آه يَحسين و مصابه ..
لجله العين سـﭽـابه ..

هلـﭽلمه ياهو الي كتبها .. مَدري
و بدمي هلـ .. ـﭽلمه بعروﮔـي تجري
هلـﭽلمه ويايه إبتدت .. من زُغري
ما تنتهي .. حتى بنهاية عمري

رغم الموت .. و ترابه
تبـﮕـى وياي .. ندابه

*** *** ***
آه يَحسين و مصابه ..
لجله العين سـﭽـابه ..

هلـﭽلمه من .. شرع الحزن بمحرم
صارت فرض .. بيها يصيح المأتم
هلـﭽلمه واجب عالطم .. تتقدم
مثل الصلاة .. تتوضى لو تتيمم

بعرض الآه .. أسبابه
من عاشور .. و صوابه

*** *** ***
آه يَحسين و مصابه ..
لجله العين سـﭽـابه ..