يمسح دمعتي ويطبطب عليي ويهديني ويصبرني..حتى أقرب الناس لي بعدو عني عشان أشياء تاااافهه

ساره من لما قرت كلامه عورها قلبهااااااا واااااااااجد حتى دموعها نزلت
الإنسان ذا عور أفادها وحست من كلامه إنه من جد يبي من يوقف معاه
ساره ودموعها تطيح من شدة التأثر: ياررررربي معقوله في ناس عايشين جذي..حتى أهله يحس بالغربه معاهم يالله لهدرررررجه..
شوي إلا شافت محمد طالبها على المسن

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : شكلي خيه غثيتش بكلامي السموحه وعن إذنش مع السلامه

·$15يكفـي إن عيني ·$(255,069,060)// دمعـت // .. ·$15يكفي شـفتك فوق جرحـي ·$(255,069,060)[ تبتسـم : ]لااااااااا أخوي وشدعوه عاااد وش هالكلام هذا..أني سكت بس لإن أهلي كانوا معاي وماعرفت أرد عليك

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : بس أنا صج غثيتش بكلامي السموووحه خيه

·$15يكفـي إن عيني ·$(255,069,060)// دمعـت // .. ·$15يكفي شـفتك فوق جرحـي ·$(255,069,060)[ تبتسـم : ]لااااااا وشدعوه عاد أخوي..أنت تكلم وفضفض وأني بسمعك بكل رحابة صدر وتأكد إني بكل ماأقدر عليه راح أساعدك..أني صحيح ماعرفك إلا توني بس حسيت بالصدق والراحه من كلامك

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : تسلمي خيه وهذا يدل على طيب أصلك..أنا ماعندي خواات بس أنتي بحنيتش وطيبش وبوقفتش معاي راح أعتبرش أختي وأعز..أختي اللي ماجابتها أمي

·$15يكفـي إن عيني ·$(255,069,060)// دمعـت // .. ·$15يكفي شـفتك فوق جرحـي ·$(255,069,060)[ تبتسـم : ]ألحين صحيح ماعندك خوات؟؟!!

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : إيه والله ماعندي خوات أبد..بس عندي أخو واحد وأكبر مني بسنه عمره 22 سنه

·$15يكفـي إن عيني ·$(255,069,060)// دمعـت // .. ·$15يكفي شـفتك فوق جرحـي ·$(255,069,060)[ تبتسـم : ]أهااا وعلاقتك معاه أوكي وإلا لأ؟؟!

[c=1]ناس.°.[/c][c=14][تضحك][/c][c=1].°.وناس[/c][c=14][تصيح][/c][c=1].°.أهـ[/c][c=14][من][/c][c=1].°.الزمن[/c][c=14][الغريب][/c] : علاقتي معاه ياطويلة العمر جداً عاديه هذي الفتره..بس لما كنا صغار كانت علاقتي معاه روح في جسدين

وظل محمد يتكلم عن حياته وعن نفسه وساره كانت المستمعه وتحاول إنها تسانده وترفع من معنوياته بقد ماتقدر
ومرت الأياااام وكلاً من محمد وساره في تأقلم..كل يوم يكلموا بعض مسنجر والأثنين مرتاحين من بعض ومستانسين من هالأخوه اللي كانت تربطهم
وفي يوم جئ محمد وصارح ساره بمشاعره المفاجئه اللي أفحمت ساره وقتها وخلتها مثل الصنم من شدة ماهي متفاجئه ومصدومه
سكتت عن الموضوع وحطت حاجز لهالمشاعر دي اللي ماتدري كيف تطورت
لكن محمد مايأس وصار كل يوم يقنعها بعلاقتهم وبحبهم البرئ اللي راح تكون نهايته الزواج
ومن كثر ماصار يفتح إياها الموضوع
تفجرت العواطف عند ساره وصارت غصباً عنها تحبه وماتقدر تستغني عنه
وبجذي تطورت علاقتهم من علاقه أخويه إلى حب (من حبيب إلى حبيبته)
وبعدها طلب محمد رقم ساره وساره طبعاً بما إنها تحبه ما مانعت وعطته إياه بكل رحابة صدر
وشوي شوي طلب منها إن يشوفها وهي من زود ثقتها فيه علطووول حطت صورتها بالمسنجر
وبعدها هو رسل ليها مجموعه من صوره
وبجذي أثنينهم شافوا بعض وإعجبوا أكثر وزااااد حبهم أكثر وأكثر
وكبرت علاقتهم شوي شوي حتى إن ساره دائماً تشجعه على إنه يحسن علاقته مع أمه وأبوه وبالفعل قدر إنه يستسمح من والدينه وإنه يسترجع علاقته معاهم وهذا كله يرجع لله ثم ساره وإلحاحها ...

وجئ اليوم اللي انقبل فيه محمد على البعثه وصارت الفرحه فرحتين والكل انبسط على الخبر وأكثرهم ساره لإنها تتمنى السعاده لحبيبها وتتمنى إن تشوفه إنسان ناجح وبإيده الشهاده اللي تشرف00

هني بس أوتعت ساره من شريط ذكرياتها مع محمد ونزلت دمعه من عيونها شووووق له ولهفه لإن مر على علاقتهم سنتين بذا اليوم فكان قلبها يشتعل شوووووق وحنين ووله

ساره وتتنهد: ااااااااه يامحمد..ياترى وش راح تكون نهاية قصتي معااااااااك,
كل عام وأنت نبض قلبي يابعد كل هالناس..
(وبعدها طفت الشمعه اللي شغلتها وقامت تستعد إنها تنزل لأبوها وأمها وتجلس معاهم شوي بدل قعدتها بروحها)
.............................................

[المحرومه]

