المشاركة الأصلية كتبت بواسطة عوامية صفوانية
<< معصبه من البارحه لاني كتبت ولااااا طلع شي اخترب الدي اس آل خخخ
المهم
سلآآآآآآم << توها متفرغه اتقول السلام خخخ
مراحب عمووو ابو سلطان
الله يعطيك ألف عافيه
بصراحة الصوور احليوه مررره
واكثر شي عجبني الزرنووق والدروازه خخخخ
لا خلا ولا عدم منك
ننتظر جديدك في التكرم بإعطائنا من قديمك << جمله خخخ
موفق لكل خير
السلام عليكم
إلا بتي عوامية صفوانية حاولت أجيب العناصيص اللي في الزرنوق بالزوم لكن ما قدرت لأنه يمكن الزرنوق نضيف ما فيه عناصيص و أنا ما أدري
أو علشان كيمرتي من طرز أبو رفسه مو مفلات كاميراتكم ألحين دقيقه
الا على فكرة انتينه تعرفين العناصيص لو لا ؟ أخاف ما اتعرفينهم ! و اتعرقلتي ابهم لو لا ؟
صح لأن أنا و انتين داك الزمان نستعمل نعال و كبكاب بعضهم ايسميه قبقاب
أما أنا انعالي من ورق لقضوب
و طريقة تصنيعه التالي:
أجيب شم ورقه من هلكبار و افرشهم على الأرض، و حط ارجولي عليهم و اشفس الورق على أصابيعي حتى ظهر ارجولي
و اجيب ليي اكشم من عقبة من سعفة نخلة و اربط الشفسة المثنية على ارجولي
و تعالي شوفي لختراع اللي ما مفلاته اختراع
صباط أحسن من اللي يلبسه الشيخ
لأن لون صباط الشيخ عادة برتقالي و ما اعرف ليش اختاروا هاللون !
أما أنا فصباطي لونه أخضر
نرجع للعناصيص و انعرفهم:
حجارة صغار اللي اتصير في الطريق، اتطيح عادة من الحمارة لول اللي ايجيبوا لحجارة من البحر للبني
خصوصا في الشتا لين مطرت و صار الطريق كله غيلة و خمق لحجارة هدي تندفن تحت الطين
و هالحجارة ايسموها عناصيص أي جمع عنصوص
و الناس تتعرقل ابها و تتعور ابهامات رجايلهم
ويصير في أصابيعهم بغاوي أي جمع بغوى
و يحطوا على أصابيعهم أما طفو مال ضو أو حفل مال قهوه أو شبا مال ضلوع و يلفوا عليه شمطوط و يربطوه ابعقبة (ايقولوا عقبه بابوازه منفوخه) في بعض مناطق القطيف الله يرحمك يابويي و بعضهم ايسموها عكبه (خفيفه فيها دلع) رحمة الله عليش يامي
و تتنفخ أصابيعهم شم اسبوع و هم يغرسوها في وحل هالطريق و تحت درجة حرارة تلامس الصفر في الشتاء و الستين في الصيف و هم رايحين جايين في الضواحي و الجوابير و لشروب و لمنجيات و لفبارة الله كان ابعونهم لا دخاتره و لا شي، لكن تالي بعد أشهر يشووها و تبرى
طولت عليش السالفة سامحيني لكن لا تنسي بدل الـdsl في المستقبل استعملي القاز
و مشكورة على المرور
رد مع اقتباس
المفضلات