السلام عليكم
شكرا كثيرا لكل من زار صفحتي هذه و الشكر الأكثر لمن كتب و علق و هم الإخوان و الأخوات:
* أختنا دمعة طفلة يتيمه
* و مشرفتنا فرح و حفظ الله القطيف من كل مكروه
* و أخونا الكبير المفيد اللي عندي و ياه كلمة راس
إلا تعال أنا عرفتك بإسمك و انت شيفه عرفتني بريحة الضريب؟
و الله لن أكتب هذه القصة مرة ثانية في حياتي أبد حرمت
أما امصبح هذا اللي امبهدلني في حياتي على طول و حركاته ما تنقضي عني
خبرك أنا متقاعد و اعتدت أروح الكرنيش كل مغربية بعد الصلاة أقعد ابروحي يعني شايف و مشيوف
ذاك اليوم تنشب فيي المدام الا بتروح و ياي
ابمضض وافقت و رحنا و أنا إذا أروح اياها مكان عام لازم ألبس نظارة سودا حتى لو في الليل بحجة إن عندي الماي الأبيض و الماي الأزرق و ضغط العيون و حفاض عليها من الشمس و الأشعة ألبسها بس هالمرة هي جالسة و اعيونها في اعيوني
اشوي و الا هي تسحب فيي بالعدال اتقول لي قوم اركب السيارة أنا خفت و قمت و تفتح الباب الخلفي مال النيسان السفاري واتكزني داخله
من المفاتيح اللي عندها شغلت السيار و حطت القير في الثاني و بعده في الثالث و الراحة و سحبت و تسمع التايرات في الأرض حتى و قفت على باب البيت
حولنا و انشان تعيط بالتلفون على مرت امصبح و كلمة من ذي و كلمة من ذيك بس ما أدري ويش اللي صاير لأن سمعي مثل منت خابر ثقيل
و يا دخلة ليي في البيت كوني دخلة شهر كامل ما طلعت من بابه
شكيت في السالفة و صرت انبش و الا في مخدتي ديك الورقة ايسموها خيوسة
طلعت اللي كاتبنها مصبح رجلها عسى ارجوله ما تدخل في انعاله
شققتها و فورا بطل مفعولها اتصدق
و طلعت لكن من الخوف ما قلت الا إلك
و السد عندك بالأمانه
بس هو ايسلم عليك واجد لأنه من ذيك القصة اللي صارت بينكم صار يعرفك عدل و صار يحترمك لأتك في هالسالفه غلبته و صار كله يسلم عليك
و الصور اللي ذكرتهم موجودين بس خل يبدا التفاعل و تحتر المكاين و نبدأ
و انت بعد لا تبخل علينا ابخيراتك
تراك أبو الخير و ما اتعلمت أنا إلا منكم
* و إلى مشرفتنا نوارة الدنيا اللي اتحب القطيف بجد و الله و كلنا انحبها الله يحفظ الجميع
* و الأخت عفاف الهدا
* و للجميع ألف ألف تحية و سلام
رد مع اقتباس
المفضلات