.............................................
في الصالـــه
كانوا أم جاسم وأبو جاسم يشاهدو الأخبار كالمعتاد
نزلت ساره وعلطول طيران لأبوها وأمها وباستهم على جبينهم
ساره: قوه
أبو جاسم وأم جاسم: يقويش ربي
ساره وتقعد على الكنبه وتناظر التلفزيون بملل: أوووه هدويش أنتون كله أخبار 24 على 24 ما استمليتوا له
أبو جاسم بكل وقار لكبر سنه: مو أحسن من هالمسلسلات اللي تشاهدوها وهالبرامج اللي مامنها فايده ولا عايده ولا بعد كل شئ كوم وهالستار اكاديمي كوم فاني(ثاني) كل إختلاط وأغاني ورقص ومسخره وقلة أدب
أم جاسم وتكمل كلام رفيق دربها: اييييه والله هالجيل هذا بس للمسخره وقلة الأدب علطوووووووول ركضه, وييييييييع حتى ويييييييييييييع دام هذا اللي تتابعوه
سارررره ماااتت ضحك على كلامهم وبعدها قالت: أماااه خوب هذي البرامج والمسابقات للتسليه, تسلي الواحد عن الملل اللي هو فيه
أم جاسم: وأنتين الصادقه إلا تغوي الإنسان عن الصلاه وذكر الله عزوجل وتخرب العادات والتقاليد اللي إحنا متعودين عليها من سنين
أبو جاسم: صح كلام أمش, هذولا كفار ومسوين هالبرامج ذي حق يغزو بها أفكار الشباب المؤمنين والمسلمين ويخربوا تفكيرهم ويغيرو عاداتهم وتقاليدهم
ساره بملل: ياربي عورني رأسي من هالمحاضره وش ليي أفتح السيره ذي
خلاااااااااااااااااااااص شاهدو الأخبار وأني بعد باشاهد وياكم هدويش أكلتوني بقشوري
أم جاسم: إيه كلام الصدق والنصايح اللي بتفيدكم هي اللي تعور رأسكم, واللي على حق يصير عدو ليكم يهالجيل..
أبو جاسم: خلاص عاد ماخلصتو من هالمناقر, خلونا نشوف وش بيصير في العراق وش مابيصير ليهم أهوو
ساره بألم: ربي يفرج عنهم انشالله وينصرهم على الأعداء, اللهم آمين
أبو جاسم وأم جاسم بحزن: اللهم آمين
............................................
بالغرفه كانت فاطمة منسدحه على السرير وتفكر باللي صار مع علي
فاطمه وتتكلم مع حالها :
ليش علي يناظرني بهذي النظرات ؟
بالمفروض يستحي أني صديقة أخته ؟
والمفروض بعد يسوي ليّ قدر وحشيمة !! بس ......
يمكن ماقصده شي ؟ وأني ظلمته ,, لاااااااااا أبداً هو كان قاصد يناظرني
اييييييييييه أصلاً نظراته مكشووفه مو عليّ أني
خليني أقوم أشوف سارووه وينه هي اليووم بكبره ماقعدت وياهاااا ..
(( قامت فاطمة ودورت إختهاا بغرفتها بس مالقتها وعلطوول نزلت تحت
وشاافتهاا قاعده مع أبوها وأمها ))
فاطمه وتناظر ساعتها : واااال الساعه 11 ولسه قاعدين امي وأبوي ؟
خلني أروح ليهم ..
فاطمه بصووت عااالي : ياسلاااااااام وش هالخيانه ( وتتخصرر )
ساره وانتبهت لصوت فاطمه : بسم الله الرحمن الرحيم ؟ من وين طلعتي !
أم جاسم : وانتيين ماتعرفي تتنحنحي ؟؟ علطووول فقيتي بووزش ؟
أبو جاسم : يلا عااااااد إلا فطووم حبيبتي ما أرضى عليها حدكم عاد
فاطمة وترمي نفسها بحظن أبوها : إيه هذا اللي فاهمني مو أنتووون ( وتبحلس عليهم )
أم جاسم : فطووم ووجع إنشالله ,, هذا لي هااااا !
فاطمه برتباك : هااااا لا أماااه هذي الى سارووه (تقصد البحلووسه )
وصار الكل يضحك عليها وعلى هبالتهاا ..
وبعدها قاموا وناموا
" طبعاً حسن ماتكلمنا عنه لأنه كان يلعب بلاي ستيشن ومن تعبه نام
مكاانه من المغررب "
.......................................
علي اللي توه واصل البيت ..
فتح باب السياره لزهره وايمان عشان ينزلوا
علي وهو يمسك إيد زهره : ها زهوور صرتي أحسن ؟
زهره بصوتها المبحوح : الحمد الله
بعدهاا دخلوو البيت والكل راح غرفته ينام ويرتاح
من بعد يوم متعب زي هذا
وطبعاً زهره اتصلت على فاطمه وريناد
وطمنتهم عليها ..
..........................................
في بيت أم مازن ..
ام مازن بصريخها : رينادووووووووه ووجع قومي
طفي هالصاقعه التلفزيون وناامي باجر وراش مدرسه
ريناد بتأأفف : اففففففف امااه بعدهييه وقت توها إلا الساعه 12
أم مازن ودقت الصدرر : هذي الي بتذبحني , رينادوووه الوقت متأخر وانتي
تقوولي بعدهيه وقت , قومي تقمقمت اعظامش لا أذفنش اللحين في الزراعه
ريناد بعصبيه : انزيييييييييييييييين عااااد ( ركبت ريناد غرفتها وسكرت بابها بقوووه من كثر ماهي مقهووره )
ام مازن من سمعت صوت الباب نقزت :
حسبي الله عليش يارينادووه كانش بنيه تجيب الضغط والسكرر
توها مخلصه كلمتها الا بدخول مازن ...
مازن : هااااي ( ويأشر بيده ويتمايل كأنه يرقص ) <<يادافع البلاااا
أم مازن :وشوو هااي دي بعد , تعلم الأدب وقول السلام
مازن وهو يضحك : هههههههههههههههه أمااه هاااي يعني مرحبا
بالعربي
أم مازن :وش له تتكلم بالعنقليزي جه انت اجنبي ؟
وش حلات العربي اذا تكلمت
مازن : أووه امااااااااه " السلام عليكم ورحمة الله وبركاته "
ام مازن : ايه جذذي وش حلاتك وانت تنطقها مو من شويه
كانك إلا ويييه !
مازن : إنزيين وينهي رينادووه ؟
أم مازن : راحت تناام جه الساعه كم اللحين تفكر
مازن وهو يتلفت إنتبه على جوال ريناد موجود على الطاوله ,
راح له وأخذه
أم مازن وانتبهت : يووووه ماأخذته وياهااا
مازن : شكلها نسته انا طالع أعطيها ويااه
أم مازن : يلا أني بطلع انام ولا تنسى تتطفي ليتات التهويه والبيت زين
مازن : أأوووووووكيه
حااس مازن في الجوال وطرى على باله انه ياخذ
رقم ساره منه , وفعلاً أخذ يدوور بالاسماء لين مالقاه
وعلطووول سيفه بجواله وطلع لريناد عشان يعطيه وياهاا
ولا كأنه مسوي شي ..
..........................................
مر يومين بدوون ذكر أي احداث لأبطالنا ..
...............
ايمان كان مرره ضايق خلقها حتى إن هي ملت من التفكير
بسالفه عبد الله
ايمان وتدور الافكار براسهاا ..
معقووله اخوون ثقة علي فيني !!
وغير جدي لو درى عمي صالح بالسالفه وش راح يصير فيني ؟
أكيد راح يدفنني واني حيه , واختي زهره وش بيكون
موقفهاا مني ساعتها ؟ أكيد راح أطيح من عيونها !
أأأأأأأأخ وش اسوووي أكلم عبدالله وأكمل ويااه ؟
ولا أأحذفه ؟ ويا دار مادخل الشرر ؟
ليش ما اشبك معاه واشوفه وش يمبى فيني ؟
ماأبي اكلمه علطوول بس ابي اعرف سالفته وبعدين أحذفه ..؟
يعني بيكون الموضووووع عاادي ( وقامت ايمان من سريرها وهي في دوامه من أفكارهاا ونزلت تحت تشرب مااي )
وفجــأه !!!!!
سمعت صوت جررس بيتهم يددق ,,
إيمان وهي رايحه عند الباب ,, من الي جاي لينا في عز الظهر ؟
الله يسترر !!
إيمان : مــن ؟؟
صالح : أنا عمش صالح
ايمان وبدت تتوتر وبقلبها قالت " ياويييلي توني جايبه سيرته ونط لي " :
هلا عمي تفضل (وفتحت له الباب )
صالح : لا كان نقعتيني بعد صار لي ساعه ادق وينكم .؟
ايمان : تعرف عمي اني أجهز الغدا بالمطبخ ومانتبهت للجرس
وعلي وزهره للحين ماجوو من برره
صالح : انزين دشي خليني ادش
ودخلو ثنينهم وقعدو بالصاله
ايمان : تشرب شي عمي ؟
صالح : انا جاي ابي منش شي
ايمان بدت تخاف من نبرة صووته : خير عمي في شي ؟
صالح : جدتش من زمان وهي تحن عليي تمبى تجي وتسكن عندكم
وانا مطنشنها بس بالأخير قررت اجيبهاا ليكم لأن تدري
انتو ماعندكم احد كبير وتحتاجو لأحد معاكم فقلت اجي اليوم واخبركم
عشان تاخذو إحتياطاتكم وتجّهزو لجدتكم غرفه تضفها
هي وقشهااا
ايمان بابتسامه مصطنعه : شدعوه عمي البيت بيتها وبيتك
واذا ماشالها المكان نشيلها بعيونااا
صالح : عجل خلاص خلال هذا الاسبوع هي عندكم
" وهو قايم " يلا انا رايح
ايمان : تو الناس تغذى معانا
صالح : مانا فاضي لش عندي شغال لفوق راسي
ايمان : حياك الله عمي البيت بيتك تجي بأي وقت
وطلع صالح من دون أي كلمه ومشى ..

