المشاركة الأصلية كتبت بواسطة عوامية صفوانية
* طفولتك كيف كانت ؟
طفولتي كانت جميلة جداً
درست في المعلم وختمت القرآن والوفاة والفخري يعني ملايه على قولتهم
<< محق ملايه وتستحي ...خخخخخخخخ
بس الاول كان مرة جميييييييييييييييل
عشت في ديك الايام وكانت لي دكريات حلوة كتير
وكنت أحس أن الكل يغار مني 
وكنت دلوعة البابا والماما لاني أصغر وحده في البيت
وكان وناسة لان الكل يدلعني
وطلباتي أوامر ...
* كيف كانت شقاوتك ومغامراتك ( بالبيت ، النخيل ، مع الطيور ، والاسماك ، والخرفان وووو خخخ ما خليت شي هههه
أبد ما كنت شقية
كنت في حالي أخاف من كل شي وأستحي من كل شي
وعلى قولتهم لا أهش ولا أنش خخخخخخخ
يعني مؤدبه هههههههههه
أتدكر كنا روح مزرعة عمي وكانت مرة وناسه والحين تجيني ايام وتهف في نفسي روحة هناك
بس عاد الاهل مايحبون كل يتحججون باالجهال 
وعلى الطيور كان عندي كناري وكنت أحبه مووووووت
ولكن ذاك اليوم جلست من النوم الا وفجعوني بالخبر
السنور واحنا نايمين طب على القفص وأكله
وخلاني حزينه عليه لانه كان يسليني وكنت دائما ً أتكلم معاه
وكنت أتمنى إنه يتكلم معاي بس عاد عصفور ويش بيقول 
..
وأتدكر لما كنت صغيرة من عين لعين نروح نسبح فيهم
وحركات واني ما كنت اعرف اسبح وكنت أجلس طول الوقت على الطرف
حق العين أخاف
وترى للحين عندي رعب من الماي جبانه حددددددددي << عاد هموس عن الفضايح ...
* عندما كنت طفلـ / ـة ،، من اين كنت تشترين الحلاوة ..؟؟ خخخ
كنت أشتريهم من بقالة الوالد الله يرحمة
والاشياء الي ما تتوفر في بقالتنا كنت أشترريها من بقاله جنبنا
وترى هالبقالة للحين موجوده اهني وأي شي قديم نلاقيه فيه
يعني للحين حركات هالبقالة 
* ما اقدم شئ تحتفظ به الى الآن ؟
لغاية فترة بسيطة مضت كان عندي قرآني إلي درست فيه في المعلم
بس بعدين عطيته بنت عمي لانها تموت في التراث وهذا عاد يعتبر تراث
صار ليها سنين عندي من لما كان عمري10 سنوات والحين
ماشاء الله عمري .... << بلا فضايح 
وفي عندي الفخري بعد الي درست فيه في المعلم ومع إن صارت حالته حاله الا
إنهم في يوم الاربعاء يقرؤا فيه في بيتنا يعني تستخدمة الملاية
يالله خلني أخذ لي ثواب 
من كتابي ..
* اهازيج كنت ترددها ... واحببتها منذ صغرك ولازلت تتذكرها ؟
مادري ويش قصدش بالاهازيج
بس اذا قصدك الي كانوا يقولهم في الاعراس
فاني مثل أميرة كنت أحب محلى خديجة على كرسي الجلالة
وترى للحين ماتشوفيني الا قلتها هههههههههههههه
وعلمتها للجهال كلهم
عاد تدرين تراث ولازم نعلمه للآجيال القادمه خخخخخخخخخ
وفي بعد بس مرة الذاكرة عاد تدرين عيووووووووز
وين أدكر راحت علي خلاص
هههههههههههههههههههههههههه
* مثل قديم أو مقوله تؤمن بها ؟
المنحوس منحوس لو حطوا عليه مية فانوس ..
* اتتذكرون تلك الزواجات الرائعة .. اذا كنت قد حضرتها
ما الذي كان يفرحك بها ؟
أوووووووووووه كانت وناسه مرة
وأتدكر الزحمة كيف تصير لما يجيبوا العروس
رقيع ومراقع وهذي تصدم في دي كل هذا عشان تشوف العروس
وتصير قريبة منها
الا يسمع يقول ملك مو عروس هذي
هههههههههههههههههههه
وبقول ليكم شي صار لي في عرس بنت الجيران وكنت بروح فيها خلاص بس الحمدلله الله ستر وطلعت منها بخير وسلام
المهم إن ذاك اليوم كان عرس بنت الجيران كان هموس وبنات عمتها يطلعون بدري
يروحون العرس وكانوا مسويينه في البراحه الي قبال بيتهم
المهم إن احنا أخذنا أما كننا بالقرب من كوشة العروس
وبالاصح كنت اني قاعده قبال كرسي العروس مرة
يعني فيس تو فيس
وكان يجبوا العروس وكان تصتك الدنيا بالناس وتصير الزحمة قريب الكوشة
وكان تجي أخت العروس وتقعد ترمي في الجهال كأنها ترمي وسخ
وكان ترمي علي وحده وتصير في حضني وومع الزحمة
خلاص حسيت روحي أختنقت 
وبغيت اموت
ولو ما بنت عمتي سحبتني من مكاني
كان الحين اني شهيدة عرس بيت فلان خخخخخخخخخخ
بس الحمدلله الله طلع عمري ...
* ما شعورك عندما ترى عجوز .. وكيف تكون نظرتك لها ..
وماذا تتمنى حينها ؟
لما كنت طفلة كنت أموت ولاتقولي لي داكي عجوزة
كنت أخاف مرة من العجايز
وكنت دائما حاطه في بالي إن هالعجوزة راح تسوي فيني شي
واذكر في مرة كنت رايحه لمعلم وكنت لحالي
وكان في الصابات او الزرنوق الي يودي للمعلم
مرة عجوزة من شفتها قعدت انتفض وياعلي خايفة لحددددددددددي
وكنت اطالع وراي وقدامي ابغى بس اشوف احد يمر قدامي بس ابد مافي
وكان المرة تقوم تكلمني وساعتها
ماعندي فيها رفعت عباتي والحق لاتلحق
ركضت ركض ماركضته في حياتي كلها
ولاعملت حساب لاني بنت او شي حياتي حياتي
كان كل همي إني أكون بعيده عن هالمرة والحمدلله انحشت عنها ...
بس الحين إذا شفت العجايز أقول الحمدلله على نعمة الصحة وعلى نعمة العمر
بس يارب لاتخليني أعيش لهذا العمر
مابي أعيش عمر اكثر من الخمسين لاني مابي أحتاج لآحد في الدنيا ..
* تخيل بأن الماضي رجع للوراء ، ما الذي ستأخذ منه ؟
* ما الذي يعجبك بالماضي ؟
عن نفسي في أشياء أبيها ترجع وأشياء لا
أول شي برجعه منها طفولتي ومراهقتي لاني ماعشتهم أبد
من صغري من لما كنت في أول إبتدائي عشت على إني وحد كبيرة
وكل شي في حياتي عيب
بس الحمدلله على كل حال
لان هالعيشه خلتني أمشي على طريق صح ..
رد مع اقتباس
المفضلات