المشاركة الأصلية كتبت بواسطة أبو سلطان
ما شاء الله عليكم بناتي!
تراني مو مره ها، أنا ريال لكن شيبه و ماين عليكم، و بحسبة أبوكم العود، و سامحوني.
مسامح عمي .. :) تفضل
تراكم قلتوا كل اللي ما تبغوا اتقولوه، و فعلتوا و عملتوا كل اللي تبغوا ما تفعلوه و لا تعملوه، بل اتحاولوا تنتقدوه
يعني ويه.. يعني اني ما اقوم في المجلس مثلا لا سمح الله لو مفهيه !! 
هذا اللي فهمته من كلامكم..
و ما أبغى أدخل وياكم بالتفاصيل
فالله جل شأنه قال لنا: عليكم من أنفسكم، و أخبرنا بأن: لا يضركم من ضل و أكد لنا عن أنفسنا بــ: إن اهتديتم
بعد حمراء و صفراء ما علينا منهم و الكل قبيله ربه
عمي اسمح لي.. وفارق السن بيننا ما يمنعني من قول هالكلام..
بس المفروض ننتبه نكون كذا من الصنف اللي يقول ويش علي من غيري علي من نفسي..... الأنسان البالغ مكلف .,, ومن التكاليف الواجبه عليه ان يأمر بالمعروف وينهى عن المنكر.. هالتكليف مُسقط حقه من قبل الكثير من الناس .. وبيتحاسبو لا مفر..
عن نفسي يسموني ملقوفه ماعليه.. الاقي ردود سلبيه من البعض توصل لشتمي احيانا و احراجي بجملة : مالش شغل فينا حنا بنتحاسب لو انتين..
بس اني انسانه.. اؤدي تكليف الله فرضه علي..
ان لا اسكت عن منكر اشوفه..
والله فلانه ماقامت.. شان هي قريبه مني بالمجلس اكلمها بأسلوب واقول ليها .. رحم الله من ذكر القائم.. والقيام واجب..
مجلس اني فيه ووحده تشغل جوالها اغاني.. مو اترك المجلس بحجه اني ما اسمع واستحي اكلمها.. لا اتكلم واقول.. لو سمحتي اسمعي لحالش .. والأغاني ترى حرام..
الساكت عن الحق شيطان اخرس..
واكرر واقول لا يصير افراد المجتمع بهالسلبيه..
لنصرة حسين زماننا القائم عجل اللهم فرجه.. يحتاج اناس جريئين في قول الحق وما يخشو لومة لائم..
عمي .. لا تقول مالي ومالهم وذنبهم على جنبهم.. وكأنك بهالحاله تشاركهم الذنب..
ومسامحه..بس اذا عندي كلام لازم اقوله وقولي مدعوم بفعل ولله الحمد .. هيك طبعي..
أما قضية السرقات، فلو تركت البنات جوالاتها [موبايلاتها] في البيت لارتاحت أكثر منها حتى نفسيا
الله لا يبلانا بسرقه
أما العزية التي لا تترك مجال للإستماع فيها جيدا، بسبب سوالف نسوان، أو لغط أو بكى أطفال، نتركها، و نذهب عنها لعزية أخرى لها صفات حسينية أفضل، أو لعزية الرجال و لعلها أنفع بكثير بما تحتوي عليه من معلومات أطرأ و أنفع، إن أمكن.
ياعمي رجال والا نسوان تجيك من اصناف مشتتين السمع و الأنتباه اشكال و الوان مافي مفر ..
و قيل قديما: قليل مقيوم و لا كثير مضيع
عجبتني المقوله .. تسلم
هذا و دمتم بكل ود
و سامحوني
رد مع اقتباس
المفضلات