[المحرومه]

في المدرسه

لما طلعو فاطمة وزهره وريناد من الفصل
سمعوو صريخ كأنه أحد يتشابق
فاطمة عرفت الصووت وقلبها صار يدق
فاطمة : مو كأأنه صوت سااااره ؟
زهره : أي والله
ريناد : امشوو خلنا نشوف وش السالفه ..؟
راحوو لمصدر الصووت ولقوو ساحة حرب قايمه بين ثنتين
والبنات متلايمين عليهم ماشافو الا فاطمه طابه بوسطهم
وهي تصاررخ بصووتهاا العالمي : هيييييييييييييييييي وش صااااااااير
البنت : خذ لك جت الثانيه كملت اللحين
فاطمة بنظرات : نعم نعم نعم يا أخت وش قلتي
البنت : اظنش سمعتي !
ساره : انتين هيييي مالش شغل في أختي فااهمه لا اللحين انعل خيرش
البنت بصرييخ : ها ها ها هزززززززززلت ساره تمد إيدها علي هه
خبتِ الأمل راكبه جمل ..
فاطمة ومااتت من الضحك وقالت باستهزاء :
وش تهرربدي مع هالكشه
وصاروو البناات يضحكوو ويتمسخرو على جملتهاا
البنت وجهها ولع من الفشيله وعصبت اكثر وصارت تصارخ :
شوفي عاااااد انتييين واختش مو مسويين لي حزب اذا اهلكم ماعرفوو ييربوكم اني باربيكم تفهمووو
فاطمة وساره خلاص وصلوو حدهم لأنه جابت طاري
أهلهم : هييي انتييين ياحقيره احترمي نفسش ابونا وامنا
ربونا احسن تربييه محنا محتاجين لتربيتش الوسخه
( وقعدو يتشابقو )
زهره وريناد من لما شافو الضرب قايم تدخلو وصارو مع ساره وفاطمه
( تعرفو عاد مايقدرو يسكتو وهم يشوفو صاحبتهم بهالموقف ولا يفزعو لها )
طول ماهم يتشابقو كل وحده حالتهاا شتى .. اللي تجر شعر الثانيه
واللي ترفس برجولها .. واللي تعطي كفووف .. والحاله قايمه
لين ماجت ليهم المشرفه "كتكوت" وفكتهم من بعد مده من الصريخ
وقفوو كلهم وصارت اشكالهم تموت ضحك كل وحده شعرها قايم
ومنفووش كأن شافطنهم كهررب والشماميخ على افا من يشييل
هزأتهم المشرفه وأجبرتهم يقولو السبب
ساره وتتكلم : اني قاعده امشي ماشفتها الا جايه وتشابقني مدري على وشو
المشرفه : وانتي ليش شابقتيها .؟
البنت : لأنه المعلمه تفضلها علينا وكأنه في الفصل مافي الا هي
واني بصراحه انقهررررت
فاطمة : حلووووووووووه دي عااد
وساره وش دخلهاا انشالله
المشرفه : سكتي انتي مالش شغل
وروحي انتي وصديقاتش عن وجهي
وتدور الى البنت : وانشالله انتي لويش ماتصري زيهاا مميزه بدل الشباق والمهانه هاا ..؟
...........( وبدت المحاظرره ) ..........
وبعدهاا كتبت المشرفه على البنت تعهد بعدم التعرض لأي بنت بالمدرسه
وكل وحده طلعت لمكانها اللي متعوده توقف فيه بنهايه الدوام
ساره شافت الشله من بعيد وعلطول راحت لهم
ومن شافو بعض فجروهاا ضحكه على اشكالهم التحفه
فاطمة بضحكه : صاقعه تصقعها صقاع وش هذااا ولا صبي
حشششششششاااا مجررررفه
زهره : ادرري عنهاا هالسخييفه ( وتحط ايدها مكان الشموخ ) يلعن يومها على دي ايد شمختني السنووره
رينااد وهي بعدهيه ميته ضحك : سكتوووووو اني اكثر وحده تشمخت بوجهي الله يستر من امي بس شكلها بتسوي لي وقايع اليوم
ساره : ياعلي صحيح وش بتسوي اللحين ؟ آسفه رينادووه
ريناد : ويييييييييع مايناسب اقوول سكتي لا اكمل عليش
ضحكووو كلهم
ساره : خخخخخخخ والله ماقصرنا فيهاا ضربنيها ضررب
ماتحلم فيه ..
بعدهاا طلعو كلهم من المدرسه ( طبعاً متأخرين )
علي من زمان واقف ومفووح عالأخرر من تأخير زهره
ومتحلف فيهاا مررررره , شوي الا شاف 4 بنات طالعين
ولمح من بينهم فاطمه لأنها ماتتغطى وكان وجهها أحمر وعيونها حمره
كأنها تصيح وانصدم لما شافها بهالحاله
زهره وانتبهت الى سيارة علي : ياويلي اللحين علووه متحلف بي والحل ؟
فاطمة وساره وريناد بصوت واحد : راااااحوو عناا سواويقنااا !!!!!
زهره من سمعت كلامهم إنهد عليها ضحك وتذكرت تهديد علي لها وسكتت
زهره : وش فيكم ياهبلان تعالو اني باوصلكم
فاطمة : حرام عليش زهرووه صايرين كله نكلف على اخوش مافيه بنروح مشي
ساره : صحيح يلا امشو نروح مشي من بعادت البيوت يعني
ريناد : من صدقكم انتوون مستحيل اروح بهالحرر جان يغمى عليي
توها زهره بتتكلم الا سمعت هرنات سياره علي
زهره : ويلي ويلي اليووم مشيوته مشيوته
أقوول لا تتحركوو بارح لعلي وباجي ليكم
علي : زهرووووه ووجع ساعه لاطعتني بالشمس
زهره : شسووي اني بعدين بقولك السالفه كلها مالي خلق الحين
المهم صديقاتي وياي راحو عنهم سواويقهم شرايك توصلهم
" ورفعت حاجب "
علي فرحان ومو شايلته الدنيا : ايه طبعا عادي خلهم يجوو
وقال بداخله: " يابعد عمري هالنعوومه باكحل عيوني بشوفتها "
زهره راحت لهم بسرعه واخذتهم كلهم من اياديهم ولا عطتهم فرصه
إنهم يتكلمو أو يرفضو ودخلتهم السياره بدون أي نقاش
ساره وفاطمة وريناد : السلام عليكم
علي ومنزل راسه : وعليكم السلام
زهره بضحكه : مع وجوهكم داخلين الفصل بالغلط
" وفقعتهاا ضحكه "
علي عصب على خبالها وطلع فيها بنظرات خلتها تبلع ضحكتها
وصل أول شي ريناد وبعدها فاطمة وساره " طبعاً طول ماهو يسوق وعيونه مانزلت من المرآيه " <<قلة حيااا هههههههههه
وآخيراً وصلو البيت بعد ماعلي لعب بخامسها على المسخره الي تمسخرتها
بس مسرع ماضحكوو وقامو يسولفو عن الي صار ليهم بالمدرسه
وطبعاً علي أعجب باللي سوته فاطمة للبنت وأعجب بشخصيتها أكثر
(بعدها دخلو البيت)
علي بابتسامه : مررحباا
ايمان اللي كانت تشاهد : هلا والله كأنكم تأخرتوا ؟
زهره وتفسخ شنطتها وتشدخهاا بالارض :كان زين لو اني زيش
لا شغله ولا مشغله وقاعده بالبيت , آآآآه شعوور حليوو أنش تكوني
(وصرخت صرخه) بدووووون قيوووووود
إيمان اللي عصبت من كلامها: أقووووول سكتي والي يرحم والديش اللي يشوفني يقول هذي 24 على 24 قاعده عطاليه بطاليه وماعندها شي
لا طبخ ولا تنظيف ولا غسيل ولا حاجه مع وجهش
زهره وماتت من الضحك على كلام اختها وعصبيتها :
أعصابش ايمانوه لا ينقطع لش عرق وتموتي علينا ونبتلش
سكتت عنها ايمان لأنها تدري إن زهره تمزح معاها وتمباها بس تعصب
أما علي فكان المستمع بينهم وقاعد يضحك على عنادهم مع بعض
........................................
(في بيت أبو جاسم وبالتحديد بالمطبخ)
فاطمه: أمااااااااااااااااااااااااااااااااااه حطي الغذى جوعااااااااااانه حد الدعسه
أم جاسم: ياربي عليش صبري شوي هدويش انتين كله مستعجله
فاطمه بترجي: أماااااااااااااااه أرحميني ماأكلت شي بالمدرسه, أكلهم حددده معفن مايمدي أحد يفطر به
أم جاسم وتتوعد فيها: إذا ماسكتي الحين وذلفتي غرفتش تبدلي مريولش باخليش تتغذي ويه جاسم رجعته من الجامعه
فاطمه ومدت البوز شبرين: خلااااااااااااااص سكتنا
(وهي طالعه) بس حطي في بالش إني زعلانه
هني ضحكت أم جاسم على بنتها وعلى دلعها وباشرت في تجهيز السفره
حسن شاف فاطمه طالعه من المطبخ وشات الكوره بالقوه عليها وصابتها على الرأس
فاطمه بألم واضح: آآآآآآآآآآآآآآآآآآآآآي ووجع ياحيوان عورتني يالأعمى
"هني حسن مات من الضحك على شكلها"
فاطمه وعصبت: تعاااااااال خلني أراويك يالحماااااار
ولحقت فاطمه حسن من مكان لمكان وحسن ميت ضحك لين ماصادته وكفخته تكفخ بنعال المطبخ خخخخخخخخ << صار أكشششن
.................................................. .

