ربي يعوضش يا أسرار .. وينتقم منها
على فكرة بقول لكم قصتي العام الماضي ..

في ليلة الأربعين كنت مصرة أني أروح الحسينية .. ورحت وقبل ما تبدأ القراءة حطيت جوالي عالسايلنت وأختي بعد عطتني جوالها وقالت حطيته في شنطتش .. وبعد ما خلصنا وطلعنا والناس يتدافعوا من الزحمة وصلنا للباب وبنطلع وفتحت شنطتي بخذ الجوال .. إلا ما أشوفه !! وأختي شككتني أنه يمكن في السيارة .. قلت لها لا توي حطيته سايلنت .. ورجعت دااخـــل وسألتهم قالوا لحد الآن 7 جوالات انباقوا !!! ووحدة من الكوادر ربي يجزيها ألف خير قالت خذي جوالي واتصلي فإذا كان مقفل يعني باقوه واذا يرن يعني يمكن ضايــع .. والمصيبـــة كان مقفل .. والله حرقت قلبي عليه لأن توه جديد وموديله جديد ..

لكن في نفس الوقت حمدت ربي أنه في الجوال ولا يصير فيي شي .. ورضيت ضميري
لأن أصريت أروح أتسمع .. وهي أصرت تبوق جوالات الناس

حسبي الـله عليها وربي ينتقم منها ولا يوفقها لا في الدنيا ولا في الآخرة ..

لكــن ما توقعت نااس ينتموا إلى مسمى (( شيعة )) لكنهم ما يستاهلوا ينقال عنهم .. لأنهم يستغلوا هالمواقف .. وعلى فكرة ترى قبل يومين لما نقوم لدعاء الحجة .. عجل الله فرجـه .. تقوم البوقات بعد !!
لأن بعد ما جلسنا في بنات فقدوا جوالاتهم
شفتوا لأي حد وصلت دناءة الضمائر والنفوس !!
وأنــي عندي يقين أن ربي بينتقم منها .. ووش يضمن لي أن الجوال اشتغل في ايدها أصلأ

الحــمد لله رب العالمين رضينا ضمائرنا بحضور المجالس الحسينية .. والآخرون يوزعون حسناتهم
شيء مضحك بقلة العقول تلك !!

وأسرار غناتي لا تدعي كذا .. ربي ياخذ حقك وحقنا منها بحق محمد وآل محمد

ألــف تحية