جيت اعترف لجل الأمانة والأشواق
ولجل الحنان اللي يعانق جفونك
جيت أعترف صدري من غيابكم ضاق
تصيح المشاعر بالحناجر يبونك
جيت أعترف ما عاد باقي لها باق
في الحياة وكيف بحيا بدونك
دنيا بعد فرقاك ما عاد تنطاق
كل السعادة غادرت مع عيونك
حتى الجروح اللي بسبايبك تشتاق
تشتاق لو هي من سبابيب طعونك
أعتى رياح الوجد هبت بالآفاق
بعد الهدوء اللي بشواطي سكونك
لك منزلٍ فقصى الضماير والأعماق
يبكي جداره يوم فارق لحونك
تنوح القصايد كاليتام فالأوراق
أيتام بعد مفارقك يسألونك
كيف يهناك العيش يازين بفراق
شريان قلبٍ راويه به غصونك
ارجع لقلبٍ من تجافيك خفاق
ارجع لروحٍ حالفه ما تخونك
ارجع لطرفٍ صار بالدمع دفاق
ارجع لخلٍ عاش عمره يصونك
ارجع وخل الود يضوي بالأحداق
ارجع وتكفى لا تطاوع ظنونك



(( منقول ))