ايمان تكلمت مع علي بخصوص الجده وعلي ماقال شئ ورحب بالخبر وقال ليهم يجهزو ليها الغرفه اللي تحت عشانها
أما زهره فعصبت لإنها متأكدددده مليووون بالمئه إنها ماراح تأخذ راحتها وإن جدتها بتحط ايدها في كل شي ولابتخليهم براحتهم ....

وأخيراً
جئ الليل بعد مادرسوا الكل وخلصوا دراستهم ومذاكرتهم
.........
في بيت (أم مازن)
كان مازن في غرفته ومررره متردد يتصل في ساره أو لأ وبعد جهد جهيييييد تشجع وأتصل....
من جهه ثانيه كانت ساره تسبح ومخليه جوالها سايلنت
عشان جذي ماردت
وحضرت مازن قاتل حاله اتصالااااااات بس لايوجد رد...............
مازن وعاقد حواجبه: هذي وينهاااا ليش ماترد؟؟
أكيد ماترفع أرقام غريبه عشان جذي, يابعد قلبي بنت الخاله ثقــل ماشالله عليها, أتصل فيها وقت ثاني يمكن ترفع بالغلط (وقام انسدح على السرير)
طلعت ساره من الحمام (والجميع بكرامه) وكانت لابسه بيجامه وحاطه على شعرها الفوطه, شالتها وقامت تنشف في شعرها وتجففه
قعدت على التسريحه ومشطت شعرها ولمته وبعدها حطت في وجهها وجسمها كريمات <<عاد تعرفوا سوالف البنات هع هع
ورشت عطرر وترست حالها تراس خخخخ
ويوم حطت العطر على التسريحه لفت إنتباها الجوال وأخذته ويوم شافت المسد كولات تفاجئت...
ساره وفاتحه عيونها: وااااااااااااااااو 15 مسد كوول, ههههههههه أكيد هذا حمووود بعد عمري
وفتحتهم وتفاجئت أكثر إنه من رقم غريب
ساره وقلبها يدق متفاجئ: من هذا اللي داق عليي كل هالمكالمات, يااااربي انشالله صاير شئ, لاااااااااااااااا أكيد واحد أو وحده غلطانه
كانت بتتصل بس باللحظه الأخيره تراجعت وطنشت
وحطت جوالها بجيب بيجامتها وطلعت بره غرفتها..
....................................

[المميزة]

يسلمووو رووووعة
ماني ابي اقرا الاجزاء الباقية
بليييييز نزليهم بسرعة

[المحرومه]

يسلمووو رووووعة
ماني ابي اقرا الاجزاء الباقية
بليييييز نزليهم بسرعة

حضوركِ هذا هو ما شكلَ الروعه

أنرتي صفحتي وبعثتي بـ داخلي السعاده لتواجدكِ العطر

أشكركِ جداً

وماننحرم منكِ

تحياتي

[اول دمعة]

اللهم صل على محمد وعلى آل محمد
هلا والله اختي المحرومه طولتي الغيبه
وسلامات ما تشوفي شر انشاء الله
و أخيرا ما بغينه انشوف تكملة القصه

ليش وقفتي اهنه كملي القصه احسن الش
وتوقعاتي حول حالة فاطمه اممممممممممممممممممم
اتوقع ان فاطمه بتتحرك مشاعرها لانها في الاساس هي بعد معجبه بعلي
واتمنى ان تكون نهايتهم حلوه ويكونو لبعض
اما عم ايمان مرررررررررره ثقيل دم وكريه ودي
بسرعه ابغى اعرف بقية القصه
لا تطولي علينه هالمره نتمنى تحطي الينه بقة الاجزاء بسرعه
نحن بالانتظار
وشكرا لكي على هذا لمجهود الرائع
تقبلي تحياتي
و دمتي بحفظ الرحمن

[المحرومه]

اللهم صل على محمد وعلى آل محمد

هلا والله اختي المحرومه طولتي الغيبه
وسلامات ما تشوفي شر انشاء الله
و أخيرا ما بغينه انشوف تكملة القصه

ليش وقفتي اهنه كملي القصه احسن الش
وتوقعاتي حول حالة فاطمه اممممممممممممممممممم
اتوقع ان فاطمه بتتحرك مشاعرها لانها في الاساس هي بعد معجبه بعلي
واتمنى ان تكون نهايتهم حلوه ويكونو لبعض
اما عم ايمان مرررررررررره ثقيل دم وكريه ودي
بسرعه ابغى اعرف بقية القصه
لا تطولي علينه هالمره نتمنى تحطي الينه بقة الاجزاء بسرعه
نحن بالانتظار
وشكرا لكي على هذا لمجهود الرائع
تقبلي تحياتي

