الله الله يا أبو سلطان

يا علي يا علي

ذكرتنا باللذي كان مضى

لحقنا على أواخر ذيك الفترات من الخير اللي ما يحمله حمالي

كنا نشتغل في كل يوم شغله

يوم نقص ( نحش ) أسل ونبيعه للي يسووا المديد

ويوم نسحت يريد النخل ونبيعه على القفاصه

ويوم فالف نشتغل في العمار

وكانت الاجره ما تزيد على فلافين الى خمسين ريال

وتالي قمنا ندخل تريبات الرمل الى البيوت

وكنت من اللي مررره با أروح أشتغل في أرامكو >>>أرانكوووه

بس ما كتب رب العالمين

والحمد لله رب العالمين على كل حال

ايييييييه الله يذكرها بالخير ذيك الأيام

بس ما عليك طيبة القلب للحين موجودة بالرغم من اللي صاير هالايام

عند أهل القطيف الطيبين ، وبس تجينا الديره مجهزين الك

ذيك القهوه ( الغاويه) وياها تمرة خلاص مالت بيت

وداكوه اليوم بنروح نحدق وبنطب للهوامير اذا حصلنا في يافور واحد لو بالول مو مشكله

با أضمه الك ونسويه مرقة هامور ويا عيش مشخول

أيا بااااااااااااااه وبعد مناك وكنك ما تدري مشكاب جرجير ويا بصل أخضر وعليه لوميه

خلاص خلاص طلبناك .............قول تم الغداء عندنا

واصل أخونا أبو سلطان بدون فاصل

مأجور ومثاب


فمان الله