المشاركة الأصلية كتبت بواسطة أبو سلطان
اتصدقي مشرفتنا أختي همس الصمت أنا لين الحين أختز و أنتفض منش من ناحيتين
لأن في الصباح قبل ما تطلع مرتي لشغلها قلت اليها كسري ليي بيضه علشان مختلع
بس من عنادتها ما كسرت شي اتقول إنها تكد و تكدح علشان تشتري البيض و أنا أقل شي يصفعني و أختلع شني ياهل
خبرش في الصباح دخلت على صفحتي هذي عن طريق مشاركتش يعني من الأخير
و مستانس إن عندي شم نفر دخل و أعطى رأيه على اصوري
و فوق و فوق إلين وصلت تحت توقيعي
إلا مكتوبه هالجمله: التعديل الأخير بواسطة همس الصمت و أنا أعرف همس الصمت مشرفة و ليها الحق بالدخول و عمل إجراءآت الازمه
كفينا الشر يعنو مسوي غلط
و اتعرفيني عاد أقل شي ايخرعني
و اقعد ابحلق في التعديل و أنا مكاني على الصفحة
الحاصل أخذت ليي تقريبا ربع ساعه و أنا على هالحال متسمر
هذي خلعه الحين أنا أهتز و أنتفض و اعيط على مرتي تكسر بيضه
لكن لو ناديت لأسمعت حيا
لا تستعجلي جايتنش الخلعة الفانيه
تالي شان أطلع اشوي اشوي و أتفقد صوري وحدة وحدة إلا كلهم كاملين حمدت ربي و شكرته و اعتبرت اللي شفته أكيد غلط
لكن الخلعة الكبرى اهنيه يامشرفتنا
ما نا امصدق روحي أحصل على وسام المواضيع المميزة
و هنيه يغمى عليي .............. يعني طحت ابصفراء
ساعه كامله و مرتي اترش عليي بالماي البارد من الفلاجه لكن ماكو فايدة
شان ايضيق صدرها و اتزعبج علي و اتهدد: انشان بتموت قول ليي أرسلك القطيف علشان أفتك منك
إهنيه اوتعيت لأن الصدمه قويه .............. نايبه اتبرت منيبالكامل!
بس مرتي الله يجزاش اياها بالخير اليوم ما راحت الشغل كله خايفه عليي أموت و تبتلي بي و السبه انتين
لأن حرارتي صايره تصعد و تنزل
باسم الله عليك أخوي
ماتشوف شر 
..
7
7
7
7
7
بس هو صحيح مشرفتنا همس يعني قولي الصدق انا استحقيت الوسام؟
أكيد أخوي لو ماكنت تستحق الوسام ماكنت حطيته لك
الصراحه التصوير مرة روعة
والمكانه تسحر
عليكم بالعافية يارب ..
وعليك بالعافية الوسام ..
انشان الخبر صحيح أباقول: عسى الله ايطول بأعماركم و يكفر خيركم و يجعل أيامكم كلها سعادة و مرح و نجاح بحق نبينا و أئمتنا الكرام عليهم أفضل الصلاة و السلام
و الحين أبشرش ابريت و ما فيني إلا العافيه و الفرح و السعادة كلهم ابركاتكم
هههههههههههههههههههههـ
و مرتي من الساعة سبعة الصبح و هي تسبح في الشارع رايحه الإدارة بمسفة 110 كلم
و تسلموا إنتين و كل الإدارة المحترمين و أنا و زملاي الأعضاء و اتمنى للجميع التميز في حياتكم كلها اللهم آمين يارب العلمين
تسلم أخوي ..
وجزاك الله خير ..
و تسلمي
رد مع اقتباس
المفضلات