و دمتي بحفظ الرحمن

اللهم صلي على محمد وآل محمد

أعتذر عن التأخير لسبباً ما

والآن سأضعُ بين يديكم الجزء الجديد لعلهُ ينال على أعجابكم


\
/
\

هههههههههههههه توقعاتكِ أختي جميله تدلُ على متابعتكِ بشغف

وعم أيمان لآزم يسوي أكشنات بالقصه خخخخ

يلا ماعليه هذي بداية الأحداث وانشالله تشوفي المفاجئات


أنرتي صفحتي أختي

دائماً ترسمي على محياي الإبتسامه

ماننحرم منكِ

تحياتي

[المحرومه]

وها أنا أعودُ من جديد وبجزءً جديد

لأجلِ كل من شجعني وحمسني لكتابةِ المزيد

أتمنى من الله ان ينال على أعجابكم

ولاتنسوني من الردود

الجزء الرابع:

وبسرعه جنونيه راحوا لعندها ومسكوها وسألوها بصوت واااااااحد: وش صاااااااااااااااااااااااااااااااااااااااير!!!!!!!! !!!!!!!!

فاطمه كانت منهاره حدها وحابسه شهقاتها بالقوه, أكتفت أنها ترفع يدها وتأشر على المتجمعين وقالت بصوت مرتجف ويالله ينسمع مع الشهقات :علـ.....ـي هنـ......ـاك

راحت زهره لأخوها وقلبها طايح بالأرض وشافته في حاله الله العالم كيف هي

زهره بشهقه: علـــي!!!!!!

وبسرعه راحت لعنده ومسكته من جسمه عشان يتراجع بس علي كان ماهو في وعيه وصار يباعدها ويشيل ايدها من عليه وهو يسب الولد

زهره ودموعها طاحت: علييييييييي خلااااااااااااااااااص قووووم عنه خلاااااااااص الولد بيمووووووووت

علي بصوت عااااااااااااااااالي: انتين مااااااااااااالش شغل فيني انقلعي عن وجهي منااااااااااك يلاااااااااااااااااااااااا

خلاص هني زهره ماقدرت تتحمل وصرخت بوجه السيكرتي: وش قاعدين تنتظرو شيلووووووووه بيذبحه

وعلطول تدخلوا السكرتيه من جديد وصاروا يفاككو فيهم

وبالأخير علي استسلم من التعب وقام من على الأرض بعد ما عطى الولد بكس خلى وجهه يتورم منه

علي: وقسماً بالله لو أشوفك من جديد قدامي وتعيد نفس الحركه ماتلووووم إلا نفسك يا......... <<تشفير هعهعهع

السيكرتي وماسك علي: يلااا تعال انت وياه على الاداره يلاااااااااا

(مسكوهم السكرتيه اثنينهم وعلطووول ودوهم على إدارة المجمع)

ريناد وزهره وفاطمه ماقدر اوصف ليكم حالتهم دموعهم كافيه عشان تعبر باللي داخلهم من خوف وخاصة فاطمه عشانها هي السبب في اللي صار حامله الذنب وخايفه على علي وطول الوقت صابه تفكيرها عليه وتدعي له من قلب إن مايصير فيه شي كبير بسببها

وبعد نص ساعه جئ ليهم علي بعد ما كتبوه الاداره تعهد بأنه مايتعرض لحد في المجمع والولد حولوه على الهيئه يشوفوا صرفه وياه

علي كان حالته حاله بلوزته متبهدله وشعره معفس وطلع منه دم على خفيف بخشمه, جئ ليهم وهو ماسك ايده تعوره من اللي صار: يلا مشينا

زهره بخوف: علي انت بخير؟؟ وش صار!!

علي بنرفزه: زهرووو مالي خلق تحقيقاتش ويلاا قدامي مشينااااااااا

هني البنات صخو خايفين من عصبية علي وبدون نقاش مشوا وراه لين ما وصلوا السياره وبجذي مشوا

………………….

بالبيت

ايمان كانت جالسه بغرفتها وفاتحه اللاب توب وجالسه تسمع أغاني وفي داخلها خايفه من عمها حز في خاطرها كلامه وحست انه جرحها واجد بإتهامه الغير مباشر ليها نزلت دمعه وتلتها دمعه ثانيه وبهاللحظه اندق الباب

ايمان خاااااااافت حدها, طفت الاغاني وراحت لعند الباب ويدها ترتجف: مـ......ـن!!

علي بصوت أنثوي وفيه دلع: اني صديقتش لمتى بتخليني واقفه على الباب يابووش تكسرت رجايلي اففففففف

ايمان ضحكت وفتحت الباب بعد ما مسحت دموعها: اهليييييين

علي وبنفس الصوت متخصر: جذي تسوي فيني خربتي مكياجي من الخياااس في الحر, آآآهو تفاسحي ابدخل اتهوى شوي

ايمان: هههههههههههههههههههه (وانتبهت على وجهه اللي باين انه مضروب على خفيف وتكلمت بخوووف) وش فيييييييك علوي؟؟ شكلك متشابق ويه أحد!! وصح وش فيكم رجعتوا بدري؟؟

وهني قال لايمان السالفه كلها وايمان من سمعت اللي صار حزنت

وبعدها طلع من غرفتها وراح غرفته يأخذ له شاور وهو يدخل الحمام (والجميع بكرامه) تذكر اللي صار له بالسياره لما وصل فاطمه عند باب بيتهم

(((فاطمه وفتحت باب السياره, وقالت بصوت حزين: أسفه كل اللي صار بسببي ماكان بودي اسبب لكم مشكله عن جد اسفه (تكلمت بصيغة الجمع منعاً للإحراج)

علي ومنزل رأسه: حصل خير لا تحطي في بالك, اللي صار مو انتي السبب فيه, السبب هو الشباب التافهين اللي يمشوا ويقزوا في خلق الله

فاطمه وخلاص بتسكر الباب: مادري كيف اعتذر منكم مشكوووورين (وسكرت الباب)

وطبعاً علي طاااار من الفرح ونسى سالفة الشباااااق وفرح لانه ثبت لفاطمه اعجابه..)))

علي وفصخ ثيابه مستعد للسباحه: اااااااااه مدري كيف اكون لما اشوفك اتوووووه واسرررررح بعيييييد, (وابتسم) شكل القدر طيحش عليي ههههههه الله يعين ناقص انا ااااااااخ توه قلبي مابرد جرحه

.........................................

فاطمه كانت بغرفتها ومتفشششششله حدها على اللي صار وتلعن بنفسها على هالإحراج

وبين ماهي متعمقه بالتفكير راودتها هذي الافكار

(احس ان علي فيه شي له يجذبني..نظراته..حركاته..حتى وسامته تجذبني..امممممممم احس انه يامعجب فيني يايحبني لانه واااضح من غيرته ومن تصرفاته واليوم اللي صار ويه النذل الصبي أثبت ليي هالشي اللي كنت ماني متأكده منه آآآآآآآآه وش اسوي اني أحين!!)

وابتسمت ابتسامه تذوووووب: مادري وش الشعور اللي أحسه بتجاهك ياعلي, أحس نفسي معجبه فيك وانجذب لك بس بنفس الوقت أحس نفسي أنفر منك, يمكن عشاني ماعرف شخصيتك عددددل ولا تعمقت فيها...

هني قامت وأخذت ليها ملابس ودخلت الحمام (والجميع بكرامه) تأخذ ليها شاور.........

