حبيبي إنت المفيد

جيب الصوره مره فانيه علشان نقراها و اناقشها عن قرب لأنك ذكرتني ابحاجات قديمه عمرها حوالي 55 إلى 60 سنه تقريبا:


أول شيء أبغى أتأكد منك إذا هذا الساباط الشمالي قريب بيت من ناصر و قريب دكان الشرفاء الله يرحمهم جميع

لأن في هذه المنطقة كانت عندي ميزة ما تتوفر للكل

أقول لك عليها:

داخل الديرة كانت مغلقة تماما من هذه الناحية يعني بيت المعلم و بيت اقويسم و بيت بن علوان و الخيلان الشاعر و غيرهم داخل الديرة، و هذا الساباط بره فكيف تستطيع الوصول إليه مباشر؟

كان عند الكثير الأمر مستحيل بس عندي أنا ما كان مستحيل لأن اهنيه بيت أعتقد وقف و اللي ساكنين فيه من أهلي و ساكنين فوق و البيت هذا فيه باب على الداخل و فتحة على برى على الطريق جنب الساباط

و أنا بما أني أعتبر منهم أولا، و ثانيا صغير فأمر في الإتجاهين بدون لا طق طق و لا سلام عليكم امسامح بالكامل

و أخبرك بعد هذا الساباط مو عتيق واجد واجد غيره أعتق منه كاللي عند الجنبي و اللي في بيت الشاعر

يعني أنا شفت هالطرق بدون ساباط و شفته بساباط

و مشكور لأنك صلحت الحفرة لأن الرجال اللي كان حامل الرطب المرة الماضية مسكين طاح فيها

و طيب إلا ليش ما اتخلينا انشرق اشوي ثم انغرب منها أراويك الدروازة الشرقيه و الوادي و بعدين نرجع على نفس الطريف انغرب و أراويك الدروازة الغربيه عند الضريب و عن حسرتك

و لا تنسى تشتري لينا غرشة كولا ابربع

رحم الله داك الزمان و مشكور المفيد