السلام
استحمدوا ليي بالسلامه
خبر طازج توه الحين الساعة 11وربع
بس قبل دقايق نجونا من حريق كاد ان يقع في البيت
القصه اتقول
ان احنا جالسين ومرت علينا ريحة حريق
بالعاده انقوم نلف البيت لف
هالمره ولا وحده فينا اتلحلحت بس اختي مرت عالكمبيوتر
لأن من الصبح شغال وما لقت شي ورجعنا
دقايق واخويي نوى يروح شقته وهو طالع لمح الحريق في تنور الحسينية
راح سريع الا الزباله اكرمكم الله مولعه نار
اتريها النسوان لما خلصوا من القداوه رموا بقايا التتن ما ادري وشو في الزباله
يمكن فيه شراره والا من حرارته وله لآن الزباله كلها فاين ((نشاف)) وكاسات بلاستيك
فولعت فيه النار والله ستر اخوي هناك طبعا الزباله ذابت سالت والفاين والي داخل صاروا على القطعه
((الزوليه)) والتهمت جزء منها والحمد لله قمنا مع اخواني واداركنا الموضوع
بس عافيتي الى الحين تتنافض
الله ستر ما في اضرار الحمد لله الا الزوليه والزباله بس
الحمد لله على سلامتنا جميع