هذا زمان المسخره

[علوكه]

بقلم الشاعر البحريني عبدالرحمن رفيع

هذا زمان المسخرة هذا زمان المسخرة

جوال ومشيه بفشخره في وسط السوق متبخترة

والكحله في وسط العيون والشفايف زود محمرة

والصدر تتعمد تفكه تخليه مفتوح ما تزرره

هذا زمان المسخرة هذا زمان المسخرة

لو يسألها ذاك الفقير وين انتيرايحه يامره

جاه الجواب يبهدله وتقوله كلام بيقهره

باروح السوق ابشتري فستان للحفلة المزهرة

وتروح الصالة كنها عروس مزينه ومعدله ومعطرة

وما ترجع إلا في الصباح وتشيل الزينة الساحرة

هذا زمان المسخرة هذا زمان المسخرة

آخر الشهر تقبض الراتب وتروح المجمع وتبعثره

وتعير ذاك الفقير لو إني مثل غيري ما عشت واياك محسره

شوف فلانة وشوف علانه عايشين عيشه ميسره

فله جميلة وسياره كشخه ما هو مثلك تركبني سياره مكسره

هذا زمان المسخرة هذا زمان المسخرة

لين استلمت ذاك التلفون تبمبعمثل البقرة

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخرة هذا زمان المسخرة

الله يرحم ذاك الزمان الحرمة فيه مستره

كانت تجلس ويا الأذان وتصلي لله وتشــــــــــكره

وتدعي للناسالطيبين بنفس طيبه وطاهرة

هذا زمان المسخرة هذا زمان المسخرة

مو مثل بنات هذا الزمن تركب ويه الأجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شيء أني فتاه متطورة

لا يخدعونك باسم حضارة هالزمن آخرتها تالي المقبرة

وآخر كلامي بالصلاة على النبي واياه العترة الطاهرة

[شمعة الوادي]

يعطيك العافية أخي على النقل الرائع
موفق لكل خير

[دمعة على السطور]

اللهم صلي وسلم على محمد وآل محمد


وعجل فرجهم وفرجنا بهم ياكريم..



أبيات من الشعر أخذت دلائلها من لُب الواقع..

تخللها بعض الكلمات المُطرية والمُلطفة..





اسأل الله لنا ولكم جميعاً الهداية والسير على نهج محمد وآل محمد


صلوات الله وسلامه عليهم أجمعين..


غاليتي .. يعطيك العافية ...

على هذا الطرح الموفق..

بعد إذنك سوف يتم نقله لقيم الشعر والخواطر المنقولة..


خالص شكرنا لعطاءكم ..


موفقة لكل خير إن شاء الله تعالى..


دمتي بعين المولى الجليل..

[علوكه]

يسلمووووووو
على المرور
ربي يعطيكم العافيه

[عاشقة المستحييل]

يسلموووووووووو اخي ع النقل الرائع

موفق لكل خير

[نور الهدايه]

يعطيك العافيه
يسلمووووووووووووووووووووووو

[علوكه]

مشكورين على المرور الجميل
ربي يعطيكم العافيه
دمتم بخير