...............................................

مر شهر من الأحدااااث وكأنها دقائق معدوده

مرت بسررررعة البرق والكل ماهو حاس للأيام اللي تمضي

*حدث مميز في حياة فاطمه وأكتشفته في هالشهر اللي مر عليها,

أكتشفت أن بـ داخلها حُب لـ علي ليس بـ ِإعجاب

أكتشفت أن علي قابع بـ داخل أعماقها ومتغلل

في هالفتره بس حست إنها عايشه حيااااه ثانيه حيااااه حلوه تجمعها هي مع علي اللي صارت تعتبره الحبيب بحياتها اللي حبته بكل عذريه وطهاره

التفكير فيه علقها واعجابها فيه جذبها وبجذي حبته وزرعت حبه داخل أعماقها........

*ريناد كل يوم يمر عليها تذكر وقفات علي ويزيد اعجابه فيه وبشخصيته بما إنها فاقده الأب وفاقده إهتمام الأخ فـ لجأت لهذا الشي وحطت علي في بالها ووجهت مشاعرها له والمصيبه ماتدري أن فاطمه صاحبتها وبنت خالتها عاشقه نفس الشخصيه

*أما بالنسبه لـ إيمان زادت علاقتها بـ عبدالله يوم بعد يوم وصارت شبه يومي تكلمه على المسنجر وصاروا يأخذو ويعطوا مع بعضهم بحدود الأدب وماتعدوه أبد

*أما زهره فـ هي طول هذي الفتره مكرسه حياتها للمذاكره وبس لان الأختبارات على الأبواب

*وجاسم راح تعرفون تطورات حياته انشالله مع الأحداث والأجزاء هع

وطبعاً قربت الأختبارات وكان الكل مستعد ليها

(نسيت ماقلت ليكم نقطه مهمه جداً هع: صالح أبو أحمد قرر يودي الجده لبيت أولاد أخوه بعد الأختبارات وعشان بعد مايتغير الجو على زهره بسبب دخول جدتهم حياتهم بالوقت الحالي فقرر جذي عشانهم)

.............................................

فاطمه اللي كانت تكلم ريناد على التيلفون:

افففففففففف ماباقي شي على الأختبارات ياربي فقع رأسي

ريناد ومتأزمه حدها: سكتي خايفه حد حدي

فاطمه ومو أقل منها: اني بعد خااايفه, أول ثانوي صععععععععععب واحس اذا طرى ببالي أن الأختبارات قريبه يعوووورني بطني بقوه اففففففففففف, ماني قارده أحس اني بنخسف بسبة هالأختبارات

ريناد: خخخخخخخ المدرسه والإختبارت مسويه فينا رعـــب

فاطمه: هههههههههه لعنتش هذا وقت مسخرتش, أتمنى والله تعدي هالأيام وتمشي بسرررررعه واتخرج من هالمدرسه القرف واروح أدرس في كندا (وغيرت نبرتها لتفاعل) وااااااااااااااااااو حلم حياتي هذا

ريناد ورافعه حاجب: مصدقه روحها الأخت!!!!

فاطمه بنرفزه: وليش ما صدق حالي!!! ناقصني شي لاسمح الله؟؟؟؟

ريناد بعصبيه: سكتي واللي يرحم والديش, حدش الدمام ويخب عليش بعد

فاطمه بستخفاف: ها ها ها خفيفة دم صايره

ريناد وفيه الضحكه: أقول يا أم الأحلام السعيده باسكر أمي تمباني بااااي

فاطمه وعصبت منها: انقلعي يلااااا باي (وسكرته)

أم مازن ومعصبه حدهاااا: وخناااااااااااااااااااااقه قومي لا اسدحش احين قووووووووومي ذاكري ولعنه

ريناد وجايه من بعيد ورافعه ايدها: وش صاااااااااااير بوش هاجم علينا!!!

أم مازن ومتنرفزه: وريييييييح انشالله بوش اللي يسدحش بصاروخ وأفتك منش قووومي بدل هالقرقره في التلفونات وذاكري لش كماًَ كلمه تنفعش

ريناد وتخصرت: أمااااااااااااااه وش فيش رجائاً يعني أني اعرف كيف انظم وقتي للمذاكره مايحتاج تقولي ليي قومي وماقومي ترى ماني جاهله اني

أم مازن وراحت عنها لان عارفه ان الكلام وياها ضايع: حسبي يالله عليش من بينه, آآآآآخ ياقلبي منش معذبتني في عيشتي, ياربيييييييييييييي

ريناد: اييييييييه بدل ما تدعي ليي بالتوفيق قاعده تدّعي عليي هيييييه

ام مازن ودخلت المطبخ: الكلام وياش ضااااااايع انتين, انقلعي لا أرتكب فيش جريمه (ودخلت داخل)

.................................................. ............

زهره اللي كانت طول يومها تذاكر وتدرس بجديه وبجهد كبير ولاتمللت لان كلام أمها وأبوها الله يرحمهم لسه يرن بأذونها أن يبونها تكون طبيبه من لما كانت صغيره وهذا الشي كانت دافع ليخليها تدرس وتجتهد وتحقق حلمهم

.................................................. ............

[المحرومه]

.................................................. ............

جئ وقت الأختبارات وكان الكل خايف ويدرس ويجتهد باللي يقدر عليه

زهره الحمدلله كل يوم تطلع من القاعه مستانسه حدها بإنها تحل عدددددل وفاطمه بعد تحس نفسها اوكي تمام بس متخوفه واجد

أما ريناد فكانت تزفت بعض الأحيان وبعض الأحيان أوكي,

أما بالنسبه لساره فمستواها شوي نزل عشانها كانت تكلم حبيبها محمد ولاتتركه وبجذي صارت تهمل دروسها على حساب هالحب

.................................................. .............

مرت الأيام ببطئ جداً على الطالبات بمختلف المراحل وجئ أخيراً اليوم الأخير لختام الأختبارات

فاطمه وتفلت الكتااااب بعيد مستانسه: وااااااااااااااااااااااااااه وأخيراً خلصنااا ياهوووووووووووووووووووووووووووو

زهره: ههههههههههههههههههههه والله خبلااا فضحتينا

ريناد ومتوتره: ياربي الله يستر من النتيجه

فاطمه: ايه لو تذاكري زي الناس عدل ولا تنشغلي بالنت والجوال جان احين انتين واثقه من نتيجتش

ريناد وعصبت منها: تكفففففي عاد اللي يشوفش انتين ملااااااااك طول وقتش مقابله الكتاب

زهره وتسكتهم: ولعننننننننه سكتوا خلاااص

ريناد طنشت كلامهم وصارت تلعب بالرمل وتكتب كلام مو مفهوم وتشخبطه

وهم جالسين قربت منهم بنت ونادت على فاطمه

فاطمه وتناظرها مستغربه: تقصديني (وهي تأشر على نفسها)

البنت: ايييه ممكن شوي من بعد إذن صاحباتش

فاطمه وتناظر زهره وريناد بدهشه: دقاايق بس (وقامت)

البنت: خلينا نمشي اذا مايضايقش

فاطمه وبعدها مستغربه: أوكي

زهره وتجر مريول فاطمه: هييي فطموه تعالي دقيقه

فاطمه وتنزل لمستواها: هاااا وش تمبي

زهره وريناد: منهي دي تعرفيها!!

