بــتــذكـــرنــي

[شمعه تحترق]

بتذكرني..

اذا صدفه شعاع الشمس

جا بعينك

وتلقاني بقرص الشمس

حزينه وأسألك

وينك ..؟

بتذكرني ..

وأكيد أمر في بالك

اذا تبعد..

وتبقى جالس الحالك

أمانه لايسيل الدمع

ولايجرح سحر عينك

اذا مريت في بالك

بتذكرني..

صباح العيد
وأنا أترجاك..

لوناوي مع اصحابك تروح ابعيد

كلمني وطمني

بدونك عيدي ماهو عيد

بتذكرني ..

اذا تسمع قصيدة حب

بتذكر صوتي لحظتها

وبتنادي بحرارة قلب

يا كل الحب .. يا أجمل حب

بتذكرني..

اذا شفت الطيور تطير

بتتذكر حكي قلناه

وسوالف حلم ماعشناه

وبتلاقي الحقايق غير

بتذكرني..

اذا في يوم بتسافر
بتذكر دمعي الحاير
دموع تسيل..وحزن .. وويل
وحالي يكسر الخاطر

بتذكرني..
اذا شفت أي وجه شفناه
وطفل بصدق حبيناه
وتسمع صوت ضحكاتي
على موقف حلو عشناه

بتذكرني..
اذا مريت بدروبي
وجابك حظك ابصوبي
بتتذكربقايا روح
وشخص بسبتك مجروح
كنت له عقل .. قلب وروح
ومن بعدك عرف معنى الألم والنوح
وصار الحزن زادي ومشربي وثوبي

بتذكرني..
اذا بعض البشر تجفاك
وفجأه اللي تحب خلاك
تلاقي دنيتك ضاقت
وتحس روحك لي اشتاقت
بتذكر قلب ماينساك

بتذكرني..
وتذكر طيبتي وحبي
وأنا بذكرك..
وبتذكر ألم قلبي
وجرح إكبير..
مايشفيه سوى ربي

شمعه