بسم الله الرحمن الرحيم
السلام عليكم ورحمة الله وبركاته ..
مرحبا أمورة ..
شخبارش غناتي من الرفيس والمرافس ..
والله أمور موضوعك جبتيه في الصميم
لان الكل صاير يعيش هالوضع المتعب ..
وراح أتكلم عن كل الاشياء الي تكلمتي عنها
لان جد نفسي أحصل على حلول الى هالاشياء ..
على سالفة المتفرجين
ماشاء الله تبارك الله عندنا متفرجين واجد مرة
وكل وحده تقول الزود عندي
جد نفسي أعرف الحين هم لمايشوفوا الشي الي يصير
أو يسمعوا الكلام إلي ينقال
أبد ماتجيهم الغبنه ويصيحوا على الشي الي صار لآهل بيت النبوة
والله لو قاعدين يشاهدوا مسلسل ومات البطل أو البطلة
والله كان سووا اليهم فاتحه وهم قاعدين
بس على أابي عبدالله الحسين أبد مافي ولادمعة
أو تفاعل أو أي شي ..
في الحسينيه إلي أروح أتسمع فيها
أشوف الكل يشابق عشان يقعد في الوسط
عشن يتفرج ويشوف كل شي عدل
أني ما أنكر إن أني من الناس إلي أسارع إلى إني أجلس في وسط المجلس
بس مو عشان أتفرج لاني أحس إن الوسط
أخشع من الاطراف ..
ولان مادري في عندي قناعة إن لو بجلس على الاطراف راح يجن جنوني
وماراح أفهم ولاشي من إلي ينقال
وبالفعل في كذا مرة تأخرت في الروحة وصرت جالسه على الجنب
وقسم بالله ماحسيت روحي في مأتم
حسيت روحي في مكان للسوالف والحش والروحه والجية
وساحة لعب إلى الاطفال
وإلي جالسين هناك مو حاطين في بالهم إنه يتسمعوا
ما أقول الكل بس الاغلبيه
فعشان هيك صرت أظطر إني أروح إلى الحسينيه أمشي إذا بتتاخر
عشان بس أحصل ليي مكان في الوسط
لان الاطراف ماتصلح إلى إن الواحد يتسمع فيها ..

والصراحه في بعض الكلمات سمعتها من بعض البنات
وحده تقول مادري على ويش الناس تصيح
ماني شايفة شي يصيح
كله كلام صار ليه سنين ومنين من صار يصيحوا عليه إلاويه
بالذمة هذي شيعيه أو حتى في قلبها ولاء إلى أهل البيت ..
أو هذول إلي من يدخلون المجلس لين يطلعون
وهم أبد فلانه سوت وفلانه قالت
وطول الوقت سوالف رايحه وسوالف جاية
ولاهم داقين خبر الى إلي حوالينهم إنهم يبغوا يتسمعوا أوشي
ليلة التاسع وأني في الحسينيه
وراي كانوا بنات ثنتين كانوا سوالف سوالف
قلت لا الحين بيسكتون ماتوقع بعدين بيظلوا يسولفوا
الا تم أفتتاح المجلس بالقرآن الكريم
وهم السوالف ألف عندهم << حتى القرآن ما أحترموه ..
وخلص القرآن وأبتدوأ بالزيارة وهم السوالف أشكال وألوان
وعن كل شي
وقسم بالله النعي إلي مع الزيارة يفتت الصخر من حرارته
وهم أبد ماهم حاسين إلى شي
نفسي أعرف السبب تحجر القلوب أو ويش بالطبظ
خلصوا الزيارة
وجا دور المحاضرة قلت ننتظر ونشوف لوين نوصل وياهم
ومحاضرتنا هذاك اليوم كانت تتكلم عن هالشي
عن السوالف وعن كل شي يسووه البنات لما يروحوا المأتم
وما يحترموا الزهراء سلام الله عليها
والله وهم ولاعندهم فيها السوالف داقة على الاخر
ولا كأن الكلام يعنيهم
سوالف سوالف سوالف
أقول مايتعبوا من هالهدرة ..
وخلصت المحاضرة ولاهم مهتمين ولاشي
وقروأ المصاب وهم لساتهم على السوالف
المشكلة إن ما كان لي مفر منهم لانهم لازقين في ظهري مرة
والمكان زحمة يعني مافي مجال أروح لايمين ولا شمال ..

وعلى سالفة الجوال
الصراحه ماحس فيه أحد كذا عندنا يمكن في مكانات ثانيه واني ما أشوفه
بس اني قدامي ماشفت ..
أما على الوقفة لما ينقرأ دعاء الحجة سلام الله عليه أو وقت المصيبة
لا الحمدلله أشوف الكل إلي عندنا يوقف أحترام
عاد المتفرج أو المنحرق قلبه على مصاب أبي عبدالله ..

أما على سالفة الكراسي فلغاية الحين ماشفت أحد يجي في الحسينيه
إلي أروح الها ويكون حامل ليه كرسي
حتى لو كانت وحده حامل
لان فيه جدران و أعمدة يقدر الكل يستند عليها
ولو ماحصلت هذا بيكون ذنبها لانها تأخرت ..

أما على اللبس فحدث ولاحرج ..
اللبس أشكال وألوان وموديلات جديدة تطلع بس في محرم
ولابعد أزيدش من الشعر بيت إن فيه بعض البنات
لازم كل محرم تسوون الها عباية جديدة عشان بس العشرة
تقول تخيلي الناس تشوفني بعباتي القديمة << لاويه رايحه معرض أزياء ..
ولا ديك العباية فيها كل مالذا وطاب من الالوان وأنواع الكرستلات
إلي برقها يوصل لين آخر العالم
وإلي تجي ومطلعه الشعر ولاكأنها رايحه تعزي الزهراء على مصابها
كأنها رايحع المعاريس
شعر طالع وكحلة كل يوم لون يتناسب مع لون العباءة
<< بالذمة هذول رايحين ويش يسووا
يتفرجوا ويسولفوا لو يعزوا الزهراء
أتوقع أني إنهم رايحين يستعرضوا ويسولفوا وبس ..

أما على سالفة الجهال
فهني أني بصارخ لين يوصل صراخي الى آخر العالم
لاني جد أعاني من هالسالفة
أني ماقول إلي عنده جهال لايروح يتسمع
بس اعلم أولادي أحترام المجلس
أفهمه إن أحنا رايحين نعزي الزهراء في ولدها مو نروح نلعب ونسولف
ماشاء الله في ناس أولادهم ينحطوا على الجرح بيرى
وناس اللهم ياكافي ،،
بس الصراحه إذا الجهال بيشوفوا أماتهم ماهم مهتمين
تتوقعوا إنهم هم راح يهتموا
أبد ....
ولللللللللللللللللل
عفر هدرت واجد
بس والله من حر مافيني
بالذات هذول البنات إلي أبد ماعندهم إحساس بالمصيبة ..

الله يبعدنا من كل هذول الناس إلي قلوبهم مرة قاسية على مصاب
أبا عبدالله الحسين ..
وفي الاخير أميرة
أعذري هدرتي المطولة
ترى في عندي هدرة زيادة بس قلت خلاص
لاحد يطردني ...
الله يعطيكِ الف عافية يارب على الطرح الجميل ..
والله يوفقنا وإياكم الى كل خير يارب
ويجلعنا من الباكين على مصاب إبي عبدالله الحسين
في كل حين ..
تحياتي العطرة
هموس ..