فاطمه ومنزله صوتها عشان لاتسمعهم البنت: لو أعرفها جان قلت ليكم ياخبلاااااااان

ريناد ببتسامت خبث: أكييييييد معجبه

فاطمه بشمإزاز: لو معجبه بجي بفلتها عليش, هذا اللي قاصر بعددد (وراحت عنهم مع البنت)

البنت ببتسامه: امممممممم انتين أكيد مستغربه من أني وليش بغيت أتكلم وياش صح؟؟

فاطمه بإحراج: بصراحه إيه ماتوقع إني أعرفش ولا صار بينا كلام عشان جذي متفاجئه يعني من وين تعرفيني!!!

البنت: عارفه ومقدره موقفش خخخخ, اني اعرفش بس انتي ماتعرفيني وهذا كل الموضوع

فاطمه وعقدت حواجبها: خير في شي مادري بس حاسه ان في شي صاير ومخوفني بالموضوع

البنت بنفعال: لاااا لاااااااااا لا تخافي والله ماصاير الا كل خير شدعوه غناتي لايروح فكرش بعييييد, اني بس حابه اتعرف عليش (ومدت ايدها) اني اسمي خلود الـ....... ادرس سنه ثالثه أدبي

فاطمه ببتسامه: ياهلا والله خلود واني طبعاً تعرفي اسمي وإلا بس تعرفيني بالشكل بس

خلود: خخخخخخخخ شدعوه إلا أعرف أسمش

فاطمه وضحكت: ههههههههههه شكلش قاصه اخباري قص

خلود: هههههههه لا مو لهدرجه بس عجبتني شخصيتش ومن زمان امبى اتكلم وياش بس ماتجي فرصه وخاصة اني لما امبى اكلمش دايم اشوفش مع صاحباتش وماحب اني اضايقش يعني

وبجذي ظلوا يتكلموا ويسولفوا لين ماصفرت وفتحوا باب الخروج حق المدرسه

خلود بإحراج: ممكن طلب؟

فاطمه ببتسامه: أكيد تفضلي

خلود: بما أن اليوم أخر يوم بالمدرسه وبعدها انشالله بتكون عطله, ممكن أخذ رقمش إذا الشي مايحرجش, يعني حتى لو تلفون البيت عادي بس اهم شي نتواصل لاني بجد ارتحت لش

فاطمه انحرجت من داخلها بس بينت العكس وكتبت لخلود رقم بيتهم وعطتها وياه

خلود: يلا مع السلامه وفرصه سعيده إني تعرفت عليش وانشالله بينا اتصال

فاطمه: انشالله على خير غناتي (وسلمت عليها وراحت لزهره وريناد)

هني زهره وريناد من شافوا فاطمه جايه لعندهم راحوا علطوول ليها واستلموها تحقيق

زهره ومستحمقه: هالخايسه زين تركتش والله بعد لو ماصفرت جان كملت وياش, منهي هذي هااااااه؟؟؟

ريناد: هذي معجبه صح؟؟

فاطمه وضحكت عليهم: وش فيكم خلوني أبلع ريقي (شوي وقالت ليهم كل السالفه)

زهره بغيره: وليش عطتيها رقمش انتين غبيه !!

فاطمه: زهره اني عطيتها رقم بيتنا مو رقم جوالي افهمي عاااااادي

ريناد: عاااادي زهرووه وش فيها خلي فطمووه لمعجباتها

فاطمه: ههههههههههههه بلا خباله أي معجبه أي خرابيط هذي مجرد بنت تمبى تتقرب مني وتكّون صداقه لا أكثر

(وهني لآحظت فاطمه شرود زهره وسرحانها بعيد)

فاطمه: زهره احس الموضوع مو داخل مزاجش

زهره: تمبي الصراحه اييييه

فاطمه ورفعت حواجبها: لييييييييش؟

زهره: فاطمه افهمي أولاً: هذي البنت توك تعرفيها

ثانياً: أنتي ماتدري ولاتتعرفي أخلاق البنت ولاتصرفاتها ولاحتى تعرفي سمعتها, كيف رضيتي لنفسش إنش تقدّمي على هذي الخطوه؟؟

فاطمه: زهره أفهميني أني عطيتها رقم بيتنا مو جواااالي في فرق

ريناد: زهروووه لاتعقدي الأمووور ترى عااااااااااااادي

زهره ولسه ماهي مقتنعه: والله بكيفكم

ريناد: يلا ألبسوا عبيكم تأخرنا (ولبسوا عبيهم وعلطول طلعوا بره)

علي كان جاي من زمان لزهره وجالس ينتظرها, ومن شاف ثلاث طالعين من الباب فز قلبه وخمن أن هم لانه عرفهم وقال أكيد أن فاطمه مع اخته زهره وان الثالثه ريناد

علي وفي قلبه: واحشتنييييييييييييييي موووت من زمان ماشفتها من هذاك اليوم يوم تصير المشكله,آآآآآآآآآآآآخ ياقلبي ماتحمل, ياليتني بس أقدر اشوفها بدون حواجز

فاطمه من لمحت علي بالسياره راحت بعااااااااالم ثاني ووجهها حمّر من ورا بوشيتها وزين أن هي متغطيه وإلا كان انفضحت

وريناد بعد من شافته أنذبحت عليه وقلبها دق دق دق <<مشالله معجبين علي واجد هع

زهره: يلا دكو أخويي جئ باااااااي بينا ألووو

فاطمه وريناد مفهيين ولاردوا عليها

زهره ورفعت حاجب ومدت ايدها ولوحت بها على وجوهم: هيييييييييييي أقولكم بااااااااااي حاقرين

فاطمه وريناد وأخيراً أنتبهوا: بااااااااي (وراحت عنهم)

.................................................

ايمان كانت بالمطبخ تسوي الغذا وقاعده على أعصابها تحاتي زهره بالقوه

ماشافت إلا الخلعه من وراها

زهره: بووووووووووووو

ايمان ونقزت: يلعن شكلش خلعتيني

زهره: هههههههههههههههههه تفكري في من أعترفي

ايمان: أكيد أحاتيش

زهره بغرور: لاتحاتيني غناتي اني ماينخااااااااف مني أحم أحم

ايمان ورافعه حاجب: تصقعش على هالغرور

زهره: خخخخخخخخخ هذا مو غرور هذي ثقه بالنفس

ايمان: مشكووووول, يلااا ذلفي روحي صلي على ما أحط الغذى

زهره وكانت حدها جوعانه: ويشووو الغذا؟؟

ايمان: بصراحه اليوم بما إنه أخر يوم في أختباراتش,قلت بادلعش شوي وسويت لش الأكلات اللي تحبيها

زهره وفرحت وصارت تناظر الصحون: وشووووو..!

ايمان أبتسمت وصارت تعدد: ورق عنب وستيك مشوي وبطاطس وتبوله وبيتزا و.....

زهره وداخت من الجوووع: بسسسسسسسسس لاتكملي واااااااااااااه بيغمي عليي من الجوع اااااااااااااخ يادبتي , دقايق بس اروح اصلي واجي طيرااااااااااااااااااااااااااااااان اساعدش (وراحت)

(ضحكت ايمان على كلامها وبدت تجهز السفره)

[المحرومه]

.................................................

في بيت أبو جاسم

الكل قاعد على السفره يتغذى ماعدا جاسم اللي يجي من الجامعه المغرب

....

