المشاركة الأصلية كتبت بواسطة عفاف الهدى
السلام
استحمدوا ليي بالسلامه
خبر طازج توه الحين الساعة 11وربع
بس قبل دقايق نجونا من حريق كاد ان يقع في البيت
القصه اتقول
ان احنا جالسين ومرت علينا ريحة حريق
بالعاده انقوم نلف البيت لف
هالمره ولا وحده فينا اتلحلحت بس اختي مرت عالكمبيوتر
لأن من الصبح شغال وما لقت شي ورجعنا
دقايق واخويي نوى يروح شقته وهو طالع لمح الحريق في تنور الحسينية
راح سريع الا الزباله اكرمكم الله مولعه نار
اتريها النسوان لما خلصوا من القداوه رموا بقايا التتن ما ادري وشو في الزباله
يمكن فيه شراره والا من حرارته وله لآن الزباله كلها فاين ((نشاف)) وكاسات بلاستيك
فولعت فيه النار والله ستر اخوي هناك طبعا الزباله ذابت سالت والفاين والي داخل صاروا على القطعه
((الزوليه)) والتهمت جزء منها والحمد لله قمنا مع اخواني واداركنا الموضوع
بس عافيتي الى الحين تتنافض
الله ستر ما في اضرار الحمد لله الا الزوليه والزباله بس
الحمد لله على سلامتنا جميع
ألف حمد الله على السلامة، سلامتكم و سلامة البيت و الحسينية و الممتلكات
لكن يلفت نظري دائما مثل كلامش الحين و كلام [حماتي] خت مرتي، و هي صاحبة حسينية كبيرة في القطيف توها جددتنها بالكامل قبل العشرة و من عرضها غرفة القداوة، عند ما تتكلموا عن العزية و استعمال القداوة إلى المستمعة
يعني ما فيه أمل يجي يوم تخلص النسوان سموعتها للحسين من دون سحك تتن؟
إن شاء الله يجي ذاك اليوم قريبا
عاد و ما عليش اخلاف بتي عفاف الهدى من الروعة
بس كسري لش بيضتين مالات دياجة سودا امفححه بحمار مثل ما قالت مرت امصبح جارنا يوم من الأيام لمرتي عند ما طحت على الباب و اتكسرت عافيتي
ليش، ايقول كانت طيحتي كانت على رجايل جني من فريقنا
عاد لين ألحين و زوجتي مسكينه اتدور على هالدياجة و ما امحصلتنها
بس ايقولوا في الزنجبار هالدياج متوفرين
قالت بتسافر الزنجبار لهذا الغرض، قلت ليها ما عليه ما دام بتجيبي ليي دواء روحي
لما تحصلهم أخليها اتجيب أربع منهم فنتين إلش
أما أنا فبريت موقتا و الحمد لله
و الحين إنتين بعد ما عليش اخلاف و الله اينجيكم على عوافيكم و يكفيكم الشر و الضر
وتسلمي
رد مع اقتباس
المفضلات