فاطمه تكلم ساره وهي تأكل: فاااتش سارووه, اليوم جت لي وحده وسوالف وعرفتني على نفسها حتى رقم بيتنا أخذته

ساره وماليها خلق هدره لانها نعسانه وتمبى بسرعه تخلص إذا وتروح تكلم محمد: اممممممم تمام

فاطمه وتقلد عليها: امممممممممم تمام, (وترجع لنبرة صوتها) هذا اللي الله قدرش عليه ,ماااااااااااااالت

ساره بنرفزه: طسي عن وجهي

أم جاسم ومستحمقه: داويه أنتون كل نقااار حزة الغذا ئه مافي إحترام لا للنعمه ولا ليي ولا لأبوكم, يلااا سكتوا

فاطمه سكتت وصارت تأكل, وتعيلف فيها حسن أخوها: فطمووووووه مادريتي..؟

فاطمه: هااااااا وشوو؟

حسن بتفاعل ومرفع صوته: اليوم تشابقت ويه هذااااااك الدرام عبدالجباروه وفلعت رأسه الحمار وخليته يبنقح هههههههههههههه

فاطمه بحماااااس: والله , وش صاااااااار قوليي بسررررررررعه

أم جاسم: حسن وريييييييح انشالله توني اتكلم لخواتك احين جئ دورك يلا اسكت بعدين تكلم وياها, تغذى بس تغذى

أبو جاسم ويتدخل: وانت كل شباق ويه خلق الله, حشااا مذبحه مو مدرسه (وبنبرة تهديد) شووووف إن أستاد طلبني أستدعاء أو قالوا لي تعال شوف ولدك ماتلوم إلا نفسك فاااااهم

حسن وبلع ريقه: انشالله أبوي

فاطمه ومطنشه الكل: حسنوووووووه قول يلا وش صار لك

وصار حسن يقص عليها اللي صار وفاطمه واااااااو بجو حمااااس وشوي وتقوم تصفر وتصفق تشجيع لأخوها <<أستاده فطيم لهالسوالف هع هع

.................................................. ......

اليوم سفرة مازن للكويت وجالس يجهز أغراضه ولما خلص من التجهيز نادى على أمه وراح ليها وقال ليها إنه رايح للكويت سفره تغير جو

أم مازن ومعصبه: هذا أنت ياطايح الحظ وجودك والعدم واااااااااااحد, خنااااااااقه تخنقني يوم أجيبك, جيفا تروح بره وتسافر وتتركنا هني أني وأختك بدون رجال؟؟؟؟

مازن وعصب: وش فيييييش لا تزمخي عليي, وبعدين هذي مو أول مرره أروح فيها عشان تسويي ليي مناحه وش طوالتها

أم مازن ويأست من ولدها: رووووووووح الله يسهل عليك

ريناد وجت ليهم: وين بتروح أخوك

مازن وتأفف: خذ لك, وانتي وش لش من شغل يلا طسي عن خلقتي منااااااااااك

ريناد ورفعت حاجب: خوب أني أسأل وش سويت أعتقد إني ما أجرمت!!

مازن وراح عنها ومنرفز حدددده: روووووووووحي ولي ناقصكم أنا والله

ريناد وعصبت: اني لو عندي أخو زي الناااااااااااااس ما ذا حدددددددددددددي (ورجعت مكان ماجت)

أم مازن ودمعت عيونها: الله يهديكم أثنينكم يااااااااااااارب ياااااااااركريم

(بقول ليكم نقطه: مازن من ذاك اليوم لما كلم سارة بنت خالته وسكرته بوجهه وهو يتصل ليها شبه يومي بس هي مطنشتنه ولاجايبه خبره وكله تعطيه بزي وهذا اللي خلى مازن يتعلق فيها اكثر)

...........................................

جاسم كان بغرفته فاتح الاب توب على المنتدى والمسنجر بس مررره كان ملاااااااان ومتضايق وزهقاان حدددد ماعنده

بهاللحظه أندق عليه الباب..

جاسم ملل: نعم..!

أم جاسم: هذي اني غناتي

جاسم وشال الاب توب بعيد عنه وعدل من قعدته: أدخلي أماااااه الباب مفتوح

ودخلت أم جاسم وهي مبتسمه: قواك الله

جاسم وتنهد: الله يقويش أماااه, تعالي قعدي

أم جاسم: وش فيك إلا شكلك فيك شي..!!

جاسم: بس زهقاااام مالي خلق أطلع

أم جاسم: أنزين غناتي قوم وصلني بيت عمتك ابتسام, فشله كل بين فتره يزورونا وأني أحس نفسي مقصره, وفرصه تشوف عبدالعزيز ومحسن ورجل عمتك وتقعد تسولف وياهم

جاسم بملل: انشالله اماه اعطيني بس دقايق على ما ابدل

أم جاسم: انزين غناتي (وطلعت)

جاسم كان محتار وش يلبس راح لعند دولابه وطلع له تي شيرت أورنج وفيه كلام بالانجليزي باللون البيج والبني وطلع له بنطلون بيج وبعد مالبسهم راح ومشط شعره وأخذ مفاتيح سيارته وطيراااان للسياره ينتظر فيها أمه

جاسم كان محتار وش يلبس راح لعند دولابه وطلع له تي شيرت أورنج وفيه كلام بالانجليزي باللون البيج والبني وطلع له بنطلون بيج وبعد مالبسهم راح ومشط شعره وأخذ مفاتيح سيارته وطيراااان للسياره ينتظر فيها أمه

((بين ايديك انا بنسى روحي بين ايديك

صعب اعيش في الدنيا ديه الا بيك

كل يوم بيفوت عليه حبي ليك بيزيد شوية

محتجالك جنب مني اوعى ليله تغيبها عني

معاك رجعتلي ثاني حياتي ودنييتي

معاك بعيش حبيبي في الدنيا جنتي

وياك شفت بعيوني طريقي وسكتي

ماليش غيرك حبيبي معاك حاسة بامان

وطول ما انت معايا مابخفش من الزمان

محتاجه ليك حقيقي قرب مني كمان))

جاسم كان حاط رأسه على الديركسون ويفكر ومندمج مع الومسيقى وكلمات الأغنيه حس إنها ضربته على الوتر الحساس وتنهد من قلب

إلا بركبت أمه السياره وهو اساساً ما أنتبه ليها

أم جاسم وتحط أيدها على كتف ولدها: يوووه وش فيك عفر..!

جاسم أختلع من وجود أمه لان اصلاً ماحس ليها وعلطول طفى الأغاني: يلا مشينا

أم جاسم: لا باقي سارة أختك , احين بتجي

جاسم: أوكي

أم جاسم: وش حاط لينا ولدي الله يهديك, حط عزا وإلا مولد

جاسم ويأشر على الدرج: هـ دكو الدرج فيه الاشرطه شوفي اللي يعجبش في للشيخ حسين الأكرف وفي للملا باسم الكربلائي والسيد هاني الوداعي ومدري فيه كذا شريط مواليد

أم جاسم: ماليي كار بهم أنت شوف وحط ليي, أخاف أخذ شريط وأحطه يطلع ليي صوت واحد ينهق

جاسم: ههههههههههههههههه

إلا بدخله ساره السياره: هااااااااااااااااااااي

جاسم: هلا

أم جاسم: خناقه تخنق دي حاله وياش, كم مره أني أهزء فيش وأقولش قولي السلام انتين والصاقعه الثانيه فطموه, هاي وهاي مادري وشوو مستفيدين,

أقلها قولي السلام جان تكسبي ثووووووواب

ساره وعقدت حواجبها: أمااااااااااه خلاص له كل مره هذي هي الأسطوانه

أم جاسم: ايه كلامي مايعجبكم أنتون (وظلوا مناقر لحد ماوصلوا بيت العمه أبتسام)

......................................